四個韓國潮流網站
韓國人最常幫襯邊幾個韓網？點解人氣會咁高？想追韓國潮流一定要睇！
Hello，大家好，我哋係由韓國人話你知每日最新韓國資訊嘅Creatrip。
韓國係對時裝好有要求嘅國家，每一個韓國嘅年青人都好注重自己嘅打扮，佢亦都好希望可以跟上每一季嘅潮流。最近有好多可以一次過比較唔同品牌，睇唔同韓國流行元素嘅平台，有唔少韓國嘅年輕人都成日睇呢啲網站，希望可以增加自己對潮流嘅觸覺。等小編今日就同大家分享一下有邊幾個網站啦！
四個韓國潮流網站
1. Styleshare
呢一個網站係韓國最大嘅時尚共享平台之一，只要申請咗帳號登入網站，唔單止可以睇到各式各樣嘅款式，仲可以睇到唔同大家買完返嚟點樣襯嘅相。如果大家睇啱你心目中想要嘅款，大家仲可以直接喺app到落單！
因為呢一個網站有好多實際用戶嘅相，所以可信程度都好高，建議大家如果想知道近排人氣最高企嘅款式有邊啲款嘅話，咁㩒Now Trending就可以搵到㗎啦！
另外，呢一個網站每日都會更新一啲新嘅單品，而每日都會有一啲最新嘅穿搭教學，如果想成為潮流達人嘅大家就要睇多啲呢個網啦！
2. Musinsa Store
呢個網站主要係賣男女裝同埋飾物，而家仲請埋劉亞仁做代言人添！
喺呢個網站你會搵到唔同終端同埋高端嘅潮流服飾，佢哋仲會有一個實時嘅排行榜，等你知道近排最受歡迎嘅係邊一啲產品。好多時喺年尾嘅時候呢個網站仲會有一折優惠添，所以大家唔好錯過啦！
3. 29cm
呢個平台同Musinsa一樣都係賣男女裝嘅服裝，不過29cm就算係比較成熟紳士風。如果你平日嘅衣著係偏向high end嘅話，都不放可以參考一下呢個網站嘅穿搭！
呢個網站仲會有唔同嘅日常lookbook畀大家參考，煩惱緊著乜好嘅朋友可以參考下啊！
網站: www.29cm.co.kr
4. Codibook
呢個網站主要係賣女裝為主，平時大家搵嘅裙、上身衫、手袋等等。唔少韓國本地品牌嘅衫產品都會放上去呢個網到賣！如果你click去 trending嘅話，你都可以睇到唔少穿搭tips㗎！
如果你鍾意嘅話，都可以click入去件product到，然後都會有詳細嘅說明同埋教你襯咩衫好睇！
網站: codibook.net
如果大家都鍾意韓系穿搭嘅話，都不妨可以去以上呢幾個網址睇睇，搵出你自己嘅style啊！另外，如果有睇啱又唔知點買嘅朋友，都可以搵我哋代購㗎：）
如果有更多想知嘅內容，都可以隨時留言或者dm話俾我哋知：）
Instagram：creatrip.hk
