The Penthouse財力排名
The Penthouse財力排名，住喺100層頂樓嘅朱丹泰竟然都係得第5？第7名巳經有100億財產？
Hello，大家好，我哋係由韓國人每日提供最新韓國旅行資訊嘅Creatrip。
唔知大家有冇追最近韓國爆紅嘅狗血劇Penthouse呢？小編近排就搵到由韓國網民整理出嚟嘅Penthouse財力排名，覺得都幾有趣，所以就想同大家分享！
The Penthouse財力排名
第8名 - 吳允熙
팬트하우스
預計財產有10億嘅吳允熙，靠殺人犯情報做到赫拉皇宮嘅住客，背後又有羅根嘅幫忙，所以都唔會少錢得去邊。雖然同其他赫拉皇宮嘅住客比，佢喺比較冇乜財力，不過都慢慢上升緊。
第7名 - 姜瑪莉
팬트하우스
姜瑪莉嘅預計財產有成100億，佢擁有第45層嘅赫拉皇宮，自己經營嘅澡堂，同埋靠宋會長而獲得嘅股票情報，應該都賺咗唔少錢。再加上自己嘅老公係因為朱丹泰先會去坐監，所以都應該收咗朱丹泰唔少錢。
共同第6名 - 河允徹
팬트하우스
河允徹嘅預計財產有成幾百億，佢收咗千書真俾佢嘅70億之後去美國得到羅根嘅幫忙，做咗Bio John韓國分公司CEO，唔怪之得返咗去韓國之後咁多人都搶住去拉攏佢。
共同第6名 - 李奎鎮夫婦
팬트하우스
預計財產都係有幾百億嘅李奎鎮夫婦，現職國會議員嘅李奎鎮係法律界「財閥世家」，加上佢仲係三代獨子，所以一定係家族入面嘅少爺仔，而佢自己都講過自己係國會入邊最有錢嘅議員之一，所以佢嘅財力絕對唔可以睇小。
共同第5名 - 千書真
팬트하우스
預計財產有去到幾千億嘅千書真，佢係世界知名嘅聲樂家，仲係清雅集團嘅理事長，清雅集團唔止有學校仲有醫院同其他範疇嘅企業，涉及嘅範疇都好廣。佢仲有講過就算佢每個月用1億都好，佢去到死都唔會用得晒。
共同第5名- 朱丹泰
팬트하우스
赫拉皇宮係由佢起嘅朱丹泰，係建築公司嘅理事長，仲透過一步步咁去炒樓，令佢越變越有錢，住喺赫拉皇宮嘅100層頂樓，係超級有錢嘅富豪。
第4名- 沈秀蓮
팬트하우스
比起朱丹泰更加有錢嘅當然就係沈秀蓮，預計財產超過1兆，承繼佢爸爸嘅財產，同佢媽媽嘅家具公司，唔怪之得「發錢寒」嘅朱丹泰點都要娶佢做老婆。
第3名 - 羅根
팬트하우스
羅根嘅預計財產高達7兆韓幣，佢同千書真嘅清雅集團一樣，涉及嘅範疇都好廣，Logan Lee公司市價值6兆5千億，紐約羅根劇院值450億，美國麥迪遜大廈值5000億等，可以睇得出佢有錢嘅程度真係超乎想像。
第2名 - 宋會長
팬트하우스
預計財產竟然去到10兆至20兆韓幣咁多嘅宋會長，唔怪之得高尚雅見到姜瑪莉有宋會長撐腰嘅時候會咁驚。宋會長旗下有手機公司、製藥公司等，可以話係有錢人之中嘅有錢人。
第1名- 羅根爸爸
팬트하우스
預計財產去到37兆嘅羅根爸爸James Lee，佢個仔旗下巳經有咁多公司，作為佢阿爸應該一定比佢多，而且佢係喺美國定居所以賺嘅都係美金，所以係超級富豪。
不過以上都係韓國網民自己分析嘅內容，大家唔使咁認真，唔知道呢個排名同大家諗嘅一唔一樣呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
