改名之後變得好運嘅韓星
命運同名真係有關？5個改咗名之後事業都變得好好嘅韓星！
Hello，大家好，我哋係由韓國人話你知每日最新資訊嘅Creatrip。
#韓國明星 #韓星
#改名 #藝名 #好運
對於一個明星嚟講，佢哋個名係非常之重要！
因為俗語都有講，要遇到啱自己嘅名，先至可以長遠咁樣乘勝追擊。
可能就係因為呢一個原因，喺演藝界入面改名或者換藝名嘅事例都好多。
一齊嚟睇吓有邊啲韓星喺改咗名之後，佢哋嘅事業越嚟越好啦！
✨馬上Follow我哋IG
instagram.com/creatrip.hk
改名之後變得好運嘅韓星
1. 高準熹
演員高準熹喺啱啱出道嗰陣都一直用緊「金恩珠」呢個本名活動。
不過佢喺2006年MBC《狐狸啊，你在幹什麼呢》入面飾演高賢廷嘅妹妹高準熹之後得到好多好評，所以之後就改名做「高準熹 」。
改咗名之後佢事業上面一直都發展得好好，特別係佢之後斷咗頭髮，引嚟唔少女Fans嘅羨慕！
2. BTS RM
出道之後一直用「Rap Monster」活動嘅佢，喺全世界都防彈少年團開始喺獲得人氣嘅時候，佢將藝名改做「RM」。
當時RM解釋話因為考慮到個名嘅長度、光譜同音樂嘅方向性，所以佢就決定改名。
雖然防彈喺2017年已經成績好好，但係自從RM改咗名之後，防彈喺韓國同埋全世界都有好出眾嘅成績，仲成為「世界明星」添！
3. 李泰利
演員李泰利原本係用本名「李敏豪」進行活動，但之後因為同李敏鎬同公司，佢哋兩個嘅韓文名一模一樣都係「이민호」，所以佢就改咗藝名做「李泰利」。
改咗藝名之後嘅李泰利繼JTBC《內在美》、MBC《意外發現的一天》之後，早排又再出演咗tvN《女神降臨》，唔知大家又留唔留意到呢？
4. 金宇彬
2008年以Model出道嘅佢，好多套作品入面都淨係做配角。
當時仲係用緊本名「金賢中」活動嘅佢喺2011年改名做「金宇彬」，就開始踏上咗演藝人生嘅康莊大道。
金宇彬喺2012年出演咗SBS《紳士的品格》之後人氣急升，之後出演SBS《繼承者們》、電影《Master》等多套唔同嘅作品，躋身頂級明星行列。
5. 孫知賢
女團4minute出身嘅演員孫知賢喺女團活動嗰陣都仲係用本名「南智賢」進行活動。
喺2017年轉型做演員之前，佢就改名做「孫知賢」。
改咗名之後嘅佢出演咗tvN《惡魔叫你的名字時》、TV朝鮮《大君-思念愛情》等等好多套唔同嘅電視劇，鞏固咗佢嘅演員地位。
唔知大家又覺得佢哋改咗名之後係咪真係轉咗運呢？歡迎留言話俾小編知啊！
✨馬上Follow我哋IG
instagram.com/creatrip.hk