首爾新增感染者破百
韓國第三波疫情又再次爆發？首爾市感染者創新高，又係教會惹出嚟嘅禍？首爾市政府將會告發
Hello，大家好，我哋係由韓國人話你知每日最新韓國資訊嘅Creatrip。
＃武漢肺炎＃新冠肺炎
＃再創新高＃教會群聚
截止至尋日（16嘅），韓國新增感染人數為279宗，創下3月10嘅以來最大增幅。
最令人憂心嘅係首爾第一次喺單日新增感染人數多咗148宗，而京畿道有98宗。
南韓幾乎可以話係進入第三波疫情。
✨馬上Follow我哋IG
instagram.com/creatrip.hk
首爾新增感染者破百
第一波疫情相信大家應該記得係大邱新天地教會感染事件，當時大邱、慶北地區超過8千幾位感染者。
第二波係梨泰院夜店群聚感染，雖然成功阻止大規模擴散，但呢波感染仍然影響咗全韓各地疫情增長。
來源：노컷뉴스
今次以愛心第一教會累計確診者人數爲249宗，被認爲係新冠肺炎喺韓國再度擴散原因之一。
防疫當局為咗追究新冠病毒感染同因為防疫唔合作、集體感染擴散責任，將會控告愛心第一教會牧師全光勳（전광훈 音譯）。
首爾市政府亦透過新冠肺炎定期新聞發佈會表示：「將會追究全牧師同愛心第一教會相關人士，涉嫌違反傳染病預防條例嫌疑者。」
來源：노컷뉴스
首爾市代理市長表示：「全牧師係防疫責任對象，亦係自家隔離對象，但他違反隔離原則，散佈虛假陳述，故意拖延信徒嘅診斷檢查，係威脅緊韓國國民共全體生命安全。」
來源：노컷뉴스
喺前日（15嘅），全光勳牧師亦參加咗光化門集會，自稱為自由主義者，佢冇戴口罩就企上台演講，反問：「15日（隔離）時間，我哋喺屋企到底做咩好？」
佢仲話因為因為有人唔想佢去集會，所以特登將啲病毒係佢果間教會到散播。
來源：노컷뉴스
喺今日（17號），有相關人士爆料：「我媽媽本身就係一個好虔誠嘅信徒，每一次有活動佢都會去參加，一開始知道自己唔舒服嘅時候，教會仲有人唆擺叫佢唔好去保健所，同時唔好聽保健所嘅電話。」
好彩因為車上嘅黑盒錄底哂，爆料人士先知道呢件事。
雖然媽媽已經安排送入院，但唔排除除咗以上媽媽有事之外，其他人係冇事。
來源：노컷뉴스
另外，雖然唔係所有教會都係咁，只有部份極端教會先係咁。
不過，喺呢段期間真係盡量唔好去多人密集地方，甚至集會、遊行都希望可免則免。
目前韓國防疫政策以提升到第二階段，室內、外集會都受到規範。
與此同時，保健部部長即時作出勸告，要求首爾、京畿道居民兩星期內儘量唔好去其他其它地區，以免造成首都圈疫情擴散至全韓國。
✨馬上Follow我哋IG
instagram.com/creatrip.hk
其他延伸閱讀 | |
 梨泰院7代感染 |  大邱市申請要求賠償 |