五大韓劇經典場面
最令觀眾記憶猶新嘅五大韓劇經典場面有邊啲？最令人關注嘅竟然係 「呢樣」！
Hello，大家好，我哋係由韓國人話你知每日最新韓國資訊嘅Creatrip。
大家平時有時間嘅時候係咪都會睇韓劇呢？講起韓劇，唔知最令大家深刻嘅又係邊幾套？邊啲經典場面令大家印象最深刻呢？係唔係一定會諗起劇中嘅靚仔oppa，或者係劇入面最sweet sweet嘅情節呢？不過其實韓國都有好多「狗血劇情」令人記憶猶新，等小編同大家睇下有邊啲啦！
乜嘢係狗血劇？
狗血劇係一種難以用常識或者道德標準理解嘅內容，例如係婚外情，血腥，或者係暴力嘅情節等等。近年最受人關注嘅狗血劇就有夫妻的世界，都引起咗唔少人評論劇入面嘅男主角搞婚外情呢件事。
五大經典名場面
1. 太陽的後裔
Source: KBS
由宋仲基同埋宋慧喬主演嘅太陽的後裔可以話係當年人氣最高企嘅一套劇，雖然呢套劇引來唔少人嘅愛戴，但係因為劇入面有過長嘅植入式廣告，所以都收受到好多人嘅評論。其實一個最具爭議嘅場面就係呢場嘴戲，呢場嘴戲就係金智媛同埋晉久在開車嗰陣，將駕駛模式改成自動駕駛，然後兩個人就開始嘴嘴，唔少人都覺得呢幕會唔會太誇張！
因為成套劇劇太多植入式廣告嘅關係，好多網民都將呢套劇名改成「PPL的後裔」。
2. 老天爺啊！給我愛
Source: SBS
呢套韓劇雖然已經係15年前，但呢套劇絕對係韓國狗血劇嘅代表作之一。最唔make sense開始劇入面嘅女配角睇睇下劇無啦啦突然間暈低咗，因為呢個情節個配角死得太突然，觀眾都覺得太無稽。
YouTube @ 케제와
大家可以睇下呢條片重溫以下呢幕經典場面。
3. 歐若拉公主
喺呢套劇入面，當男主角得知女主角患上癌症之後，講咗句：「癌細胞都係生命啊…即使接受治療，都係注定會死」呢句台詞，呢句嘢都激發起唔少人嘅討論。
YouTube @ MBCdrama
呢個名場面一爆發之後，歐若拉公主呢套劇嘅編劇林成漢都有出嚟道歉，當時狗血劇就同歐若拉公主呢套劇畫上咗等號。
4. 彷彿愛過你
Source: MBC
「係善晶嘅女啊……」雖然大部分嘅韓國人都唔知《彷彿愛過你》呢套劇嘅詳細內容，但都一定會知呢句台詞，因為他引發了超強的模仿效應！
劇中呢個男人知道咗一件震撼嘅消息之後，連飲嘅橙汁都噴埋出嚟，但最搞笑嘅喺啲橙汁全部都完整咁喺嘔返落個杯度，呢一幕真係令人爆笑。
YouTube @ MBCdrama
唔少藝人都有扮過呢個場面！
5. 全都是泡菜
Source: MBC
歷代最爆嘅韓劇名場面當然唔少得呢個用泡菜打人呢一幕，喺韓劇《全都是泡菜》呢套劇，呢個場面成為咗經典，後嚟都有好多韓劇會用嘢食嚟懲罰衰人。
例如2015年嘅《夏娃的愛情》同埋2017年嘅《姊姊們的逆襲》中，都有出現用嘢食打人嘅場景，大家一睇返呢啲場面都覺得好記憶猶新！
今日小編就同大家睇咗五大韓劇嘅名場面，唔知大家又最鍾意有冇睇過呢？
冇嘅話大家不妨都可以睇返以上嘅短片回味以下啊！
如果有更多想知嘅內容，都可以隨時留言或者dm話俾我哋知：）
Instagram：creatrip.hk