Hello，大家好，我哋係由韓國人每日提供最新韓國旅行資訊嘅Creatrip。
而家係Netflix嘅時代！因為由上年開始嘅新冠病毒流行，令到留喺屋企嘅時間都變得長咗，睇Netflix嘅人數都越嚟越多。
上年12月18號，Netflix原創系列電視劇《Sweet Home》開始播映。 單單公開咗一個星期，就巳經喺Netflix電視節目全球排名排第三。 聽講一個月最少有2200萬人睇！就係因為咁，出演《sweet home》嘅演員「宋江」同「高旻示」就開始被稱爲韓國Netflix嘅親生仔同親生女！
今日就同小編一齊了解吓最近好紅嘅明日之星演員宋江同高旻示啦！
넷플릭스
關於宋江
나무액터스
姓名：宋江
出生年月日：1994.04.23 (26歲)
出生地：大韓民國京畿道水原市
身高體重：185cm 68kg
學歷：建國大學（電影藝術學士 在學中）
所屬公司：Namoo Actors
出演影視作品
電視劇
| 年份 | 播出頻道 | 劇名 | 角色 | 備註 |
| 2017 | tvN | 她愛上了我的謊 | 白鎮宇 | 配角 |
| 2017-2018 | mbc | 擺飯桌的男人 | 金宇宙 | 配角 |
| 2019 | tvN | 當惡魔呼喊你的名字時 | 盧卡 | 配角 |
| NETFLIX | 喜歡的話請響鈴 | 黃宣梧 | 男主角 | |
| 2020 | Sweet Home | 車賢秀 | ||
| 2021 | 喜歡的話請響鈴 2 | 黃宣梧 | ||
| tvN | Navillera | 李柴祿 | ||
| JTBC | 無法抗拒的他 | 朴在彥 |
電影
| 年份 | 戲名 | 角色 | 備註 |
| 2018 | 吸血鬼羅曼史 | 李韶年 | 男主角 |
成爲演員嘅契機
나무액터스
大部分韓國學生喺高中嘅時侯就會確定自己嘅發展方向，所以夢想成爲演員嘅學生就會由高中開始準備大學嘅入學考試，入戲劇電影系準備演員。不過聽講宋江係成年之後先夢想成爲演員。
나무액터스
佢高中時期對室內裝飾同設計方面好有興趣，但係就因為金錢上嘅問題而放棄，冇入到大學。之後咁就自暴自棄咁過咗一年，到某一日睇到電影《鐵達尼號》入面里安納度·狄卡比奧嘅演技之後，先產生咗想做演員嘅想法！
나무액터스
之後時隔2年考入建國大學戲劇電影系，開始演藝生涯。因爲覺得比同齡人遲咗少少起步，所以都有少少不安，不過佢都一直努力，令佢出道3年就成爲咗Netflix電視劇主角嘅超級新星！
點解係Netflix嘅親生仔？
넷플릭스 키워드 인터뷰
宋江出道3年之後，擔任Netflix原創系列電視劇《喜歡的話請響鈴第1、2季》同《Sweet Home》嘅主演，而連續三次出演Netflix主角係一件好罕見嘅事。
나무액터스/넷플릭스
亦都可能係因爲佢出色嘅演技同驚人嘅外貌，而受到Netflix嘅喜愛！ 而且《Sweet Home》喺全世界都受咁多嘅迴響，Netflix冇可能唔鐘意佢啦？
<喜歡的話請響鈴> #黃宣梧
넷플릭스
《喜歡的話請響鈴》係根據韓國網絡漫畫作品改編嘅浪漫電視劇。劇情係圍繞住一個叫「戀愛鈴」嘅APP，呢款APP嘅主要功能係只要鐘意自己嘅人出現喺自己半徑10公尺以內的話，戀愛鈴就會響起。喺認爲只有通過「戀愛鈴」先代表自己心意嘅世界入面展開成個故事，呢個主題係唔係好新鮮呢?
나무액터스
宋江真係好想出演呢部電視劇，喺面試之後嘅一個半月入面，每日都好緊張咁等待結果，最終佢突破900:1嘅競爭率，擔任「黃宣悟」嘅角色。
黃宣悟係一個對自己嘅感情好直率，擁有純真魅力嘅角色，只要望住女朋友金朝晀就會純真到好似狗仔咁，所以都引起好多話題！
나무액터스
第二季就主要講述佢哋由高中生長大到成年嘅三角戀關係，好期待宋江喺第二季會展現一個全新嘅面貌！
車賢秀
넷플릭스
《Sweet Home》都係改編自喺韓國好受歡迎嘅驚悚動作網絡漫畫，而宋江喺入面飾演賢秀一角嘅時候，就成爲咗好大嘅話題。 因為一直以嚟，都係演有型又溫柔嘅角色，可唔可以展現出賢秀多樣嘅面貌，都令到好多韓國網民擔心。
不過宋江就好成功地變身爲《Sweet Home》嘅賢秀，由喺可怕事故失去咗屋企人，而孤零零嘅高中生形象，到覺醒之後同綠之家居民一齊擊退怪物嘅英雄形象，都完美展現曬出嚟！
多得宋江完美變身爲賢秀，《Sweet Home》先可以獲得咁巨大嘅成功！
平時嘅性格
송강 인스타그램
宋江平時比較認生、性格內向，要同好朋友喺埋一齊，先會變得活潑！
plastic cloud
喺一次採訪入面，仲公開咗自己嘅mpti係INTP！喺全世界淨係得3%嘅邏輯思考家類型！ INTP類型嘅人同ENTJ或者ENFJ類型嘅人好夾，如果大家係宋江嘅粉絲，可以確認吓自己係唔係㗎！
推薦嘅電影/電視劇
宋江話自己每次休息嘅時候都會睇好多電影或者電視劇，小編收集咗喺幾個採訪同影片入面，佢有推薦過嘅電影。
- 怪奇物語（Netflix電視劇）
-Brooklyn Nine-Nine（情景喜劇）
- 玉子 （電影）
- LEGEND （電影）
Role Model
宋江嘅role model係里安納度·狄卡比奧同湯姆·哈迪。
聽講，宋江睇到湯姆·哈迪喺《LEGEND》入面完美消化1人2角嘅演技之後，大爲感嘆，所以就想要成爲像湯姆·哈迪一樣嘅演員！另外，喺《鐵達尼號》入面見到里安納度·狄卡比奧嘅眼神，就夢想成爲演員。
나무액터스
真係好期待有一日宋江好似湯姆·哈迪同里安納度·狄卡比奧一樣進軍荷里活！
推薦嘅韓國旅行地
宋江喺拍攝《喜歡的話請響鈴》嗰時去過濟州島，嗰陣時就被濟州島嘅風景同悠閒嘅氣氛迷住！
송강 인스타그램
小編都有去過濟州島旅行，真係一個好好嘅回憶！ 春夏秋冬幾時去都得，希望各位都有機會去一轉。
興趣
彈鋼琴、玩遊戲、騎單車都係宋江嘅興趣！
不過其中最鐘意嘅就係健身！特別鐘意力量型運動。一起身去健身房運動係佢每一日工作嘅開始。 對於唔鐘意運動嘅小編嚟講，真係覺得好勁。
송강 인스타그램
亦都因為咁，宋江擁有超強完美嘅身材，通過運動鍛鍊嘅結實肌肉同寬闊嘅膊頭係佢嘅魅力！
平時嘅風格
송강 인스타그램
宋江平時著得好休閒，鐘意著簡單嘅T恤或者衛衣，亦因為呢種休閒風格，最近成爲咗「男友裝」嘅代表！
IG
係唔係好好奇宋江嘅IG呢？
宋江嘅IG係@songkang_b！ 喺拍攝《喜歡的話請響鈴》之前，follower係30萬左右，而家就巳經擁有570萬粉絲！
송강 인스타그램
對佢嘅最新消息、拍攝現場同日常照都好好奇嘅人，就要快啲關注吓宋江嘅IG喇！ 🤩
關於高旻示
미스틱스토리
姓名：高旻示
出生日期：1995.02.15 (26歲)
出生年月：大韓民國大田廣域市
學歷：耶魯美容高中（畢業）
所屬公司：MISTY EXTORY
影視作品
電視劇
電影
| 年份 | 戲名 | 角色 | 備註 |
| 2016 | 평행소설 | 여자 | 主演 |
| 2018 | 奶酪陷阱 | 후배 | 特別出演 |
| 魔女首部曲：誕生 | 明熙 | 配角 | |
| 2019 | 鳳梧洞戰役 | 話者 | 特別出演 |
| 2020 | 세트플레이 | 유선 | 主演 |
成爲演員嘅契機
marie claire
高旻示喺小學入學前，見到年末頒獎典禮嘅時候，就巳經覺得自己都可以企喺嗰個位置上面。 由嗰時開始就巳經擁有要做演員嘅夢想！不過都係咪為金錢問題，所以想快啲就業，安穩咁過生活，所以就放棄咗。
佢高中畢業之後，就做婚禮策劃人嘅工作。 不過佢有一日突然覺得自己嗰陣並唔幸福，如果要一直咁生活落去的話，一定會後悔，所以決心走演員之路。
佢爲咗實現自己嘅夢想，去到首爾參加咗無數次面試，但都被淘汰，而高旻示都唔覺得攰，仲決定親自制作短篇電影。
씨네 21
佢親自寫劇本、自學做導演、出演製作短篇電影《平行小說》，仲喺《第4屆SNS 3分鐘電影節》入面獲得大獎，之後就入咗MYSTIC STORY嘅所屬公司！佢爲咗自己嘅夢想而努力係唔係好叻呢？
點解係Netflix嘅親生女？
넷플릭스 키워드 인터뷰
高旻示都同宋江一樣連續出演咗3個Netflix嘅原創系列，所以就被稱爲韓國嘅親生女。
神奇嘅係高旻示出演嘅3個Netflix作品都係同宋江一樣！ 佢哋之間好有緣分。
高旻示喺《喜歡的話請響鈴》入面飾演屈彌，而喺《Sweet Home》入面就飾演恩宥，展現多種魅力。
<喜歡的話請響鈴> 朴屈彌
넷플릭스 / 미스틱스토리
高旻示喺《喜歡的話請響鈴》入面飾演暗戀宋江飾演嘅角色，亦都係佢首次挑戰反面角色，個性強勢自以為是，佢好完美咁演繹咗呢種惡毒嘅形象。
고민시 인스타그램
因爲喺入面真係做到好黑人憎，所以有睇《喜歡的話請響鈴》嘅觀衆睇緊都睇到好嬲，咁都證明咗佢嘅演技真係好唔錯啦！
恩宥
미스틱스토리
喺《sweet home》入面，高旻示飾演因腳踝受傷而放棄芭蕾舞嘅青春期少女恩宥一角。
喺佢前一套作品《魔女首部曲：毀壞》入面，爲咗可愛嘅形象，增肥肥到去58kg，而爲咗《Sweet Home》，又足足減返13kg！
因爲角色設定係曾經跳過芭蕾舞嘅角色，所以只可以減重去配合，不過亦都係因爲佢嘅努力，喺《sweet home》入面先會獲得爆發性嘅喜愛。
高旻示第一次登場就係喺綠之家嘅屋頂上面跳芭蕾，爲咗拍攝呢個場面，佢練習咗成7個月時間。
特別係喺第4集入面，唔洗台詞，淨係用手指表達「好似你咁嘅人fxxk you係最啱」，呢個都係喺海外被稱爲「韓國手勢」，而成爲咗話題！
平時嘅性格
고민시 인스타그램
喺《喜歡的話請響鈴》同《Sweet Home》入面，都飾演咗好多反面角色或者經常鬧人嘅高中生，所以都有人誤以爲佢嘅實際性格都係咁。不過實際嘅高旻示完全唔係嗰種粗暴嘅性格！
雖然比較直率，但係平時唔會講粗口，所以為咗喺演戲嘅時候講粗口而一直練習！特別係前面展示嘅「韓國手勢」，爲咗更加自然咁做成個感覺，而練習咗1000次！！
推薦嘅電影/電視劇
聽講佢好鐘意睇各種類型嘅電影，下面就爲大家介紹幾部高旻示揀嘅人生電影！
-甜蜜蜜 (電影)
-Kramer vs. Kramer (電影)
-Pulp Fiction(電影)
Role Model
marie claire
佢嘅role model就係韓國演員全度妍同李寶英，佢仲鐘意演員張曼玉、梅麗·史翠普、珍妮花·羅倫絲嘅演技，所以睇過好多佢哋出演過嘅電影。
고민시 인스타그램
高旻示話過想演好多唔會局限喺性別固定觀念嘅演技，大家又期唔期待佢之後嘅發展呢？
興趣
고민시 인스타그램
高旻示出演綜藝節目《Running Man》嘅時候提到，自己享受做瑜伽同普拉提運動。凌晨起身之後就做瑜伽或者普拉提，釋放能量，調整心態！
고민시 인스타그램
爲咗拍攝《Sweet Home》而學嘅芭蕾都有一直練習！
推薦嘅韓國旅行地
高旻示雖然冇推薦特定嘅城市或者地點，不過都有推薦過首爾嘅登山路線！
고민시 인스타그램
除咗之前提到嘅瑜伽、普拉提、芭蕾以外，佢都係一位登山愛好者。以前登山有「中年人愛好」嘅形象，不過最近唔少20幾歲嘅年輕人都鍾意咗登山！
고민시 인스타그램
高旻示推薦初學者先練習「南山」，熟悉之後慢慢去「峨嵯山」、「清溪山」仲有「北漢山」嘅路線！下次嚟韓國的話，去下高旻示pick嘅南山行下啦！
平時嘅風格
고민시 인스타그램
佢自己嘅私服真係好時尚，好多韓國20幾歲嘅女性都會參考佢嘅風格！
고민시 인스타그램
高旻示喺採訪入面表示自己特別鐘意鞋，所以由佢嘅穿着嚟睇，雖然整體上著得好整潔，用鞋作爲點綴嘅款式都有好多！
고민시 인스타그램
由休閒運動裝到正式風格嘅造型都好好襯㗎。
IG
好奇佢嘅IG？
高旻示嘅Instagram係@gominsi！
고민시 인스타그램
由佢嘅畫報、廣告、拍攝花絮到瑣碎嘅日常，都可以搵得到，因爲經常po好多嘢，所以對佢有興趣的話一定要follow喇！
到目前爲止，我哋詳細瞭解咗韓國Netflix嘅親生仔宋江同親生女高旻示。
如果睇過《喜歡的話請響鈴》或者《Sweet Home》嘅人，一定對佢哋有咁嘅成就而開心，如果仲未睇過呢兩部作品嘅朋友，就快啲去NETFLIX睇喇！我哋一齊睇宋江同高旻示嘅Netflix作品，一邊期待佢哋嘅下一部作品啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
