韓國食品公司故事
你唔知道嘅韓國食品企業故事！三養檢舉農心淪為叛徒？韓國第一支甜筒係海太做嘅？
Hello，大家好，我哋係由韓國人話你知每日最新韓國資訊嘅Creatrip。
＃韓國食品公司
＃三養＃海太＃樂天
＃農心＃食品＃冷知識
好多人嚟韓國旅行嘅時候都會行超市。
琳琅滿目嘅商品都係嚟自唔同嘅公司同企業，但大家又知唔知呢啲企業背後嘅故事同發展呢？
一齊嚟聽下你冇聽過嘅故事，增加對呢些韓國食品企業嘅認識啦。
✨馬上Follow我哋IG
instagram.com/creatrip.hk
韓國食品品牌介紹
1. 海太（해태）
要講到韓國最老牌嘅食品品牌，就梗係要提海太（Haitai）。
1945年10月3號以「海太制菓合夥公司」成立，係韓國脫離日本殖民、光復之後第一間韓國資本同技術成立嘅食品公司，喺韓國歷史上面寫底咗新嘅篇章。
唔單止係咁，海太公司成立初期到而家亦都創過無數記錄。
韓國最老牌嘅零食有好多都係海太公司製造，其中以元祖煉羊羹歷史最悠久，直到而家都仍然受到唔少人歡迎。
雖然喺1945年韓國光復之後，美國糖果大量傾銷，造成國內零食市場危機，但係海太都繼續致力做出多樣化區隔，一直推出新品，為企業打下基礎。
即使1950年代韓戰令海太制菓合夥公司損失咗一大半員工，但海太仍然撐咗落嚟，銜接戰後發展嘅黃金時期。
海太不停搶下新紀錄，1959年生產韓國第一款香口膠「supermint」、1970年生產出韓國第一支甜筒「Bravo Cone（부라보콘）」、1976年推出韓國第一個喺電視播映嘅零食廣告（海太寸棗糖）等輝煌成績。
只係喺1987年，海太制菓合夥公司改名為「海太制菓（株）」之後，向電子、貿易、重工等多種經營，開始出現營運困難，1997年宣告破產，當時海太品牌集團正式解體。
海太韓文原意為：獬豸
1999年至2001年，好多集團認定咗海太致菓嘅企業品牌價值，出資重拾海太嘅招牌，並整頓成「海太食品製造（株）」新公司。
而2005年Crown收購咗海太，繼續延續韓國第一間食品公司嘅歷史。
海太嘅巔峰莫過於2014年推出嘅蜂蜜奶油薯片，當時造成全國轟動，一上市就出現缺貨、炒價嘅現象，令Crown成為韓國國內第一名相關糕點、零食製造嘅專門企業。
2. 樂天（롯데）
相信大家對樂天應該都唔陌生，但大家又知唔知其實佢係以韓國、日本為中心嘅多元化跨國集團中心。
所以先前韓日貿易戰入面，樂天生產嘅相關產品喺韓國亦受到部分韓國人嘅抵制。
1948年日籍韓國人重光武雄（韓名：辛格浩）喺日本創立咗樂天集團，最初只有食品製造，而之後喺韓國發展。
1965年韓日建交後重光武雄返到韓國投資，喺1967年創立咗樂天制菓。
隨住戰後經濟復甦，樂天飛快發展，業務不斷開闊，1980年代亦都成立咗樂天控股，經營領域都從食品擴闊到旅遊、石化、金融、零售、娛樂、速食等等，最出名嘅就係樂天百貨、樂天超市，以及其他樂天飲品、樂天食品、樂天影院、樂天酒店、樂天世界等等。
而樂天集團喺食品部分亦都積極生產新品，但同其他長壽老牌相比，仍然略遜一籌，但係樂天超市喺韓國各地開分店，積極置入樂天旗下品牌嘅做法，亦都可以幫樂天上返一線嘅地位。
喺80年代至90年間，樂天集團注意到全球化趨勢，將經營範圍擴展到韓國國內嘅娛樂產業，以及國外。
但近期因為韓日兩個樂天負責人，喺爭產上令樂天集團形象大毀，加上朴槿惠總統執政期間，樂天行賄、逃稅、非法交易嘅醜聞再度爆出，樂天集團嘅形象亦都一度重挫。
3. 三養（삼양）
1961年9月成立嘅三養食品，係朴正熙總統鼓勵、扶植嘅企業。
佢哋一開始生產嘅就係三養拉麵，以₩10嘅價格喺韓國亮相，引發眾人關注。
而當時創立嘅原因，好大部分係為咗應付韓戰後嘅糧食不足以及協助地方就業。
隨著時間推進，三養唔單止淨係製作拉麵，仲觸及到酪農業（大觀嶺牧場）、油業、醫療中心等等。
 |  |
一路順利嘅發展喺1989年11月出現危機。
三養食品被踢爆用工業用脂肪，呢件事令三養名聲大跌，雖然後嚟保健同檢調單位都認定該物質無害，但拉麵龍頭嘅寶座亦都讓咗俾農心食品。
有人推測，三養食品之所以被農心超越，位居第二，有好大部分係1980年代時，農心積極開發新產品，但三養冇辦法追上進度，甚至之後嘅新品都帶著農心嘅影子而被批評。
2013年起，不倒翁追過三養；2016年起，三養集團更被八道追過，位居第四。
三養食品意識到旗下只有三養拉麵、辣雞麵係最具代表性嘅商品，因此努力外銷，喺2014年起成功插旗中國，造成超高話題，年度營業額亦都因此逆勢翻倍。
不為人知嘅部份係喺2012年嘅時候，韓國好多間拉麵公司由10年前起壟斷價格嘅消息傳開，被處以1,354億韓元罰款，主導壟斷嘅農心公司需負責9成以上罰款，導致當年營業利潤幾乎全數上繳。
而呢件壟斷案嘅舉報者竟然就係三養食品，所以雖然三養參與壟斷，但被排除喺罰款對象之外，其他三間拉麵公司就要籌資繳清曬罰款。
而喺2015年，農心提出無效訴訟並取得勝利，而三養食品喺同業眼中成為咗「叛徒」。
4. 農心（농심）
農心亦都係韓國出名嘅食品企業之一，但大家知唔知農心係樂天集團創辦人嘅弟弟（關係唔太好），雖然創業初期嘅領域唔一樣，但隨住樂天出咗自家品牌嘅拉麵牌子之後，樂天同農心嘅戰爭亦都越嚟越明顯。
大家成日食嘅辛拉麵、安城湯麵、辣牛肉麵等等，都係農心公司出產，但呢個都成為咗農心企業嘅一個問題點：呢啲泡麵都係喺80年代研發出嚟。
至今農心未可以創造另一個泡麵嘅新高峰。
1980年代以嚟，農心一度以市佔率80%成為龍頭，但從2010年代起，喺三養、八道、不倒翁等企業追擊之下，農心嘅市場佔有率逐漸下降至60%左右，2017年嘅時候市佔率更加下跌至50%以下，可以話係史上最差嘅一年。
好多人批評農心公司嘅產品老化，競爭力不足，但其實原因唔係咁簡單。
除咗多次被爆拉麵入面有蟲、驗出放射線，重傷農心食品形象之外，辛拉麵嘅改版都被批評味道變咗。
而喺2012年，農心同其他泡麵公司被舉報聯合壟斷價格，罰款高達1,354億韓幣，農心就交咗1,077億韓幣罰款，相當於農心成年嘅營業利潤。
最後，當年營業利潤只有2.7億韓元。
除此之外，農心一直有投放資源喺電視廣告，而喺改善熱門商品嘅同時，卻普遍得到「味道變差」嘅評價。
有分析指，因為而家為咗降低成本而減少原料，亦都有人表示因為改咗調味料嘅比例，導致味道產生變化。
呢啲評價對市佔率第一名嘅農心嚟講，可以話係最大嘅侮辱。
以上係小編整理韓國大型嘅食品企業，比較有趣、刺激（？）嘅小故事，唔知道大家對呢啲品牌有冇更加多嘅認識呢？
✨馬上Follow我哋IG
instagram.com/creatrip.hk
| 其他延伸閱讀 | |
 韓國宵夜推薦 |  2020韓國拉麵 |
