韓國立法規管嘅事
原來呢樣唔做得？夜晚10點後唔准補習！十樣韓國立法規管嘅事！
Hello，大家好，我哋係由韓國人話每日提供最新韓國旅行資訊嘅Creatrip。
每個國家都有自己嘅法律，有時可以喺香港做嘅嘢，喺韓國未必做得，今日小編就嚟介紹下十樣喺韓國受法例規管嘅事。
外國人唔知道嘅十件事
1. 紋身
紋身喺韓國唔犯法，不過去到某一啲汗蒸幕，可能會被拒之門外。而且好多韓國紋身師其實都係犯法營業，因為喺韓國紋身師要申請指定執照先可以幫人紋身，但好多紋身師可能只係得證書。
2. 公眾地方吸煙
韓國近年開始立法禁止喺公眾地方吸煙，大部份建築物、餐廳、Cafe都劃為禁煙區，另外，地鐵入口、旅遊區等都唔可以吸煙。不過，大家嚟到韓國應該都仲見到唔少韓國人會喺街上吸煙。
小編建議大家喺韓國想食煙，可以先留意下附近有冇禁煙標誌，唔係可能會被票控。
3. 食狗肉
韓國雖然有立法禁止接收狗肉，但法例有灰色地帶，有部份餐廳會偷偷賣狗肉，所以有唔少韓國人都希望政府可以收緊法例。
4. 受賄
每個國家賄路都應該係犯法，韓國嘅法例刑罰都幾重，就算係送禮，禮物金額都唔可以超過₩50000（HKD350左右），所以好多人為咗避嫌，連禮物都唔會收。
5. 暴露身體
1970年代，韓國曾經立法禁止女性著短裙或者暴露身體。當然呢條法例而家已經冇咗，只要唔好太過份就冇問題啦！
6. 街邊檔
相信大家嚟到韓國玩都一定見過呢啲街邊檔。呢啲韓國嘅特色之一，不過就有食物安全嘅隱憂。大多數地區嘅布帳馬車都係犯法，無牌擺檔。政府過去都多次打擊布帳馬車，尤其係韓國要舉辦國際大型活動之前，會以影響市容做理由，禁止佢哋擺檔，甚至用武力清拆檔口。
7. 賭錢
韓國嚴禁賭博，唯一一個可以畀韓國人賭博嘅賭場係喺江原道。而且，因為韓國法律係行「屬人主義」，韓國人即使喺外國賭博都係犯法，所以江原道賭場係全世界唯一一個畀韓國人賭錢嘅地方。
8. 打機
韓國立法禁示16歲以下人士喺半夜12點至朝早6點內打機，製作遊戲嘅公司大多提出反對聲音。
9. 色情影像
所有色情影像，無論係圖片定影片、實物定網上，喺韓國都被禁止。呢一條法例係為咗減少性犯罪發生。不過都有人認為禁止色情影像好難做到，要睇嘅人總有辦法睇到。
10. 夜晚補習
韓國學生為咗拎到好成績，好多都會去補習，搞到壓力越嚟越大，韓國政府就立例規定所有學校都要喺夜晚10點前閂門，希望防止有學生要補習到半夜。
以上就係十個韓國受法例規管，而又好少外國人知道嘅點。唔知大家點睇呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk