韓星藝名由來
韓星藝名由來大揭秘！本名太老套？因為前女友？你又知幾多個？
Hello，大家好，我哋係由韓國人每日提供最新韓國旅行資訊嘅Creatrip。
唔少藝人除咗會用自己真名去活動之外，當然仲會用藝名，有時改咗名除咗可以俾人覺得特別啲或易記之外，有可能都會有未知嘅好運。到底有邊啲藝人係改咗名？我哋就一齊嚟睇下啦！
韓星藝名由來
孔劉（공유 / Gong-Yoo）
- 孔地哲（공지철 / Gong-Ji-Cheol）
매니지먼트 숲
各位孔太知唔知孔劉本名其實係叫「孔地哲」呢？第一次聽大家會唔會覺得好神奇呢？孔劉聽落去俾人一種好有魅力同型嘅感覺，但其實孔劉呢個名嘅由來係有個故。其實係取自爸爸同媽媽嘅姓氏，發音同韓文中嘅「分享」、「共有」一樣，所以呢個藝名就一直用到而家。
全智賢（전지현 / Jun-Ji-Hyun）
- 王智賢（왕지현 / Wang-Ji-Hyun）
STONEHENGE
聽講全智賢嘅藝名係1998年出演《我心蕩漾》嘅時候，製片人幫佢改。因為當時王智賢呢個名（「王」氏），有人誤會全智賢係華僑，但事實根本唔係咁，亦有種講法係王智賢有啲難讀，所以就隨便改咗個姓，造就了當代女神風範。
韓佳人（한가인 / Han-Ga-In）
- 金賢珠（김현주 / Kim-Hyun-Joo）
雖然已經係兩個小朋友嘅媽媽，但一啲都睇唔出！凍齡嘅外表同身材，韓佳人一直係唔少擊韓妹追捧女神之一。佢嘅本名係金賢珠，會取「韓佳人」呢個藝名，其實就係因為賢珠過於普遍，甚至有前輩都係同一個名，所以為咗可以更特別同易記，就改咗叫「韓佳人」啦。
河智苑（하지원 / Ha-Ji-Won）
- 田海林（전해림 / Jun-Hae-Lim）
河智苑本名係「田海林」，本名俾人一種較為中性嘅感覺，聽講佢一開始決定用藝名嘅時候，係經紀公司代表借用初戀個名去改。因為代表講笑話「希望河智苑可以幫佢完成自己未盡嘅愛戀。」雖然聽落去好似有啲亂嚟咁，但再諗諗下又真係覺得幾得意，河智苑亦因為用藝名，出演唔少各大韓劇，成為當代韓劇女神。
朴敘俊（박서준 / Park-Seo-Joon）
- 朴容圭（박용규 / Park-Yong-Kyu）
ziozia
朴太們俾啲歡呼聲！講到韓國男神，小編第一個私心一定會係講朴敘俊，不過大家又知唔知，其實朴敘俊真名係叫「朴容圭」呢？雖然容圭都好特別，不過敘俊更加有魅力同吸引，大家又覺得點呢？
宋承憲（송승현 / Song-Seung-Hyun）
- 宋承復（송승복 / Song-Seung-Bok）
더좋은 이엔티
宋承憲雖然而家已經好少曝光，不過佢係第一代男神，大家又點會唔記得呢？宋承憲本名係宋承復（或翻譯成宋承福）雖然都係一個好名。不過但韓國人嚟講，最後一個복（福、復 / Bok）就有種舊時代感？
申敏兒（신민아 / Shin-Min-A）
- 楊慜娥（양민아 / Yang-Min-A）
以時尚雜誌《KIKI》出道嘅申敏兒，超脫凡俗靈氣相當受到眾人歡迎，佢本名楊慜娥因為太過難讀同難記，所以就將姓氏改成신（申、新 / Shin）氏。
徐康俊（서강준 / Seo-Kang-Joon）
- 李承桓（이승환 / Lee-Seung-Hwan）
國民年下男徐康俊出道時，本名李承桓就同其他歌手同名，所以就決定改用藝名，佢之會所以改而家呢個名，係因為演藝圈有個謠傳係話「如果改用經紀人嘅名就會紅」，所以佢當時就借用同屬經紀公司嘅其他演員經紀人名「徐康俊」，果然真係打開咗知名度。
河正宇（하정우 / Ha-Jeong-Woo）
- 金聖勳（김성훈 / Kim-Seong-Hoon）
活躍於大螢幕嘅河正宇，會用藝名嘅原因係因為金聖勳聽落去太普遍，亦都有一個原因係因為佢爸爸係出名嘅演員金容建，唔希望成為爸爸嘅包袱，所以就改咗連結「河正宇」。
崔振赫（최진혁 / Choi-Jin-Hyuk）
- 金泰浩（김태호 / Kim-Tae-Ho）
지트리크리에이티브
崔振赫一開始出道嘅時候係以本名「金泰浩」活動，不過當時就同《無限挑戰》PD金泰浩撞名，就連漢字都係一模一樣，所以就改名叫崔振赫，果然一改就成功啦！
姜河那（강하늘 / Kang-Ha-Neul）
- 金Ha-Neul（김하늘 / Kim-Ha-Neul）
조선일보
姜河那原名係金氏，但因為本名發音「Kim-Ha-Neul」同韓國女演員「金荷娜」發音一樣，所以就改姓姜，名嘅韓文「하늘（Ha-Neul）」就唔變。
馬東石（마동석 / Ma-Dong-Seok）
- 李東錫（이동석 / Lee-Dong-Seok）
빅펀치이엔티
馬東石一聽落去係唔係就覺得好有power呢？其實佢呢個名係源自於小學嗰陣，用拳頭打朋友嘅時候，被叫做「惡魔東石（惡魔韓文為『악마（Ak-Ma）』）」。
發音係「Ak-Ma-Dong-Seok」，呢個稱號後嚟俾經紀人知道，認為「Ma-Dong-Seok」更有個性，甚至連馬東石嘅爸爸都會叫佢「馬東石」，幾乎係唔記得自己個仔本身都係李氏咁
劉亞仁（유아인 / Yoo-Ah-In）
- 嚴弘植（엄홍식 / Eom-Hong-Sik）
퓨처
劉亞仁第一個經紀公司，喺聽到佢本名叫「嚴弘植」嘅時候，覺得有啲老套，所以建議以藝名開始活動，而佢出道作品《玉琳的成長日記》所扮演嘅角色，就係佢而家藝名「劉亞仁」出演。
聽完以上各位藝人嘅藝名同本名差別，大家又覺得點呢？到底改咗好啲定唔改會更加好？歡迎大家留言話俾小編聽！
如果有更多想知嘅內容，都可以隨時留言或者dm話俾我哋知：）
Instagram：creatrip.hk