韓國人唔鍾意嘅國家Top3
韓國人唔鍾意嘅國家Top3！比起北韓，竟然仲有兩個國家排前？睇完原因即明解！
Hello，大家好，我哋係由韓國人每日提供最新韓國旅行資訊嘅Creatrip。
可能好多人都會諗韓國最唔鍾意國家第一，一定係北韓，事實上有調查顯示，比起北韓，有兩個國家都超前。正式睇呢篇文之前，大家又估唔估到邊兩個國家呢？
韓國人唔鍾意嘅國家Top3
1. 日本
아이굿뉴스
韓國人憎日本或者日本人憎韓國，相信大家都聽過唔少次，大家互相憎對方，原因唔多唔少係因為以前獨島事件同歷史留落嚟。
여행신문
雖然而家關係表面上已經好咗好多，韓國人都鍾意去日本旅行，甚至KPOP亦會加入日本成員。不過老一輩嘅仲係會對日本有超唔好印象，同時會有懷恨之心。
2. 中國
김병장네 실시간 이슈
相信大家都知韓國係一個民主國，佢哋好重視國民睇法，所以唔少韓國人都會好自豪自己係韓國人，甚至佢哋會鍾意稱自己國家做「우리나라」 = 我嘅國家。
비터 원터
相反，中國係共產黨，好多時市民都未必可以表態，甚至有種「洗腦式教育」，中國話一人民唔敢話二，甚至認為佢哋所做嘅一切都係正確。小編上網搵咗啲資料，韓國人會唔鍾意中國原因除咗係因為歷史因素，同時係佢哋認為韓國天氣唔好（多霧霾）係中國傳過嚟。
另外，仲有韓國人話嚟韓國旅行嘅中國人，好多時所做嘅行為都令人反感（冇禮貌、大聲講）。甚至有唔少韓國人表示：「雖然中國強大咗好多，比起非好感，而家對佢哋係有種厭惡程度，比起日本，最近憎中國人好似仲多。」
3. 北韓
한국농정신문
南北韓分裂已經有70幾年歷史，相方關係仍然處理緊張同冷靜狀態，雖然間唔中有傳佢哋會和好，不過大家立場都企到好硬，冇人肯行前多一步。
BBC
相信大家之前都有睇超熱播嘅《愛的迫降》，當時拍呢套戲嘅時候真係落咗唔少功夫，佢哋研究咗好耐，同時搵咗真正脫北者了解當代語言同生活習慣。雖然成套戲都得到唔少好評，不過北韓就唔係咁睇，佢哋覺得有挑釁行為，同埋有歪曲事實。如果照咁睇....和好係唔係會有啲難度呢？
唔知大家對於以上Top3國家，又有咩睇法呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk