《雖然是精神病但沒關係》拍攝地
《雖然是精神病但沒關係》拍攝地！城堡、醫院、餐廳、風景一次過睇晒！
Hello，大家好，我哋係由韓國人每日提供最新韓國旅行資訊嘅Creatrip。
呢幾個星期，韓國最hit嘅劇集一定係金秀賢同徐睿知主演嘅《雖然是精神病但沒關係》，到而家呢套劇已經播咗一半，劇情越嚟越令人緊張大，好期待結局，呢套戲好多取景地都唔係首爾，小編幫大家整理咗幾個景點～之後嚟韓國，大家就可以跟住去啦！
雖然是精神病但沒關係
拍攝場景：1. 原州小金山吊橋
- 地址：강원 원주시 지정면 소금산길 14
- 開放時間：11月至4月09:00至16:00；5月至10月09:00至17:00；每月第一、第三個星期一休息
- 入場費用：₩3,000
第九集，文鋼太同高文英約會，嚟到鋼太一直好想去嘅吊橋。
文英雖然好驚，但都好努力慢慢向前行。
呢度就係原州小金山吊橋啦！
小金山懸索吊橋長達200公尺，係韓國最長嘅雲端懸索吊橋，獲選為韓國2019年必訪嘅100大景點之一。
吊橋吊喺高空，淨係睇相就已經有啲腳軟。
雖然是精神病但沒關係
拍攝場景：2. 盤谷站
- 地址：강원 원주시 달마중3길 30
相信有追呢套劇嘅朋友，都知道第10集嘅劇情有幾轉折啦！
呢一個場景係喺原州嘅盤谷站（반곡역）度拍嘅。
盤谷站其實係個好細嘅站，平時只有中央線嘅火車會喺度停低，班次唔多。
嚟打個卡都幾好㗎。
雖然是精神病但沒關係
拍攝場景：3. Secret Blue Cafe （沒關係精神病院）
- 地址：강원도 고성군 토성면 아야진리 226
- 營業時間：10:00至20:00
位於江原道高城市嘅Ayajin海灘，有間超靚嘅Cafe「Secret Blue」。
《雖然是精神病但沒關係》劇中貫穿大半劇情嘅「沒關係精神病院」，就係喺呢度取景。
戲裡面病患散步、活動嘅地方，就喺Cafe出面。
呢度本身係一間好靚嘅Cafe，已經有唔少韓國人去過打卡。
日落個陣可以上頂樓睇，真係好靚。
部分照片來源：Secret Blue Instagram
雖然是精神病但沒關係
拍攝場景：4. Ayajin海邊 （아야진 해변)
- 地址：강원 고성군 토성면 아야진해변길 157
就喺啱啱介紹嘅Cafe對面，有一片海灘，碧綠色嘅大海同白沙，好少外國人會識得嚟。
而且，呢邊嘅大海比較少污染，所以睇落好乾淨、好靚。
雖然是精神病但沒關係
拍攝場景：5. SANIDA Cafe
- 地址：강원 원주시 호저면 칠봉로 109-128
- 營業時間：10:00至22:00
文英住嘅屋，被人稱為「被詛咒嘅城堡」。
呢度係位於原州嘅SANIDA Cafe。
其實城堡內部大部分都係透過電腦特效整出嚟，不過周邊嘅環境都係真嘅。
佔地超過8000坪面積，雖然冇《雖然是精神病也沒關係》間屋咁靚，但周圍都好靚，好值得嚟散步。
部分照片來源：SANIDA Blog
雖然是精神病但沒關係
拍攝場景：6. 賀琳覺（하림각）
- 地址：강원 영월군 주천면 주천로72번길 6
- 營業時間：09:00至21:00
貫穿《雖然是精神病但沒關係》嘅中華料理餐廳賀琳覺，有好耐歷史，入面都係舊式裝修。
文英喺度食辣海鮮麵嘅時候，辣到講粗口。大家都可以去試下係咪真係咁辣。
雖然是精神病但沒關係
拍攝場景：7. Angel-in-us Coffee
- 地址：서울 영등포구 여의도동 61-5
- 營業時間：09:00至22:00
雖然擺到明喺廣告，但係咁多個拍攝地最方便去到嘅地方。
呢間係位於首爾汝矣島嘅分店，之後要打卡，又唔想去咁遠，可以考慮下去呢度。
雖然是精神病但沒關係
拍攝場景：8. 喜來稀肉（江南店）
- 地址：서울 강남구 강남대로96길 17
- 營業時間：10:00至05:00；星期日休息
雖然喜來稀肉喺《雖然是精神病但沒關係》入面寫오지分店，但實際上係位於江南。
喜來稀肉嘅食物品質都唔錯，想一邊打卡，一邊食嘢嘅朋友，可以嚟呢度。
雖然是精神病但沒關係
拍攝場景：9. 玉井中央公園
- 地址：경기 양주시 옥정동 1035-1
鋼太同文英兩個人嚟度玉井中央公園拍拖。
夜晚，公園會有小型嘅彩虹噴泉，相當浪漫。
雖然是精神病但沒關係
拍攝場景：10. 青松雪濃湯（샛골 설렁탕）
- 地址：인천 동구 금곡로82번길 14
青松雪濃湯位於仁川，係一間相當地道嘅小餐廳，主要賣雪濃湯、內臟湯、排骨湯等韓式料理。
最後想話個好消息畀大家知！
劇入面嘅兩個公仔吊飾依家喺我哋官網都有得買啦！
如果係忠實fans嘅你，更加唔可以錯過啦！ 想買嘅朋友可以撳撳我購買 。
以上呢啲地方，唔知大家睇《雖然是精神病但沒關係》嗰陣，有冇留意到呢？而家套戲嘅劇情已經嚟到高峰，到底結局會係點，小編都好期待。
本篇劇照來源：tvN、Netflix
如果有更多想知嘅內容，都可以隨時留言或者dm話俾我哋知：）
Instagram：creatrip.hk