明星經理人介紹

Hello，大家好，我哋係由韓國人每日提供最新韓國旅行資訊嘅Creatrip。

大家有冇夢想過做明星經理人呢？無論係偶像定係演員都好，相信大家都會好羨慕一直會喺明星附近， 照顧所有日程安排嘅經理人！而最近因爲《全知干預視角》等綜藝節目，都令經理人呢個工作更加受到關注。今日就同大家介紹吓大家都會對明星經理人感到好奇嘅所有嘢啦！

經紀人要做啲咩呢？전지적 참견 시점

經理人顧名思義就係管理藝人嘅人，唔單止負責管理藝人嘅日程表 ，仲要負責日程相關嘅所有業務！不過，並唔係所有經理人都會做同樣嘅事。 經理人嘅種類大致分爲一般經理人（road manager）、組長級經理人或者副經理（chief manager）同室長級經理人。

同小編一齊了解吓佢哋分別要做啲咩啦！

1. 一般經理人（road manager）

由一般經紀人(road manager)嘅名就可以睇得出， 指嘅係喺現場用腳跑嘅經理人，即係我哋一般所知道嘅經理人。一般啱啱開始做經理人工作嘅新手都係road經理人開始！佢哋將會參加藝人所有嘅日程，同藝人一齊度過24小時。

전지적 참견 시점

跑行程嘅時候經常要負責開車，因爲人多， 喺保護藝人安全嘅情況下仲要負責警衛， 有駕駛證更加係理所當然嘅事，藝人嘅日程就係等於經紀人嘅日程， 所以除咗工作以外幾乎冇其他私人時間。 因爲不分晝夜咁工作， 體力消耗都好大。

2. 組長級經理人

如果堅持3年到5年，就會晉升做組長級經理人，組長級經理人下面有幾位經理人要管理。 根據藝人嘅日程安排佢哋嘅角色。最重要嘅業務就係調整藝人嘅日程表、 形象管理同活動企劃！

唔似一般經紀人咁只係單純地同藝人一齊參加定好嘅行程， 而係要做到調整行程嘅作用同負責有關日程嘅大部分工作。

舉個例子，喺偶像組合回歸嘅時候，綜藝節目邀請佢哋，咁組展級經理人就要研究偶像組合現有嘅日程表， 考慮嗰個綜藝節目會唔會對藝人嘅形象產生積極影響之後先決定出演 ！而且拍攝嘅時候，考慮到廣播嘅內容都要同製作團隊會議，通過會議再決定，任務係唔係比我哋想象中仲要多呢？

3. 室長級經理人

전지적 참견 시점

長期擔任組長級經理人， 而能力又得到認可的話可以成爲室長級經理人。室長級經理人同電視台作家或者PD建立交情， 負責宣傳同選角合同等，顧名思義即係全權負責同藝人相關嘅所有事嘅人。

由一般經理人到室長級經理人， 咁長時間喺演藝界打拼的話可以話係演藝界嘅專家。 積累嘅人脈都會好多， 所以做過室長級經理人，之後再創辦自己嘅娛樂公司， 成爲代表嘅情況都有好多。

韓國最大嘅演員所屬公司之一嘅「NOOX EXTORS」、INFINITE同Lovelyz嘅所屬公司「 Woollim」、KARA同April嘅所屬公司「DSP」、GFRIEND所屬公司「SOURCE MUSIC」等公司都係經理人出身嘅代表創立運營嘅娛樂公司！

經理人年薪

事實上經理人嘅年薪並唔算高，不過每間公司標準都唔一樣。

大型企劃公司都淨係俾一般經紀人最低時薪（8,792 KRW )而且，除咗規定嘅工作時間之外，仲有好多工作要做， 嚴格計算嘅話，相當係攞咗最低時薪都冇嘅錢。

當然，晉升組長或者室長的話年薪會上升！ 就好似前面所說嘅一樣 ，雖然每個公司都唔一樣，但大部分都係200萬韓幣到300萬韓幣左右。偶爾都有年薪比較高嘅藝人經理人，佢哋唔係同娛樂公司簽約， 而係因爲同藝人有交情先以1:1簽約！ 所以係好特殊嘅情況。

成爲經紀人嘅方法

相信大家都一定好好奇點先可以成爲經理人！ 因爲要將藝人嘅所有嘢都交俾佢哋，所以娛樂公司嘅立場嚟睇， 佢哋希望要搵個信得過同有保證嘅人， 所以之前大部分都係透過熟人推薦。 不過最近上傳到招聘網站正式招聘嘅渠道都變多咗！

成爲經紀人嘅條件

事實上要成爲經紀人，係冇咩特別嘅資格。 因爲大部分都係由一般經紀人開始，所以除咗駕駛執照係必須以外，就冇其他要求。

京畿大學、東亞廣播大學、首爾藝術專門學校都有管理專業， 幾個大型企劃公司都有經理人培養課程。不過聽講喺嗰度學嘅嘢對實際業務冇太大嘅幫助， 因爲大部分都係要喺現場工作嘅時候先會學到嘅嘢。

所以話要做好經紀人嘅工作，性格係最重要。 首先經紀人唔單止要對藝人，而且仲要對同演藝圈有關嘅所有人， 所以要有一直可維持到同大家良好關係嘅親和力同可以代表藝人立場嘅堂堂正正嘅態度。

另外經紀人嘅業務，每個藝人、每個節目、每個公司都唔一樣， 所以臨埸應急嘅能力都好重要。 即係要識睇眼色、 應變能力強嘅人，就最適合做經理人！

經紀人工作嘅難度

大家大概都應該會估到，工作強度太高係最難嘅一點。 特別係一般經理人，因爲經常要同負責嘅藝人一齊活動， 所以藝人嘅日程就係自己嘅日程。 反而經理人仲要比藝人更加早去準備同等待，所以會更加辛苦。

另外，將經紀人當成藝人嘅「下級」嘅時候真係好辛苦。 經紀人話，幫助藝人維持最佳狀態都係工作嘅一部分，所以都有好多時係需要迎合佢哋嘅心情。

韓國著名元老級演員嘅經紀人仲爆料話， 演員同佢老婆甚至要佢做垃圾分類、修鞋等家務。

經紀人同藝人嘅關係

서경스타

雖然經紀人嘅工作好多，但係以前經理人嘅角色係好少被人提及。不過IU、防彈少年團、EXO等好多韓國偶像同自己一齊工作嘅經理人維持良好關係，喺粉絲心目中經理人嘅形象者開始變好咗！

如果藝人同經理人有咁好嘅關係的話， 藝人都應該可以進行更多同更好嘅活動！

唔知大家有冇對經理人呢份工作有更加深嘅理解呢？歡迎留言話俾小編知！

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購