口罩以物易物
口罩比錢更重要？3個口罩可以換到一碗解酒湯？5個口罩可以免費剪髮？
황요산
5 years ago
Hello，大家好，我哋係由韓國人話你知每日最新韓國資訊嘅Creatrip。
＃新冠肺炎＃韓國新聞
＃韓國確診＃以物易物
＃大田美食店
以物易物雖然聽就聽得多，但有冇諗過今時今日口罩都可以換到一餐溫飽，或者可以剪到個髮？
喺一罩難求嘅韓國，而家唔少鋪頭都諗唔同新IDEA去吸引客人，但唔知大家又會覺得係好事定壞事呢？
Creatrip亦為咗要嚟韓國旅行嘅大家著想，將持續更新相關新聞（點我），大家唔需要太過擔心同緊張，記住出門口一定要戴口罩同勤洗手！
✨馬上Follow我哋IG
instagram.com/creatrip.hk
口罩比錢更重要嘅時代
喺呢個一罩難求嘅情況底下，韓國大田某一間食店竟然有新招數？
門口有兩個Banner分別寫住只要大家拎3個口罩(KF80或KF94都得)就可以換到一碗解酒湯。
或者只要喺度點一碗解酒湯，就可以免費得到一個口罩 (1人限1個)。
食店老闆表示：「因為而家疫情關係，大家都唔敢出街，唯有諗啲新穎嘅IDEA，其實我哋得到嘅口罩，並唔係為咗自用，我哋會拎完之後去幫有需要嘅人。」
但直到目前為止都係只得一個人有享用過呢個服務。
有市民表示，呢個諗法雖然係好，但而家成日見到藥房門口都有20~30人喺度排緊隊嘅時候，就知有幾辛苦。
一罩難求，未必會想用口罩去換一餐溫飽。
同時亦有報導表示，釜山一間剪髮鋪只要拎5個口罩就可以免費剪髮。
或者有其他鋪頭係1個口罩可以打9折、最多5個口罩就會係5折。
仲有啲係可以用口罩換免費戲飛或雞蛋，口罩易物呢個IDEA真係層出不窮。
唔知大家對口罩易物呢個睇法又會係點呢？
小編覺得雖然整體上價錢睇落去係平咗，但喺呢個一罩難求嘅情況底下，實際上損失好似又多咗...
✨馬上Follow我哋IG
instagram.com/creatrip.hk
| 其他延伸閱讀 | |
 港韓航線大變動 |  韓國防疫措施 |
 韓國入境規則改 |  港澳來韓增限制 |