首爾發暴雨警報

＃韓國新聞
＃首爾＃暴雨

首爾尋日（1號）起發出暴雨警報。

今日上畫韓國時間8點為準，首爾、京畿道、江原道、忠清道等地區，錄得30至70毫米嘅降雨量。

來源：연합뉴스

首爾嘅超大降雨量令能見度降低，一片朦朧。

首爾全境發出暴雨特別警報，市區各處都受唔同程度嘅影響。

雖然一度因雨勢緩和，變為暴雨注意警報，但今日下畫韓國時間2點起，首爾、京畿道等地再次出現強降雨。

來源：연합뉴스

來源：뉴스1

尋日，首爾江南站嘅地下水道倒灌，附近嘅行人路都被泥水覆蓋。

冠岳區嘅道林川更有80幾歲老翁被暴漲嘅溪流捲走，不治身亡。

另外，道林川河堤散步路上，因河川突然暴漲，令25位行人受困，最終安全獲救。

來源：연합뉴스

京畿道安城市今日上晝有養雞場因不堪暴雨倒塌，一個50幾歲男性死亡。

忠清北道亦有男性被急流捲走後溺斃，更有露營場被泥沙流淹沒，令一個遊客死亡；

忠州市就有農舍被泥石流沖倒，煤氣爆炸，一個女性死亡。

雨勢預計將會持續到今個月5號，隨住颱風哈格比一路北上，台灣、中國沿海地區、南韓地區都會受影響。

韓國氣象廳表示，預計至5號為止，首爾、京畿道等南韓中部地區，會錄到最多500毫米嘅降雨量。

來源：연합뉴스

近期嘅大量降雨，令河水暴漲、地基變得脆弱，氣象廳同政府特別關注低窪地區等地嘅安全，進入緊急狀態。

🤞🏻 Creatrip Youtube上線囉

✨馬上Follow我哋IG
instagram.com/creatrip.hk

🎈韓國代購服務

其他延伸閱讀
明洞店舖執笠潮	首爾蠶室新景點