出席韓國婚禮
出席韓國婚禮有咩要準備？著黑色衫去先至啱！記得呢幾點先唔會失禮
Hello，大家好，我哋係由韓國人話你知每日最新韓國資訊嘅Creatrip。
＃韓國文化＃韓國婚禮
＃注意事項
唔知大家有冇受邀出席過韓國嘅婚禮呢？
去韓國朋友嘅婚禮同去香港嘅婚禮有啲唔同，要注意、準備嘅都有唔一樣嘅地方。
今日就等小編同大家講下啦！
✨馬上Follow我哋IG
instagram.com/creatrip.hk
衣著
香港人出席婚禮最忌著到「黑媽媽」，因為只有白事先會著成咁。
但係喺韓國就唔一樣，韓國人好多時男士會著黑色西裝；女士就著得簡單大方為主，黑色、大地色等等都可以，但要避免著白色。
人情
韓國出席婚禮一樣要畀人情。
去到門口，接待嘅人就會問你喺男家定女家嘅朋友，再收人情。
因為女家收嘅人情通常會用嚟買新屋嘅傢俬、電器；男家收嘅人情主要就用嚟買樓。
人情金額通常₩50,000起跳，如果你仲係學生，畀₩30,000都冇問題。
韓國同事指出席朋友婚禮，最少要畀₩50,000，越熟嘅朋友金額就會越嚟越高。
餐券
出席韓國婚禮嘅時候，大家畀完人情會收到一張餐券。
大家一定要袋好，因為呢張券係用嚟完咗儀式之後去食飯用。
婚禮時長
有啲國家嘅婚禮會由朝到晚，韓國婚禮就通常2至3個鐘就會完。
韓國婚禮通常都會喺酒店或者Wedding Hall度搞。
租場地嘅費用都唔平，所以好多時都會快快手，跟住流程，幾個鐘頭內完成婚禮。
小編都幾鍾意韓國婚禮咁快完，唔洗出席一次婚禮就冇咗一個星期六或者日。
大家記得最好要喺婚禮開始20至30分鐘前到，就可以用新人傾兩句，又唔會遲入場。
祝歌
大家可能都有見過藝人出席婚禮唱祝歌嘅片。
韓國婚禮好多時都會邀請朋友唱一首祝賀嘅歌，當喺祝福嘅一種。
今日小編介紹嘅出席韓國婚禮注意事項，唔知大家覺得點呢？
之後大家有機會出席韓國朋友嘅婚禮，記得要留意呢幾點啦！
✨馬上Follow我哋IG
instagram.com/creatrip.hk
| 其他延伸閱讀 | |
 韓國婚禮文化 |  韓國情人節整理 |