春川咖啡廳 | Gontran Cherrier GC Atelier
可以食到唔同款口味嘅麵包，邊望住春川全景，超推大家嚟Gontran Cherrier GC Atelier！
Hello，大家好，我哋係由韓國人每日提供最新韓國旅行資訊嘅Creatrip。
相信大家去到春川會食嘅一定係佢哋嘅辣炒雞扒，不過食完之後想搵一間Cafe坐吓？小編推薦可以嚟到九峰山觀景臺咖啡街嘅「 Gontran Cherrier GC Atelier」，呢度有賣各式各樣嘅麵包，而且有四層樓高，仲可以買到超靚景色！令人有種放鬆嘅感覺，如果之後大家去春川，不妨都可以考慮吓呢間Cafe！
春川「Gontran Cherrier GC Atelier」資訊
- 地址：강원도 춘천시 동면 건일길 236
- 營業時間：每日 10:00-21:30
春川「Gontran Cherrier GC Atelier」推薦理由
- 呢度嘅麵包材料都係嚟自法國，有好多款式俾大家揀。
- 舖頭入面有好多貼住「Best」嘅牌，大家絕對唔可以錯過。
- 呢間Cafe位於春川九峰山觀景臺咖啡街，可以望到春川全景。
- 加埋屋頂總共有4層，每一層都有佢哋獨特嘅魅力！
春川「Gontran Cherrier GC Atelier」優惠
- 埋單嘅時候向職員出示優惠券，即可享全部九折優惠。
- 唔需要預約。
- 如果用coupon嘅時候，有任何疑問都可以send email到help@creatrip.com。
春川「Gontran Cherrier GC Atelier」注意事項
- 禁止攜帶外來食品及垃圾，否則會唔俾入場。
春川「Gontran Cherrier GC Atelier」前往方法
地址： 강원도 춘천시 동면 건일길 236
小Tips：因為喺九峰山觀景臺咖啡街上面，交通會有啲唔方便，建議大家可以搭的士去會比較好。
1. 由春川辣炒雞排街（춘천 닭갈비 골목）出發：的士價錢大約係₩6,500， 坐10分鐘左右。
2. 由春川站1號出口（춘천역 1번 출구）出發：的士價錢大約係₩9,500， 坐20分鐘左右。
春川「Gontran Cherrier GC Atelier」介紹
Gontran Cherrier GC Atelier就係喺九峰山觀景臺咖啡街上面，喺度可以盡望春川全景，好多人都會揸車上去，不過如果大家冇車都唔怕！可以揀搭的士，價錢都唔算好貴。
呢度出名可以影到好多靚相，只要一到夜晚職員仲會開燈，特別推薦大家喺日出嘅時候嚟，影嘅相都特別靚啲。
天氣好嘅時候，超推薦大家可以坐露台區。
一樓俾人一種好安靜而且舒服嘅感覺，同時仲有一個迴旋樓梯，係咪好型呢？
如果唔想行樓梯可以揀搭lift，要落單嘅就要去二樓。
喺一樓仲有呢一種除鞋嘅座位，有自己一個空間都幾唔錯。
上二樓嘅時候仲會見到有啲乾燥花掛喺樓梯。
上到二樓就會見到呢度有好多麵包款式同埋飲品，大家只要揀啱去櫃檯埋單就可以。
睇到咁多款式嘅麵包有冇流口水呢？呢度嘅安曼卷、牛角包、朱古力麵包同鹽牛油麵包都好出名，喺價錢牌上面都會有貼住一個「Best」字。而當中最近鹽牛油喺韓國IG等別受歡迎。
法國人鍾意食嘅法式長棍麵包，呢度都有賣。
除咗基本麵包之外，呢度仲有其他有餡麵包款式。
1樓同2樓麵有露台區，不過2樓望到個景特別靚！
上到三樓，呢度俾人一種好高級嘅感覺，陽光射入嚟真係好正，中間嘅長檯有冇啲似係拍電影會見到嘅景呢？啲燈睇落仲好似提子咁，好得意。
只要喺韓國見到呢啲鏡位，絕對唔可以唔影就走咗！
喺等緊飲品同麵包期間，小編仲去埋佢哋嘅頂樓，左邊見到嘅男人就係呢間Cafe嘅老闆。
喺頂樓一樣都有好多位，大家嚟到鍾意坐邊就坐邊！
當日小編揀咗5款麵包同2杯飲品，而家就同大家逐一介紹啦！
牛角包（크루아상）₩4,200
牛角包係呢度嘅招牌麵包！出面夠脆入面夠軟熟，相當好味！同牛奶一齊食會超夾！
安曼卷（퀸아망）₩4,200
安曼卷喺上面會灑上超多糖，好多麵包店可能有時會焗到有啲燶，但呢度完全冇呢個問題，雖然仲加咗好多牛油，會好高卡路厘，但真係超好味！
朱古力麵包（ 빵 오 쇼콜라） ₩4,200
顧名思義朱古力麵包入面會有朱古力粒，出面一樣超脆，如果唔想只係食牛角包，想食甜啲，好推薦大家可以試吓！
法式長棍麵包（바게트 트라디시옹） ₩4,800
呢個係法國嘅代表麵包，比起比時食嘅長棍麵包，呢度一啲都唔硬，反而係超軟熟，同忌廉芝士一齊食幾唔錯！喺韓國呢款麵包，成日被拎嚟做法式火腿三文治（Jambon Beurre）添！
鹽牛油麵包（소금버터빵）₩2,300
麵包入面有超多牛油，出面灑上鹽，呢個組合相當夾！最近超有人氣！
咖啡伯爵茶（카페 얼그레이） ₩7,500
呢個係佢哋嘅新Menu，加咗伯爵茶糖漿 -> 牛奶 -> 濃縮咖啡，只要用飲管攪勻飲就可以！甜甜地同麵包一齊食超好味！
凍美式咖啡（아이스 아메리카노）₩6,200
佢味嘅美式咖啡一啲都咖酸，係用咗香濃咖啡豆去整，同麵包一齊食超夾！
Gontran Cherrier GC Atelier 呢度同一款麵包，一日會3次新鮮出爐，希望大家可以食到最新鮮同熱辣辣嘅麵包！比起食飯，更鍾意食麵包嘅話，超推大家一定要嚟呢度！用我哋嘅優惠券仲可以有優惠！
春川「Gontran Cherrier GC Atelier 」菜單
| 麵包 | 價格 |
| 牛角包（크루아상） | ₩4,200 |
| 朱古力麵包（빵 오 쇼콜라） | ₩4,200 |
| 法式長棍麵包（바게트 트라디시옹） | ₩4,800 |
| 安曼卷（퀸아망） | ₩4,200 |
| 鹽牛油麵包（소금버터빵） | ₩2,300 |
飲品 | 價格 |
| 美式咖啡（아메리카노） | ₩6,200 |
| 鮮奶咖啡（카페라떼） | ₩6,800 |
| 卡布奇諾（카푸치노） | ₩6,800 |
| 雲呢拿鮮奶咖啡（바닐라라떼） | ₩7,200 |
| 焦糖瑪奇朵（카라멜 마끼아또） | ₩7,200 |
| 摩卡咖啡（카페모카） | ₩7,200 |
| 咖啡伯爵茶 (카페 얼그레이） | ₩7,500 |
※ 去到現場會更多款式麵包同飲品，以上只係寫咗佢哋Best Menu。
點先可以享有春川Gontran Cherrier GC Atelier 優惠呢？
現場消費Click下面網址下載Creatrip專屬優惠券，出示畀店員睇即可享有獨家優惠。
Gontran Cherrier GC Atelier 優惠券｜撳我
以上係春川咖啡廳：Gontran Cherrier GC Atelier 嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com