韓國防疫級別又再提高
韓國爆發第三波疫情!防疫級別緊急升至第二階段!星期二開始酒吧停業、Cafe只可以外賣
來源:뉴시스
Hello,大家好,我哋係由韓國人話你知每日最新資訊嘅Creatrip。
#COVID-19 #韓國新聞
#新冠肺炎 #防疫級別
用11月22號做標準,韓國COVID-19嘅新增個案係330名,累積感染嘅案例已經達到咗30,733名。
亦都係連續第12日新增嘅案例超過100個、連續第5日新增案例超過300個。
所以韓國政府喺11月22號嘅時候都宣佈,會將防疫級別再一次提高至第二階段。
✨馬上Follow我哋IG
instagram.com/creatrip.hk
韓國防疫級別又再提高
연합뉴스
韓國防疫當局表示, COVID-19喺韓國嘅大邱慶北地區、光化門集會嘅大規模感染之後,直到今日最嚴重嘅第三波大流行開始咗。
而令人最擔心嘅係,喺韓國首都圈嘅確診者不斷增加。
雖然社會距離嘅防疫階段已經喺早幾日升級至1.5階段,但係韓國當局判斷,至少要10日以上,防疫措施先至會發揮效用。
而係呢一個時間點之前,疫情一定會持續擴散,本土群聚感染嘅危機亦都會由首都圈擴散至全韓國。
所以韓國政府喺11月22號夜晚表示,會由11月24號開始,韓國首都圈防疫階段會由而家進行緊嘅1.5階段緊急提高至第2階段。
而呢一個第二階段嘅防疫級數會直到12月7號,為期兩個星期。
연합뉴스
韓國中央災難安全對策本部第一次長表示,韓國各地接連出現新增病例,甚至喺近兩個星期就發現咗62個群聚感染案例。
而呢一啲疫情擴散趨勢由學校、補習社、宗教設施、私人聚會、汗蒸幕去到醫院呢啲日常設施全部都有。
韓國首都圈防疫第2階段最大嘅影響,就係將會重現係光化門感染之後,韓國好多設施、鋪頭嘅營業限制同埋處理方針。
第2階段實施之後,韓國所有酒吧、Club、Hunting Bar等等將會全面暫時停業,所有餐廳喺夜晚9點之後唔可以堂食,只可以外賣。
另外,韓國所有大型連鎖Cafe亦都會全面禁止堂食,只能夠外賣。
而韓國防疫當局今次會咁緊張同埋有咁大動作嘅原因,亦都正正係因為喺唔夠10日之後就係韓國高中三年級嘅學生最重要嘅修能考試(即等同香港嘅DSE)。
韓國中央安全對策本部次長亦都表示,希望能夠喺修能考試之前,可以盡快控制感染擴散嘅趨勢。
希望韓國同埋香港都可以盡快克服新一波嘅疫情!
✨馬上Follow我哋IG
instagram.com/creatrip.hk
其他延伸閱讀 | |
![]() | ![]() |