韓國嘅拌飯係點嚟？
韓國嘅 「拌飯」點解咁出名？ 以為拌飯只有一種？ NoNoNo！原來係有呢幾種！
Hello，大家好，我哋係由韓國人每日提供最新韓國旅行資訊嘅Creatrip。
大家一諗到韓國料理，會唔會第一樣野就係諗到拌飯呢？拌飯其實係韓國代表性嘅料理之一，將飯同埋蔬菜、雞蛋、醬料甚至係其他當季嘅新鮮食材一齊攪拌出嚟嘅美食，正正係韓國嘅特色料理之一。
今日小編就要同大家介紹一下拌飯嘅由來，同埋關於拌飯嘅小知識俾大家參考一下，我哋一齊睇落去啦！
韓國拌飯由來
韓國拌飯嘅由來雖然冇準確嘅記載，但普遍都有四種講法，等小編整理俾大家睇吓啦！
1. 韓國祭祀桌文化
過去嘅傳統之中，以前喺祭祀祖先嘅時候，好多人會將白飯、肉類同埋蔬菜整齊咁樣放喺枱上面，作為悼念故人嘅儀式。喺完咗之後，全家人都會一齊享用嗰啲食物，呢個時候就會將啲飯餸攪拌然後一齊食。
2. 全年最後一日嘅晚餐
就算到現代，呢一種做法都吸引咗好多韓國人嘅共鳴。而關於第二種半山嘅由來嘅講法就係，一年裏面嘅最後一日，為咗迎接新年嘅嚟到，就要快啲將舊年食剩嘅餸食完，所以就會將剩低嘅食物一齊攪拌，快啲食完嚟迎接新年。
其實而家嘅韓國人習慣都係咁樣，當要處理雪櫃剩低嘅食材嘅時候，就會將雪櫃裏面想食晒嘅食物同飯攪拌一齊食！
3. 農業社會嘅用餐文化
第三種講法就係喺朝鮮時期，大部份嘅韓國人都係從事農業，喺插秧同埋收成嘅時候佢哋都有互相幫忙嘅習慣。
要為咗慳時間同埋增進勞動力，喺食飯嘅時候就會將啲食材帶到去農地嗰度，一邊將所有飯餸攪拌一齊食，一邊繼續耕種。
4. 假祭祀飯（헛제삿밥）
最後一種關於拌飯嘅由來就同慶尚道嘅「假祭祀飯」有關。呢一種同一般嘅祭祀飯所食到嘅料理唔同，假祭祀飯嘅食材就比較簡單。
有傳聞就話，當時嘅平民因為貧窮嘅關係食唔到豐盛嘅祭祀餐點，所以就整出呢一味「假祭祀飯」攪拌嚟食。
「拌飯」名稱由來？
拌飯嘅韓文喺「비빔밥（Bi-Bim-Bap）」而當中「비빔」係有混和，而「밥」係飯嘅意思，顧名思義就係「混和嘅飯料理」嘅意思。
但拌飯（비빔밥）其實喺朝鮮時代中期唔係叫呢個明㗎。以前拌飯（비빔밥）係叫「骨同飯」或摺「骨董飯」（골동반），呢個詞其實有混雜不清嘅意思，但同拌飯嘅意思一樣。
除咗咁之外，拌飯都有個花名叫「花飯（화밥）」，因為放喺飯上面嘅料好似花嘅型態相似，所以就會咁命名啦！
韓國拌飯嘅種類
全州拌飯
來源：조선일보
其實拌飯嘅故鄉係來自全州，拌飯嘅種類亦都好多，仲有好多唔同特色嘅拌飯添。其實拌飯係二百幾年前就興起，所以歷史非常之悠久。一般嘅拌飯都係喺4000到6000韓幣不等。不過正統嘅全州拌飯嘅價錢就係需要10000韓幣起跳，佢哋比較注重蔬菜、食材擺放、顏色細緻度等等，唔知大家有冇食過呢？
晉州拌飯（生牛肉拌飯）
晉州拌飯嘅歷史其實可以追溯返好耐之前，當時晉州同日本嘅戰爭開始， 城裏面嘅軍人同百姓就殺咗最珍貴嘅牛嚟食最後晚餐。
不過因為唔夠分，當時嘅人就將牛肉分開細細份，連埋飯、蔬菜、等等一齊攪拌嚟食，就變成左生牛肉拌飯啦！
韓國人仲好鍾意用甜醬醃牛肉，撈埋啲飯一齊食添！
醃蘿蔔拌飯
將醃蘿蔔同埋菜加埋落拌飯嗰度食，口感非常之清爽，吸引咗唔少人，而呢一種醃蘿蔔都成為左韓國人最鍾意嘅泡菜種類之一。唔只係拌飯，夏天嘅時候都會加埋落冷麵嗰度一齊食！
醬油拌飯
醬油拌飯以醬油代替傳統嘅拌飯辣醬，喺2018年嘅《尹食堂2》之中獲得超高人氣，將類似烤肉調味料嘅醬油代替了外國人接受唔到嘅辣醬。呢種整法唔單止喺外國流行，韓國人都慢慢鍾意呢種食法。
石鍋拌飯
石鍋拌飯就係將石鍋燒熱，然後放入拌飯同埋素材、仲有肉一齊食。唔單止喺攪嘅過程當中熱氣會將食材嘅先味逼出嚟，好多人都好鍾意鍋底嘅飯焦添！
韓國拌飯係點整？
其實整拌飯嘅方法好簡單，大家都可以睇下嘅呢段片參考下！
除咗有正規嘅拌飯之外，最近韓國都會出唔同嘅特色拌飯，唔單止喺放入其他食材，或者係加入其他國家嘅飲食文化元素。正正係因為咁樣，拌飯唔單止只係得蔬菜、白飯、肉類嘅料理，所以就更加多元化！
2010年秋天，紐約時代廣場嘅電子螢幕都出現咗拌飯嘅廣告，當時都吸引唔少人關注，大家可以睇睇！
以上就係拌飯嘅故事啦！唔知大家知道幾多呢？歡迎可以留言同小編討論下啊！
如果有更多想知嘅內容，都可以隨時留言或者dm話俾我哋知：）
Instagram：creatrip.hk