3年後的暑假韓遊11日之旅 (首爾~束草~春川)
wong wing yan
a year ago
今次韓國之旅是隔左3年通關後第一次旅行，對上一次是在2019去了釜山~順天~麗水睇櫻花。今次是夏天暑假炎熱又多雨。一早就決定去束草游水。因暑假太多人去束草，決定在CREATRIP官網買定首爾去束草車票。
第一日，在香港乘飛機去仁川機場，去到仁川已晚上9:30，直接乘地鐵去酒店。
第二日，早上先去了安國站食白雞湯拉面，之後行左去青瓦台參觀，再去明洞換錢，食完午餐再去汝矣島商場行一陣，再去味道人做晚餐。明天早上搭地鐵到客運站去束草。
第三日，早上7點半就到達客運站，先去買三文治再乘巴士去束草，大約11:30就到達束草，我們先去酒店擺低行李，再搭巴士去中央市場行一圈再食豬扒飯，再繼續行去巴士站買了去春川的車票再去靈琴亭，之後返去酒店再換衫去沙灘玩水，因本身想食燒海鮮，但去到休息，在附近找到間串燒店吃晚餐。
第四日，吃過BURGER KING做早餐就坐巴士上雪嶽山坐纜車再行上山頂，這天多雲又下雨，在山頂看不到景色，但有陣霧看到都幾靓，再返去中央市場食血腸魷魚，炸蝦等美食再排隊買瑪格利鬆糕，最緊重一定要買束草蟹及飯捲做晚餐，行完市場又落雨無得游水，明天一早去春川LEGOLAND。
第五日，今朝又下大雨，在酒店乘的士去束草巴士站去春川，約坐巴士1小時40分就到春川，先乘巴士去放行李再轉的士去LEGOLAND，我在網上已買了門票，掃CODE就進場，好方便，我們去先食午餐，後再玩遊戲，吃過午餐後餐廳附近睇4D電視，今日大部分時間都下雨，小朋友在LEGOLAND買左盒Lego(有折扣)。玩到1725就搭shuttle-bus去春川站再轉巴士去春川明洞食ROLLING PASTA，行了一陣就回酒店取房了。
第六日，早上先去了春川市場食面+飯捲，之後搭16巴士到纜車站，纜車3人來回只要37000（HK$210）好便宜，搭纜車時見到景色好攬，我們還行上去到玻璃橋，之後再回春川站搭itx返首爾，返到酒店放底行李再去行左2個outlet mall，買左3件衫比阿仔港幣60件好平。晚餐還去左馬場站食1++韓牛，韓牛加上在餐廳燒有飯，面，汽水，啤酒埋單都系HK$700。食完行過超市仔見未收舖，買了1盒有4個桃都系10000won，即時食左2個好甜好爽。
第七日，早上先轉去鐘路站AMID HOTEL，因在之後幾天都會在首爾站沿線鐵路玩，放底行李就去市廳站食蜆肉面+海鮮餅，下午就用左轉轉卡去了永登浦zoo動物園，之後去63大廈水族館及藝術館再坐日落船餵海鷗，晚會就在酒店附近食燒肉再去樂天超市SHOPPING。
第八日 朝早送左老公去首爾站出機場，我就同阿仔繼續逗留多幾天，先用轉轉卡玩最後一個景點是高陽的一山水族館，再去高陽starfield商場行，商場人好多及好大，小朋友衣服有折扣，我還買了套泳衣，衫，褲比阿仔，回程食芒果雪冰，返到酒店買橋村炸雞做晚餐。
第九日，我們就全日巴士遊，唔駛搭地鐵上上落落，先去南大門食蔬菜餡餅，跟住行去明洞換錢食0410炸醬麵，再搭巴士去東大門，再搭巴士去盤浦大橋睇彩虹噴泉點知下雨取消了，影左3島會轉色夜晚好靚，再返酒店附近食飯捲和年糕餃子湯。
第十日，我們只剩仲有2天就返港，今日去左西大門睇恐龍展，跟住去望遠市場食嘢再行去睇軍艦，再去emart買三角咖啡及杯面，返酒店買飯捲食，簡單又一餐。
今日是最後一日在首爾，一定要去祭基洞買鮮人參和水果，跟住再去科學館，返酒店食鰻魚飯再加橋村炸雞，執好行李明早返港。
下次再去韓國都會首選束草因束草蟹，因實在太美味，雖然市場離沙灘有點遠，但可以乘的士比較快，以及束草沙灘又好玩，沿路還可去江陵及正東津。
近期熱門點擊
