韓國性行為避孕比例
Oppa都係咁？首爾大學醫院民調「韓男只有1成戴套...」唔鍾意戴套？定性教育不足？
Hello，大家好，我哋係由韓國人每日提供最新韓國旅行資訊嘅Creatrip。
相信有留意開韓國娛樂圈新聞嘅朋友都知，之前試過幾次有藝人情侶未婚懷孕嘅新聞。韓國人到底對婚前性行為有咩睇法呢？佢哋嘅性知識又如何呢？今日就等小編同大家講一講！
韓國人嘅性觀念
喺舊年嘅報導，UPI媒體調查入面，隨機抽咗81位男性、80位女性（都係20-29歲）進行調查，數據樣本比較少，大家可以做一個參考。小編喺下面會再補上更全面嘅數據。
| 有過性經驗嘅比例(男/女) | |
| 男性 81.5% | 女性 72.5% |
| 有冇事前避孕(全體) | |
| 有 77.4% | 無（體外射精） 22.6% |
喺有過性經驗嘅人入面，有57.7%（過半）嘅人會驚性行為之後會懷孕，但當中男性覺得恐懼嘅比例只有35.4%，女性就高達82.8%。再對比10年前進行嘅性經驗調查結果顯示，男性大約2/3、女性大約一半嘅受訪者曾經有過性行為。相比之下，可以見到十年嚟，韓國人對婚前性行為嘅諗法變得寬鬆。
調查顯示，更有部分受訪者性行為嗰陣，唔採取事先避孕措施。佢哋唔事前避孕嘅原因都幾荒謬⋯⋯
| 唔事前避孕嘅原因(男女) | |
| 本人/對方唔願意 60.7% | 太麻煩 17.9% |
| 非危險期 14.3% | 偷偷地除套 3.6% |
唔知點做 3.6% | - |
| 事前避孕嘅途徑(男女)*重複選項 | |
| 保險套 100% | 體外射精 21.9% |
| 口服藥 13.5% | 植入式避孕棒 1% |
唔少韓國男女都認為體外射精係「事前避孕」嘅一種⋯⋯雖然體外射精成功率有75%，但好多婦產科專家都話呢個係一個非常危險嘅避孕方法，成功機率應該係0%。
首爾大學醫院泌尿科教授嘅《10年間女性主要使用的避孕辦法》報告入面，明顯顯示出韓國人對避孕、安全性行為嘅認知非常不足。
| 10年間韓國女性避孕方式*25-59歲 | ||
| 2004年 | 2014年 | |
| 體外射精 42.7% | 體外射精 61.2%（↑） | |
| 男性使用保險套 35.2% | 男性使用保險套 11%（↓） | |
| 避孕藥 9.1% | 避孕藥 10.1%（↑） | |
| 計月經週期 35.2% | 計月經週期 20%（↓） | |
教授指出，雖然兩次調查相隔十年（2004年、2014年），但近代女性使用嘅避孕方法，令佢覺得好似係時光倒流，仲衰過十年前，反映性教育失敗。調查結果更顯示，用體外射精作為避孕方式嘅人多咗近20%。相反我哋一向認知，應該係最普遍嘅痛保險套避孕方法，就減少咗24%。
由呢啲數據可以見到，韓國嘅性教育仍然有好多不足。不論係女性唔敢主動話要避孕、男性唔戴保險套，甚至係雙方對於「體外射精等於避孕」嘅錯誤認知，都係韓國人需要認清、改正嘅地方。或者之後有更多爆出未婚懷孕嘅消息，大家都會見怪不怪。
如果有更多想知嘅內容，都可以隨時留言或者dm話俾我哋知：）
Instagram：creatrip.hk