韓國人會點樣過生日？
韓國人生日嘅時候會做啲咩嘢？韓國小編親自介紹嘅韓國生日文化
Hello，大家好，我哋係由韓國人每日提供最新韓國旅行資訊嘅Creatrip。
Happy birthday to you~🎵 生日係1年淨係得一次嘅特別日子！小編好鐘意過生日，因為可以收到好多祝福。今日就同韓國小編一齊嚟了解吓韓國嘅生日文化啦！
陽曆生日？陰曆生日？
韓國同香港一樣都係有兩種生日， 一個係陽曆，一個係陰曆！
中年以上嘅人一般都係會過農曆生日，而年輕一代嘅人幾乎都會過陰曆生日！呢一樣都係同香港係一樣嘅，不過小編覺得農曆生日因為每年都唔一樣所以好難記得住。
生日術語
✔耳仔跌出嚟嘅日子
혜리 인스타그램
喺韓國，生日都會被稱爲「甩耳仔嘅日子」，因為當媽媽生bb嘅時候，bb個頭係最難生出嚟嘅，而耳仔嘅部份係成個頭最闊嘅位，所以「耳仔跌出嚟」呢句説話同「bb出世喇」係一樣！ 所以就有一個咁嘅講法！
✔生日 or 生辰（？）
aile style
大家都應該知道韓國係有敬語文化，所以上咗年紀嘅人同香港一樣生日會叫「生辰」。所以如果下次有要慶祝韓國人生日嘅活動，應該考慮一下講「生日快樂」定係「生辰快樂」。
生日會食嘅食物
✔海帶湯
韓國人過生日一定要飲海帶湯，佢係代表性嘅生日食物之一。
小編都好鐘意飲海帶湯，只係得飯、海帶湯同泡菜，就可以食曬成碗飯！
브이앱做海帶湯嘅方法係比想象嘅簡單得多！將乾海帶用水浸咗之後，用牛肉同麻油炒一下，再倒滾水落去，之後用醬油同鹽調味，就可以做到完美嘅海帶湯！ 根據唔同口味，有時會代替牛肉放貝類海鮮落去，有時仲會加少少芝麻，真係好好食㗎！
cj
因爲本來就係韓國人經常會食嘅食物之一，所以有好多方便嘅料理包賣，好推薦大家買嚟試下食㗎！
而生日嗰日飲海帶湯嘅理由就係爲咗記住媽媽嘅愛！因為海帶係產後調理嘅絕佳食物，所以喺韓國有產後飲海帶湯嘅習俗。雖然生日係自己出生喺呢個世上嘅喜慶日子，不過爲咗唔好忘記母親辛苦生自己出嚟，所以就要飲海帶湯！
✔韓式炒粉絲
韓式炒粉絲都係生日嘅時候經常食嘅食物之一， 雖然唔似海帶湯咁有特別嘅由來，不過因為煮嘅時候有啲複雜，所以只會喺啲特別嘅日子先會食！
tvN
雜菜係將各種蔬菜、蘑菇、肉切成細條，同粉絲一齊炒，再用醬油調味嘅料理，又鹹又香，味道鮮美！
✔蛋糕
生日嗰日要食蛋糕係全世界都會做嘅事！ 今日就同大家介紹吓四種特別嘅蛋糕啦！
1. 年糕蛋糕
蛋糕通常係用麵粉做嘅，而韓國就有用大米做嘅蛋糕！ 雖然都會有將一般年糕堆埋一齊做成蛋糕形狀，不過最近流行係用糕點代替麵包，因為有好多中年老人家都唔係咁鐘意西式麵包同蛋糕，所以佢哋嘅生日會成日買呢款代替㗎！
以前嗰啲年糕蛋糕會有一種好老土嘅感覺，不過最近年糕蛋糕嘅設計愈嚟愈多樣化，唔單止老人家嘅生日，就連年輕人都會食年糕蛋糕。 如果大家唔鐘意食甜嘢嘅人，送年糕蛋糕俾佢哋應該係唔錯嘅選擇啦？
2. 訂製蛋糕
인스타그램 hashtag 커스텀 케이크
最近呢幾年韓國好流行訂製蛋糕！設計變化越嚟越多樣化，價錢方面亦都相當合理。
小編上年同朋友一齊開生日party嘅時候，都有訂製蛋糕！ 大家又覺唔覺得好靚呢？呢種細細個嘅「便當蛋糕」大細同手掌差唔多，兩個人食就啱啱好，無論送禮定係收到禮物都唔會覺得有負擔！
小編都有送過幾次便當蛋糕俾身邊嘅人！左面係爲咗慶祝母親生日而訂製嘅蛋糕，右邊就係以卡通形象做設計嘅蛋糕！ 兩款都好靚好可愛㗎！呢種訂製蛋糕係世界上獨一無二，所以更加特別，記憶都特別深刻！
3. 朱古力批蛋糕
呢個朱古力批唔使小編多講，大家都應該有試過，不過如果用嚟做蛋糕大家又試過未呢？
朱古力批係將2個圓型麪包夾住棉花糖，再搽上朱古力喺表面，係喺韓國好出名嘅零食！將咁好食嘅朱古力派堆埋一齊就係朱古力派蛋糕啦！
유튜브 푸른[pureun]
朱古力批蛋糕主要係學生時代經常會整嚟食，因爲嗰陣錢唔太多，負擔唔到啲太貴嘅蛋糕！
출처: 이홍기 인스타그램
吹完蠟燭之後就可以一個一個分嚟食！
4. 大便蛋糕
유튜브 보니티비보니
聽到呢個大便蛋糕名係唔係好驚呢？ 呢個絕對唔係用大便做嘅，只係形狀似，呢個都係用頭先介紹過嘅朱古力批做嘅，將好多個朱古批放入膠袋入面，再壓成一個巨大嘅朱古力麵糰，然後將佢做成大便嘅樣，咁就大功告成！
유튜브 허팝 Heopop
呢個主要係整蠱生日嘅朋友先會咁做，雖然都係用朱古批做...但外型真係.......
✔生日祝賀文化
1. 生日「包」
爲咗祝賀生日嘅當事人，就會帶住愛意去打嗰個人，就被稱爲生日「包」。
好似將個生日蛋糕揼落去生日嗰個人度，都可以叫做生日「包」！當然呢啲係帶住愛意去做嘅，不過如果當事人唔鐘意，就絕對唔可以做啦。
2. 生日酒
生日酒係生日同飲酒加埋一齊嘅單詞，即係紀念生日而飲嘅酒，喺個大酒杯入面輪流放好多唔同嘅酒同食物，送俾過生日嘅朋友。
小編成年之後都飲過幾次生日酒，上面嘅相就係3年前生日嘅時候收到嘅生日酒。
呢個係利用筷子將多個杯堆好之後，沿着杯邊嘅燒酒好似瀑布咁填滿，每次飲一杯嘅時候，都要對父母、朋友、戀人等感謝嘅人說一句說話，然後就一啖飲咗佢！
3. 上傳到SNS
呢個係熟悉SNS嘅年輕一代經常用嘅方法，上傳到SNS去祝賀朋友！
幾年前Facebook流行嘅時候，就會去生日當事人嘅Facebook上面send各種相去祝賀！
朋友爲咗開玩笑仲一定會上傳啲搞笑相或者係醜照上去！真係唔知笑好定嬲好。
最近好似就唔太用Facebook，而係用Instagram去祝賀朋友！
4. Kakao Talk 送禮盒
所有韓國人用嘅聊天軟件「kakao talk」都可以慶祝生日，大家可能諗點慶祝，但其實佢內置係有「送禮物」嘅功能㗎！
去到禮品頁面，就會發現有好多商品，可以送禮嘅商品大致有兩種，有可以去咖啡店、酒店、便利店嘅食物交換券同要收貨人配送嘅商品。
咁樣按年齡、性別、價格推薦禮物真係幾方便！ 另外因爲有願望清單功能，所以可以睇住朋友嘅願望清單去送禮物。因為呢個功能，即使喺韓國唔可以直接見面，都可以好方便嘅交換禮物！
而且每日kakaotalk都會提有邊個朋友係今日生日，所以一定唔會唔記得！
以上就係韓國生日文化！大家睇完有冇對韓國了解多咗呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk