男演員理想型世界盃Top10
男演員理想型世界盃Top10，大家心目中嘅No.1又有冇上榜呢？
Hello，大家好，我哋係由韓國人每日提供最新韓國旅行資訊嘅Creatrip。
每次都講IDOL，今次小編就同大家介紹最近韓國人最鍾意嘅男演員，當中又會唔會有大家嘅pick？咁我哋就要一齊睇落去啦！
提提大家：每小時結果都會有可能轉，小編係以6月22號為基準。
男演員理想型世界盃Top10
Top 10 - 宋仲基
중앙일보
最近出演完電影《勝利號》同電視劇《黑道律師文森佐》之後，宋仲基可以話人氣一直急升！因為佢精湛嘅演技，喺5月結束咗嘅《黑道律師文森佐》，突破14%收視紀錄，令佢可以排喺有線台收視頭10寶座，而呢一套劇可以話係2021年上半年咁多韓劇之中，討論度最高之一，唔知當時大家又有冇追呢？
Top 9 - 禹棹煥
KBS NEWS
喺上年7月6號入咗伍嘅禹棹煥，因為喺韓劇《The King：永遠的君主》入面飾演皇帝侍衛隊隊長而大受歡迎，當時好多人都話佢同主角李敏鎬係劇中兩大男神！希望佢當完兵之後，可以為大家繼續帶嚟更多好戲啦！
Top 8 - 孔劉
인사이트
身為「四大公共財」之一嘅孔劉，佢出曬名係溫柔體貼嘅代表，就連同佢一齊合作過嘅金高銀、鄭有美、孔曉振都大讚。加上佢有型又有霸氣，真係令到唔少人陷入佢嘅魅力。
Top 7 - 徐康俊
위키트리
2013年出演過《別有用心的單身女》，因為劇入面單戀年上姐姐，而有「國民年下男」嘅稱號。喺今年佢而家準備緊新電影《新年快樂》，唔知大家又期唔期待呢？
Top 6 - 金宣虎
뉴시스
金宣虎因為韓劇《Start-up》而大受歡迎，之前韓國最大搜尋網站NAVER，針對韓劇《Start-Up》進行咗人氣投票。問卷調查係講「如果你係徐達美嘅話，會揀南道山定係韓志平會揀邊個？」。結果81%嘅觀眾都係投俾金宣虎，可想言之佢人氣有幾高！
今年下半年將會開播嘅《海岸村恰恰恰》，小編已經好期待！唔知佢同女主角申敏兒又會擦出咩火花呢？
Top 5 - 張基龍
금강일보
新一代男神真係非張基龍莫屬，佢最近同Girl's Day一齊拍嘅《我的室友是九尾狐》，無論喺戲同定劇外，佢哋兩人嘅互動真係睇見都令人好心動！
Top 4 - 南柱赫
중앙일보
有「南朋友」之稱嘅南柱赫，雖然佢喺韓劇《Start-up》人氣唔夠金宣虎高，但係仍然有好多fans支持！
Top 3 - 朴敘俊
중앙일보
2018年，以《金秘書為何那樣》劇入面浪漫熱情嘅形象被譽為「浪漫推土機」。2020年再以《梨泰院Class》成為韓國Netflix上線收看率嘅第一名。無論咩風格都可以配合到嘅佢，真係迷到唔少少女。
Top 2 - 安孝燮
이데일리
新生代男神安孝燮，隨著上年播出嘅《浪漫醫生金師傅2》收視率節節高升，安孝燮嘅人氣都跟住一直升高，成為討論度最高嘅新秀男星之一！擁有187cm嘅身高，係好多少女鐘意嘅長腿oppa之一。
Top 1 - 宋江
Naver
宋江近呢兩年人氣暴增，因上年年尾出演Netflix《Sweet Home》同《喜歡的話請響鈴》而大受歡迎！因為接連幾部Netflix作品而爆紅，所以韓媒都好幽默咁稱呼佢做「Netflix親生仔」。而家同韓韶禧一齊拍嘅《無法抗拒的他》喺早幾日先開播，大家又有冇追呢？
唔知大家又滿唔滿意以上結果呢？歡迎大家可以留言話俾我哋知。
如果有更多想知嘅內容，都可以隨時留言或者dm話俾我哋知：）
Instagram：creatrip.hk