Hello，大家好，我哋係由韓國人每日提供最新韓國旅行資訊嘅Creatrip。
大家記唔記得中學體育堂，一定要考體適能，做sit up、坐地前伸，仲有最恐怖嘅跑9分鐘等等，小編成日都會成日偷偷哋叫同學幫我數多2個，咁就可以跑少2個圈。原來韓國都有類順似體適能考試㗎，叫做「체육 수행평가」。今日小編就介紹俾大家知，韓國高中考睇體能係考啲咩啦！
韓國高中考體能要做啲咩
1. 跳馬
스포츠Q
呢個都算係幾簡單，只要跳過去就算成功。不過有啲學校就為咗要加強難度，就會要學生助跑跳上去再打關斗落返嚟。如果係咁嘅話，都真係幾高難度㗎。
2. 跨欄
연합뉴스
學校陸運會大家都可能有試過報跨欄比賽，原來跨欄係韓國體適能嘅其中一環節。不過如果比起要跑9分鐘耐力跑的話，咁小編會寧願揀誇欄。
3. 向前打關斗
더위키
小編覺得韓國高中體適能入面有向前打關斗都覺得幾神奇，因為向前打關斗好似係小朋友就學識嘅嘢，不過小編發現有好多韓國人原來係好驚做呢個動作。佢哋話覺得向前打關斗嘅話，所有力都集中晒喺個頭度，所以個頭好痛，加上覺得咁樣做好容易傷到條頸，好危險，所以唔敢做呢個動作。
4. 單槓
E대한경제
只要雙手捉住單槓，一直堅持住就得。小編覺得呢個都好簡單，同香港又要掌上壓又要sit up真係好唔同。
除咗以上呢四個，唔同學校都會加唔同嘅考試落去，例如打籃球、打排球等。而呢上呢四款就係必定要考嘅，大家睇完有冇覺得韓國嗰度真係比較簡單好多。小編都好羨慕佢哋唔使跑9分鐘耐力跑。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
