識3種語言以上嘅韓星
萬能韓星！識3種語言以上？仲有人識講廣東話？
Hello，大家好，我哋係由韓國人話你知每日最新韓國旅行資訊嘅Creatrip。
外語能力喺邊度都有好大競爭力！你知唔知都有好多明星係識3種語言呢？小編聽到都覺得好羨慕。今日就介紹下可以講到好多種語言嘅韓星，一齊睇落去啦。
識講3種語言以上嘅韓星
1. SHINee - Key
SHINee嘅Key喺2018XtvN《SuperTV2》入面提到，自己係韓文、英文、普通話、日文嘅能力者。
슈퍼TV2
對於可以好流利咁講日語理由，佢話：「日文同韓文嘅語序相同，只要稍微學一學就會自自然然越講越好。」
他又講過：「其實因爲鐘意英語所以學咗好耐，但而家日文講得比較自然啲。」，因爲識講好多語言，所以由出道初期就巳經係SHINee嘅語言擔任。
2. Red Velvet - Wendy
Red Velvet Wendy識講韓文、英文、法文、西班牙文。
佢由12歲到19歲，度過咗7年留學生活，2018年喺MBC FM4U《鄭有美的FM Date》入面講過：「喺加拿大留學，就學法文，喺美國留學，就學西班牙文。」
뇌색시댜문제점남자
2016年佢喺《大腦性感的時代－問題的男人》公開咗美國留學時嘅成績表，睇到佢英文同西班牙文成績都好好，尤其係西班牙文，係攞到全A嘅成績。
3. 姜棟元
姜東元喺電影《黑祭司們》入面展現咗佢中文同拉丁文嘅實力，流利嘅發音令觀衆都嚇親。
對於呢兩種語言，佢喺採訪入面表示：「佢係一聽台詞之後就會即刻記得，所以一路拍一路背台詞，亦喺拍攝過程入面學到好多嘢。」。
不過佢喺外國活動入面都會用英文接受採訪，喺日本活動都會用佢好流利嘅日語實力對答，係隱藏嘅外語實力者。
명단공개
4. 惠林
前Wonder Girls成員惠林2017年入讀韓國外國語大學EICC（國際會議通、翻譯交流）系，精通韓文、英文、普通話、廣東話。
佢由2歲起16歲都係喺香港生活，當時喺屋企講韓文，喺學校就用英文、廣東話同普通話。曾就讀保良局陳守仁小學同地利亞（加拿大）學校。
2018年tvN《大腦性感的時代－問題的男人》入面講過：「除咗個人活動之外，大部分係做同語言相關嘅工作。」
5. Eric Nam
歌手Eric Nam喺2014年SBS Power FM《兩點出逃Cultwo Show》入面表示，唔單止識韓文、英文、普通話，仲識西班牙文。
因爲由細喺美國長大，所以英語就好似母語一樣，喺北京都做過9個月工，所以就要識普通話。
同MAMAMOO成員頌樂一齊出演MBC《我們結婚了》嘅時候，頌樂睇到佢同中國人好流暢咁對話，就話：「佢又靚仔，又識好多語言，感覺同佢嘅距離更加遠。」
우리 결혼했어요 시즌4
6. BLACKPINK - Lisa
BLACKPINK嘅Lisa喺2017年JTBC播嘅《認識的哥哥》入面提到佢識韓文、泰文、英文同日文。
作爲泰國人嘅佢喺2017年KBSCool FM《朴明秀的radio show》入面：「嚟到韓國已經有6年左右嘅時間，但係每日都會學韓文兩個鐘。」
不過佢嘅努力都冇白費到，而家韓文好流利，可以同韓國人輕鬆對答。
7. SUPER JUNIOR-M - Henry
Henry喺2016年JTBC《我要開動了》入面講過自己識韓文、英文、普通話、日文同廣東話。
因爲喺韓國出道，所以有好多人以為佢係韓國人，但其實佢係爸爸係香港人，媽媽係台灣嘅混血兒，喺加拿大一出世就開始接觸同好多各種外語。
有學法文嘅經歷，又兼具出色嘅音樂天賦，可以自由操縱鋼琴、小提琴同其他樂器。
8. 金智媛
演員金智媛識得3國語言（韓文、日本、英文）。中學時期開始咗練習生生活，學表演、唱歌、舞蹈、日文等，準備出道。
之後通過張鎮導演嘅作品以演員身份出道，之後喺日本所屬AVEX，都有計劃以歌手活動，所以講日文都都唔會有難度。
另外，英文係初中一年級嘅時候，喺芝加哥嫲嫲屋企度過咗一年左右嘅留學生活，返到韓國之後都一直努力收睇美國電視劇，維持英文水平。
9. 朴敘俊
朴敘俊曾經喺人氣節目《尹食堂2》入面，展現咗佢流利嘅西班牙文實力令觀衆都好驚訝。
佢話佢嘅祕訣係請短期家庭教師，佢為咗學識西班牙文，所以請咗一位曾經參加過JTBC的《非首腦會談》識講西班牙文嘅墨西哥人教佢。
佢都喺訪問入面表示：「如果有目標，就會盡最大嘅努力完成。」、「爲咗說服反對佢演戲嘅父母，每日都讀書讀到凌晨，喺班入面由第36位最後升到去第5位，最後父母就允許佢去表演。」
윤식탕2
正正就係因爲佢咁努力，所以爲咗節目學西班牙文、英文，先有而家有流利嘅發音。
10. 文佳煐
미디어SR
最近出演《女神降臨》嘅文佳煐，唔單些劇入面係女神，連現實生活中都一樣係！
因為佢喺德國出世直到10歲先搬返韓國住，所以德文、美文、韓文對佢嚟講都冇難度。
佢之前出演嘅《food avengers》仲可以同德國客人好流利咁對話，真係好勁啊！
以上就係識3種外語以上嘅韓星，識得講咁多外語真係令人好羨慕。如果大家仲知道其他識得3種外語以上嘅韓星嘅話，不妨留言話俾小編聽！
如果有更多想知嘅內容，都可以隨時留言或者dm話俾我哋知：）
Instagram：creatrip.hk