首爾地標亮燈表謝意
辛苦晒！首爾多個知名地標齊齊著燈，南山塔、樂天塔、首爾路7017亮藍燈感謝醫護人員！
Jeongyeong Yeo
5 years ago
Hello，大家好，我哋係由韓國人話你知每日最新韓國資訊嘅Creatrip。
＃武漢肺炎＃韓國新聞
＃首爾塔＃樂天塔＃市廳
＃藍色燈＃表達感謝
新冠肺炎疫情喺全球擴散，各國醫護人手緊拙。
日前，首爾市為咗感謝喺嚴峻疫情期間努力工作嘅醫療團隊，直到5月中為止，會喺首爾多個地標亮燈，感謝醫護人員嘅辛勞。
Creatrip為咗關心韓國嘅朋友，會持續更新相關新聞（點我）。
大家唔需要太過擔心同緊張，記住出門口一定要戴口罩同勤洗手！
✨馬上Follow我哋IG
instagram.com/creatrip.hk
首爾地標紛紛亮燈
為咗感謝醫護人員嘅辛勞，首爾市政府宣布，N首爾塔、首爾市廳、首爾路7017、漢江大橋、世界盃競技場等地，五月中之前都會著藍色燈，以表謝意。
蠶室樂天世界塔更會投射出「♡영웅♡（英雄）」字樣。
位於市廳嘅首爾廣場前草坪，都裝上「우리 모두가 영웅입니다 （我哋都係英雄）」嘅標語，向所有積極防疫、努力嘅韓國人表達謝意。
首爾市政府表示，醫療嘅象徵色有好多，藍色、白色、綠色都有。
雖然白色嘅認知度更高，但喺韓國，白色同時都代表死亡，所以揀咗藍色，海外亦有用「藍色」作為醫療象徵色嘅前例。
原本五光十色嘅地標，喺抗疫時期不約而同著咗藍色燈，無疑係為堅守崗位、持續奉獻嘅醫療人員莫大鼓勵。
祝願全世界所有人都可以早日脫離病痛，回歸正常生活。
同時，感謝所有醫護人員，辛苦晒!
✨馬上Follow我哋IG
instagram.com/creatrip.hk
| 其他延伸閱讀 | |
 韓國病例數破萬 |  新確診數創新低 |