Hello，大家好，我哋係由韓國人話你知每日最新韓國資訊嘅Creatrip。
＃大邱＃大邱咖啡廳
＃東城路咖啡廳＃文畫裝
平時Cafe或者汗蒸幕去就去得多，但大家有冇諗過佢哋可以融合一身呢？
呢間「文畫裝」由旅館同汗蒸幕改建而成，就好似一間大型藝術館咁，每一層都有唔同風格，大家又會唔會想去呢？
✨馬上Follow我哋IG
instagram.com/creatrip.hk
因為韓國疫情擴散，入場人數及營業時間可能會受到限制，可能需要提供疫苗護照。
有關韓國防疫政策文章, 可以查看韓國最新防疫守則。
大邱咖啡廳「文畫裝」資訊
- 地址：대구 중구 동성로12길 51
- 時間：12:00至21:00
大邱咖啡廳「文畫裝」優惠
- Creatrip會員下載優惠券，可享結帳八折優惠。
- 優惠只適用於飲品類，點心及蛋糕等不適用。
大邱咖啡廳「文畫裝」推薦理由
- 用低對比色調營造出空間氣氛，超有現代藝術feel。
- 由旅館同汗蒸幕改建而成，就好似一間大型藝術館，每層藝術風格都唔一樣，值得一探究竟。
大邱咖啡廳「文畫裝」位置
- 地址：대구 중구 동성로12길 51
- 交通：大邱地鐵1號線中央路站（중앙로역）站3號出口、地下通道13號出口、19號出口，都可以去到文畫裝。
Cafe位於東城路商圈同校洞中間，就喺大信換錢所隔離，非常顯眼嘅老建築，只要經過都會畀門口超大嘅愛心同鮮豔塗鴉所吸引。
一入到去小編就畀memo紙吸引住，每個人嚟到都可以寫打個卡，小編自己都有寫兩張，唔知大家又會唔會搵到呢><！
大家可以喺度落完單之後先再去其他樓層。
下次嚟文畫裝，睇吓搵唔搵到小編嘅便利貼！
中間位置有個大大澡堂，澡堂周圍放置坐墊大家可以坐。
不過小編見到好多人都係只係影相，唔太多人真係會去坐。
呢度無論係牆、天花板、藝術品定係窗，大家都可以搵到唔同嘅小細節。
每一個小細節都耐人尋味，而且會有一種魅力會令人不斷咁樣去沉迷睇。
講返飲品方面，小編點咗三重抹茶拿鐵、美式咖啡同一個朱古力捲。
小編要特別同大家推薦呢杯三重抹茶拿鐵，超厚奶蓋撒上香濃抹茶粉，唔會太過甜，底下嘅抹茶拿鐵超加分。
另外，朱古捲配上兩種飲品都好適合，上面仲灑上可可粉，增加咗朱古力捲嘅層次，超完美。
三樓保留咗房間原有格局，將每間房打造成唔同風格。
最特別嘅係佢哋將每間浴室、浴缸都保留落嚟，裝飾成非常有特色嘅打卡點。
每間房都有一張枱，如果同三五好友一齊嚟，大家就可以包廂，完全唔使怕畀人騷擾或者騷擾到其他人。
上到天台仲有啲小壁畫， 而家都可以嚟打卡。
咖啡廳「文畫裝」菜單上面嘅飲品名稱都非常之可愛。
 |  |
點先可以享有於大邱咖啡廳：文畫裝八折優惠？
現場消費Click下面網址下載Creatrip專屬優惠券，出示畀店員睇即可享有獨家優惠。
以上係大邱「文畫裝咖啡廳」嘅介紹，有任何問題請先詳讀呢篇文章。
睇完之後有任何問題，或者我哋語意、標示唔清嘅話，麻煩請send email告知，以方便我哋改進。
✨馬上Follow我哋IG
instagram.com/creatrip.hk
Mail: help@creatrip.com
