韓國綜藝排名
韓國綜藝排名，你追開嘅又有冇上榜呢？
Hello，大家好，我哋係由韓國人話你知每日最新資訊嘅Creatrip。
#韓國綜藝 #韓綜
#10月排名
唔知大家會鍾意煲韓劇多，定係追綜藝多呢？
小編個人就鍾意追綜藝多，因為一集都係個幾鐘，睇完成個人都好輕鬆。
相反，煲劇雖然都係只係個幾鐘，不過每星期都追，有時睇完結尾好易令人心掛掛。
今日小編就想為大家介紹2020年10月韓綜排行榜，大我家追緊個套又有冇上榜呢？
✨馬上Follow我哋IG
instagram.com/creatrip.hk
韓國綜藝10月排名
Top 10 - 全知干預視覺
노컷뉴스
《全知干預視覺》係講以經舉人嘅舉報為基礎觀察藝人日常生活，當中大家可以睇到平時偶像鮮為人知嘅另一面。
小編唔多追呢套，不過有時打開電視如果見到都會睇下，對上一次睇係Super Junior，見到佢哋同經紀人嘅互動都幾得意，大家好似好friend咁。
Top 9 - 我家的熊孩子
SBS
呢部綜藝係講緊，媽媽們透過影片，可以睇住自己個仔女嘅日常生活。
小編一開始追《我家的熊孩子》都係因為金鍾國，雖然成日聽佢講話要快啲有另一半同結婚，不過佢實咗太鍾意運動啦！
如果佢可以做少啲，小編相信佢應該好快會搵到另一半...
Top 8 - 妻子的味道
아시아경제
其實小編睇排名嘅時候，都係第一次先知呢套綜藝。
唔搵資料唔知，原來呢套綜藝喺2018年開始，唔知大家又有冇追開呢？
Top 7 - 蒙面歌王
브런치
一直都受到極高好評嘅《蒙面歌王》，小編都曾經係佢哋忠實Fans，不過最近都少追咗好多。
每位歌手上去，都要先蒙面隱藏自己身份去唱歌，每次都只可以用歌聲去分出勝負。
所有參賽者喺被淘汰之前都唔可以公開身份，小編每次睇都覺得好有驚喜。
因為好多時唔係只得歌手會上去，有演員出場嘅時候，小編完全冇諗過可以咁好聽同有魅力！
Top 6 - Voice Trot
나무위키
呢兩年嘅Trot音樂，喺韓國可以話係超流行，喺街上都會聽到唔少店鋪喺度播。
呢個節目係邀請咗出名嘅歌手出嚟表演Trot去對決，唔少韓國網民都話睇到好刺激。
雖然呢個節目喺外國暫時未係話好受歡迎，不過喺韓國唔少人都仲討論緊。
Top 5 - PPONG School
나무위키
同樣地都係用Trot有關嘅一個綜藝節目，係由韓國綜藝《Mr.tror》嘅一班勝利者做主持。
當中仲會教大家點唱Tror，如果對Trot有興趣嘅朋友都可以睇下㗎。
Top 4 - 我獨自生活
한국경제
《我獨自生活》相信大家睇題目都知，每一集都會邀請唔同歌手、演員講佢哋自己獨居生活。
自從嚟咗韓國，小編都開始獨居，有時望住電視，真係幾有同感。
Top 3 - 認識的哥哥
조선일보
《認識的哥哥》每集都會邀請唔同嘉賓上節目，每一集都好有新鮮感。
佢有分第一同第二部份，上一部份係傾下閒計＋估嘉賓準備嘅問題，第二部份係「獎學金環節」，大家喺估中答案，累積分數最高個隊就會有食物。
Top 2 - 玩什麼好呢？
MBC
小編個人只要有劉在錫做嘅綜藝，大部份只要有時間就一定會支持！
佢主持方式真係好吸引，每一次都中小編笑點。
由上年播出嘅《玩什麼好呢？》直到而家都一直大受好評，當中劉在錫仲以溜三絲身分獲得2019年MBC演藝大賞新人獎。
當時劉在錫仲講笑咁講，無諗過出咗道咁耐，仲可以拎到新人賞，不過佢嘅努力，相信大家都知，身為國民MC一啲都無架子。
呢套綜藝一開始以大韓民國live去做，慢慢開始轉型去挑戰唔同分身，到早前仲同Rain、李孝利一齊組隊以SSAK3出道，唔知大家又有冇呢邊佢哋啲歌呢？
Top 1 - Romantic Call Centre
서울경제
呢個節目係喺指定時間內，全國地區嘅市民都可以打電話去點歌。
一收到要唱咩歌之後，出演者就要聽order即時唱歌畀大家聽。
而主要唱嘅歌都係比較懷舊同以Trot形式去唱。
唔知當中大家又追緊幾多套呢？小編就追緊3套。
雖然小編最鍾意嘅《Runningman》排緊第12位，希望佢下個月可以升返上Top 10啦！
✨馬上Follow我哋IG
instagram.com/creatrip.hk
| 其他延伸閱讀 | |
 Trot文化 |  SSAK3新歌 |