1日1GANG熱潮
1日1GANG引熱潮！RAIN聯同劉在錫、李孝利再出道！混聲組合今夏出擊
Hello，大家好，我哋係由韓國人話你知每日最新韓國資訊嘅Creatrip。
#韓國 #劉在錫 #李孝利 #Rain
#1日1GANG #싹쓰리（SSAK3）
早排Rain嘅一首舊歌引起熱潮，網民提出要「一日一GANG」（一日至少睇一次GANG嘅MV），到目前為止MV已經突破千萬VIEW。
《閑著幹嘛呢？》節目更宣佈劉在錫、李孝利、Rain將會合作組成混聲組合싹쓰리（SSAK3），令人期待。
✨馬上Follow我哋IG
instagram.com/creatrip.hk
一日一GANG熱潮
IG @rain_oppa
Rain相信有好多香港人都識。
當年嘅《浪漫滿屋》喺香港熱播，引熱全城熱議，Rain更成為新一代「師奶殺手」。
最近，Rain2017年出嘅一首舊歌，突然引起熱潮。
呢首叫〈깡（ GANG）〉嘅歌，2017年出嘅時候唔算好受歡迎，甚至有人嘲笑呢首歌嘅舞蹈同風格，講笑話要「一日一GANG」（一日至少睇一次GANG嘅MV）。
網上面開始有好多人模仿GANG嘅舞蹈，而GANG嘅MV更突破千萬VIEW。
通常聽過有咁多人取笑自己，都會覺得唔開心，但估唔到Rain竟然將嘲諷變成幽默應對。
節目《閑著幹嘛呢？》提到「一日一GANG」嘅時候，Rain表示連老婆金泰熙都知道「一日一GANG」。
《閑著幹嘛呢？》
佢仲話「一日一GANG」點夠，最少平日都要「一日三GANG」，星期六日「一日七GANG」。
大方回應網民嘅嘲笑。
《閑著幹嘛呢？》
點知竟然畀劉大神一語成讖，Rain真係做咗呢款蝦條嘅新代言人！
農心
農心4號宣佈，Rain獲選為旗下蝦條（새우깡）嘅代言人。
農心表示：「最近Rain相關嘅話題引起熱議，期待佢可以為蝦條（새우깡）帶嚟正面、年輕嘅形象。」
Rain嘅高EQ為佢帶嚟唔少正面回應，令佢再次迎嚟事業高潮。
混聲組合싹쓰리（SSAK3）
《閑著幹嘛呢？》
另一方面，《閑著幹嘛呢？》宣佈劉在錫、李孝利、Rain將會合作組成混聲組合싹쓰리（SSAK3），今年夏天出戰歌壇。
呢個節目之節推出Trot（韓國一種舊式歌）歌手劉三絲，引起大熱。
《閑著幹嘛呢？》
今次將李孝利同Rain，兩位00年代起大熱嘅歌手同韓國國民MC劉在錫放埋一齊，一定可以引起熱潮，令人期待。
加上，今個夏天，已有多位歌手宣佈回歸，「싹쓰리（SSAK3）」嘅加入令夏天嘅KPOP樂壇備受觸目。
佢哋仲開直播，向觀眾收集新藝名意見。
Rain透過「一日一GANG」同「싹쓰리（SSAK3）」再次迎嚟事業高峰。
小編都好期待「싹쓰리（SSAK3）」正式出道之後嘅表現！
咁多位，我哋下次再見。
✨馬上Follow我哋IG
instagram.com/creatrip.hk
其他延伸閱讀 | |
 韓星YouTuber |  李敏鎬韓劇踩點 |