Hello，大家好，我哋係由韓國人話你知每日最新韓國資訊嘅Creatrip。
#弘大 #延南洞Cafe
#黑芝麻 #甜品
韓國近期唔少Cafe都興起出黑芝麻甜品，引嚟唔少韓仔韓妹都會去探訪。
小編亦都當然為大家一試究竟！
到底除咗芝麻糊之外，其他黑芝麻甜品又好唔好食呢？
✨馬上Follow我哋IG
instagram.com/creatrip.hk
弘大 「OFFICE OF」 探訪
一入到鋪頭就會有種文青嘅感覺，位唔算多，只得5張檯。
當日小編揀咗平日朝早去，所以未話算好多人，但只要到咗2點左右，就已經有人喺出面排隊。
呢度甜品以南瓜乳酪蛋糕、黑芝麻蛋糕等最出名。
雖然有啲韓國人會覺得黑芝麻蛋糕有啲似「老人家口味」（할머니입맛）。
不過，鍾意食佢嘅人仲係有好多！
落完單之後，大約等10分鐘左右，甜品同飲品都登場啦！
小編分別點咗黑芝麻鮮奶咖啡同黑芝麻蛋糕。
大家會見到老闆好貼心咁另外畀濃縮咖啡。
想飲濃啲提神嘅朋友可以加，如果想飲佢原始味道可以唔加。
不過要提提大家：如果唔加可能會覺得有啲偏甜。
睇落係咪有少少似朱古力蛋糕呢？但其實佢係超濃黑芝麻蛋糕。
超濃口感，加上黑芝麻忌廉，真係好食到令人停唔到口！
如果大家都鍾意食黑芝麻甜品嘅話，之後嚟韓國就唔好錯過啦！
✨馬上Follow我哋IG
instagram.com/creatrip.hk
| 其他延伸閱讀 | |
 弘大Cafe 858 |  夏日消暑美食 |
