韓國夏季泳衣新款
去海邊唔洗著Bikini都可以好性感？韓國今個夏天上市新款泳衣推薦，可愛、性感俱備！
Hello，大家好，我哋係由韓國人話你知每日最新韓國資訊嘅Creatrip。
＃韓國潮流
＃泳裝＃新上市
每到夏天，就梗係要去海邊玩水啦！
去海邊玩，又點少得一套靚靚泳衣呢？
今日小編要同各位介紹2020年韓國新上市嘅泳衣。
一齊揀套新泳衣，度過炎炎夏日啦！
✨馬上Follow我哋IG
instagram.com/creatrip.hk
O!Oi
Oi!Oi呢個牌子應該大家都聽過啦！今年O!Oi新出咗兩款各兩色嘅泳衣。
小編覺得時尚得嚟都幾可愛。
偏向少女風嘅設計，非常可愛。
比較特別嘅係，其中一款分成兩件，配上外搭嘅裙，去泳池打卡就啱晒！
同埋呢種設計可以遮到腰上面嘅「鬼崇肉」。
顏色鮮明可愛！唔鍾意太少布嘅泳衣嘅朋友，可以考慮O!Oi嘅新品。
時尚中帶有復古感，保守中帶有微微嘅夏日性感。
看咗呢幾款，小編都好心動，可愛又性感嘅O!Oi泳衣，今個夏天最Cute嘅一定係我啦！
BARREL
（BARREL x KAOCQ）
Henry同SOMI代言嘅BARREL，今年同KAOCQ合作，推出一款色彩繽紛嘅泳裝。
藍色款用咗少少螢光色，令整個色調更加鮮明，帶有調皮感。
紅色款亦唔會太過單調或者明亮，唔鍾意一般單色泳衣嘅朋友不妨試下呢款。
之前韓國流行過好多長袖泳衣，今年雖然短袖、背心居多，但長袖款式一樣有。
SOMI物上呢款泳衣配色好靚，粉紫色做底色。
呢種長袖泳衣偏運動風，又可以防曬。
rolarola
韓國人氣不容小覷嘅rolarola，今年出嘅泳衣顏色非常少女。
除咗格仔款外，碎花同單色都好好睇。
泳衣加咗荷葉邊同蝴蝶結做細節，夠晒精緻、特別，幾乎將所有2020年嘅流行元素放咗喺泳衣上。
呢款紫色泳衣用咗對比色搭配，胸口嘅設計都帶有微微嘅少女性感。
而且呢幾款泳衣設計到同普通上衣一樣，配埋牛仔短褲，去海邊玩好啱咁樣襯！
唔鍾意顏色太鮮豔嘅話，呢兩款黑色都非常推薦，前面比較保守，但背面大露背，超級性感。
rolarola今年有好多唔同嘅款式，大家可以揀最啱自己嘅款式～
泳衣係每年夏天必備嘅單品，仲沒準備好嘅話，不如參考小編今日帶嚟嘅新品啦！
✨馬上Follow我哋IG
instagram.com/creatrip.hk
| 其他延伸閱讀 | |
 韓國潮牌推薦 |  韓妹最愛網購app |