點解韓國咁多男女共用廁所？

Hello，大家好，我哋係由韓國人每日提供最新韓國旅行資訊嘅Creatrip。

根據2016年行政自治部營運嘅公共數據網站公開嘅全國公共廁所標準數據顯示，122個市郡區嘅公共廁所有12,875個，其中男女共用嘅廁所就有1,724個（13.4%）。喺香港好似真係好少見呢種情況，而喺韓國有啲餐廳都係男女共用。

今日小編就想同大家介紹吓，韓國嘅男女共用廁所嘅秘密啦！

오마이뉴스

原來韓國喺04年之前都仲未有法律規定男女廁所係需要分開，咁有咩原因令佢哋立法分開呢？原來係因為02年要同日本合辦世界杯，成為咗韓國「廁所文化」改變嘅契機。一向都係視日本為競爭對手嘅韓國，為咗令外國人對留有一個好印象，所以就想超越一個一直都係以乾淨、整潔出名嘅對手。

연합뉴스

當時嘅水原市市長就要求將市內嘅所有廁所翻新，之後仲好積極咁去推動廁所革命，仲加強教育市民去用廁所嘅公民意識，因為咁佢被韓國社會稱為「廁所之父」。佢嘅努力仲令到韓國國會喺04年通過世界上首條有關廁所嘅法律 ——「公共廁所法」，強制規定廁所嘅建法同要求，入面嘅內容有要求男、女廁分開，女廁嘅廁格數目都轉同男廁嘅尿兜加廁格嘅總和，佢仲有要求喺任何超過3,000呎嘅建築物、新建樓宇同公共設施，都必須要將男女廁分開。

뉴스1

因為呢條法例實行咗唔夠10幾年，所以仲有好多舊式建築物都係保留住男女共用廁所，不過都見到韓國都一直努力去改善呢個問題。之後應該有一日就會見證到佢哋冇曬男女共用廁所！

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面