韓國粉絲應援文化

Hello，大家好，我哋係由韓國人每日提供韓國最新旅遊資訊嘅Creatrip。

鍾意一個明星當然會想為佢哋出一份力，或者送禮物俾佢哋，傳達支持嘅心意！而韓國嘅應援文化有好多種，今日小編就想同大家介紹吓韓國fans嘅應援文化！

你都想為你最愛明星應援？

[스팟] [Creatrip獨家] 韓國明星應援咖啡車

韓國粉絲應援文化

1. 禮物

theqoo

送禮物應該係大家都知道嘅應援方法！ 一般生日或者出道紀念日等 特別嘅日子大家都會送，雖然fans可以自己送禮物，但係一般都會集資送禮物。

트위터 @Jangwonyoung_CN

因爲如果係集資送禮物的話，就可以送一啲比較高價嘅禮物。 人氣 偶像或者演員都會有數以億計嘅應援，都一度成爲話題。

수지 인스타그램

如果送完應援禮物之後，藝人喺自己嘅SNS上面認證的話，fans 就會感到好欣慰！不過呢種禮物應援一直都存在緊一啲問題。

트위터 @headliner_jk

藝人雖然都會好感謝fans嘅心， 不過覺得收咁貴嘅禮物都會覺得唔係咁好，所以由2010年中 期開始，好多藝人都表示唔會接受啲咁高價嘅禮物。 BTS、IU 、SHINee等明星都有宣佈唔會再收， 淨係會收包含心意嘅手寫信！所以fans都諗緊其他方式嘅應援方法，而唔係用高價禮物應援！

2. 便當

브레이브걸즈 멤버 인스타, 브레이브걸스 갤러리

便當應援都係好耐以前就有嘅應援方法！ 偶像的話 喺活動時期每日都拍音樂節目，其他時間就進行綜藝同電台活動， 幾乎冇正常食飯嘅時間。 演員都一樣， 喺開始拍攝電視劇或者電影嘅時候，亦唔可以按時食飯。

喺fans立場嚟睇，藝人如果餓住個肚、隨便食， 或者食對身體唔好嘅外賣食物的話，會好傷心！ 所以爲咗支持佢哋 嘅活動就開始送便當。

instiz

啱啱開始提供便當應援嘅時候，fans真係會親手製作全部便當， 自己直接買材料親手做！ 上面呢張相就係GD fans喺BigBan g活動時期親手製作嘅便當！

트위터 @baekhyun_town

而家都慢慢開始出現咗提供便當服務嘅公司！ fans親自揀咗菜單之 後，由便當公司根據菜單製作便當再送過去，咁 便當無論係質量同衛生都應該更有保證啦！

藝人嘅便當基本上每一人份都超過10萬韓幣，"基本便當"係10 萬（約100000），"特別便當"就係由30萬（約300000）開始！ 啱啱開始覺得價錢好似太貴 ，不過睇到佢哋嘅菜單同誠意之後，就覺得幾貴都值。

sujikim.modoo.at

咁講下如果明星上音樂節目買便當大概要準備幾多錢啦！ 聽講電視台嘅工作人員大概係80至100人， 而經紀公司嘅工作人員就5至25人。送俾電視台嘅工作人員就係1 萬左右嘅簡單便當，而經紀公司嘅工作人員就係2萬到3萬左右嘅便 當，仲有當然唔少得明星嘅特別便當。 咁樣的話以五人偶像組合為例，最少就要需要200萬至300韓幣（2000000~3000000）左右，係唔係覺得都幾誇張呢？

3. 咖啡車/零食車/飯車

아이유 인스타그램

最近幾年喺藝人嘅SNS，都應該見過好多呢種嘅餐車認證照！ 由5年前左右開始，韓國嘅餐車公司越嚟越多， 韓國嘅fans都將餐車作爲應援送俾明星！除咗fans會送之外， 有交情嘅藝人 都會成日互相送餐車做應援。

지수 인스타그램

餐車同便當唔同，餐車好多時都係即叫即整，可以食到新鮮熱同辣辣嘅食品同飲品， 另外餐車嘅設計都好靚， 可以吸引所有人嘅視線！咁樣嘅餐車服務唔單止係藝人，拍攝現場嘅工作人員都可以享用！

4. 地鐵廣告牌

有去過韓國嘅話都一定會睇過地鐵廣告牌嘅明星應援， 雖然可能有人覺得唔係直接送俾藝人，都唔算係應援嘅一種。 不過咁樣就可以間接為自己鍾意嘅藝人做宣傳， 都係近年幾受歡迎嘅應援之一。

네이트판

喺播緊《PRODUCE 101》系列選秀節目嘅時候， 喺地鐵真係有好多支持練習生嘅廣告牌。 喺2016年地鐵廣告牌 係有542個，而喺《PRODUCE 101 第二季》播出嘅2017年就增加到1038個。 因為fans要宣傳俾更多嘅人知增加投票數！ 因爲唔係正式出道的藝人， 而係練習生，所以佢哋擁有廣告牌係一件好罕見嘅事， 所以節目入面仲有拍攝練習生搵自己嘅廣告板片段！

티오피미디어 SNS

而且出演《PRODUCE 101》嘅練習生都禁止使用SNS， 所以fans同練習生都喺廣告板貼便利貼溝通。 將筆同便條貼放喺廣 告牌前邊，俾嚟到嘅人寫上加油同愛嘅說話， 以後藝人嚟到嘅時候就會攞走。

另外，呢種廣告牌應援對fans嚟講都係一個好好嘅活動， 因為 可以去地鐵廣告牌旅遊，去晒自己鍾意嘅明星嘅廣告牌！ 所以大家都應該會成日見到廣告牌前邊經常會有fans拍攝留念。

instiz

咁地鐵廣告牌嘅價格係幾多呢？事實上呢種廣告板根據車站嘅流動人口都有唔同嘅價錢，因爲越 多人睇嘅話就越好，所以人流越高嘅話，價錢都越貴。首爾入面流動人口最多嘅地方就係三成站、江南站、 弘大入口站。 聽講喺嗰度一個月嘅廣告所需費用超過45 0萬韓幣（4500000）。如果想搵個更合理嘅價錢的話， 都可以喺啲唔太受歡迎嘅地鐵站放廣告，唔同車站價錢真係會差好遠 㗎！

5. 捐贈

theqoo

另外一個特別嘅文化就係捐贈應援，主要係分送 花環或者募捐兩種。

首先就講吓花環應援啦，韓國有每逢紅白喜事就會送花環嘅文化，喺2m左右大細嘅花環上面佩戴有祝賀字句嘅絲帶。不過藝人嘅fans俱樂部比起送花環， 就開始送花環同大米等可以捐贈嘅物品！

theqoo

捐贈大米嘅數量係由最少千克單位到噸單位都有，真係多式多樣。 根據捐贈大米嘅數量，價錢都會有唔同，10kg 大概會係10萬韓幣（100000）左右。

세이브더칠드런 공식 트위터

所以近排有好多直接向團體捐款，歌迷爲咗藝人嘅生日或者紀念日而儲錢，再以藝人嘅名義捐款！然後將捐贈證書俾藝人，站喺藝人嘅立場上面， 應該會覺得好欣慰。

逆應援文化

如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！