韓國酒創意飲法
果然係鍾意酒嘅民族！韓國酒花樣多，仲淨係識飲燒啤？19禁燒酒、冰做燒酒杯更好飲？
Hello，大家好，我哋係由韓國人每日提供最新韓國旅行資訊嘅Creatrip。
嚟韓國一定要飲嘅燒酒，衍伸出燒啤（燒酒加啤酒）、炸彈酒等等多種飲法。韓國唔單止酒類多元化，就連「點飲酒」嘅方式都有唔同款。快嚟睇下韓網熱議嘅燒酒新飲法，下次都試下啦！
*未成年切勿飲酒；酒後切勿駕駛*
韓國燒酒新飲法
1. 冰做燒酒杯
20대 뭐 하지?
燒酒一定要雪過先好飲，但如果嫌酒唔夠冰，燒酒杯喺雪櫃拎出嚟冇耐又唔凍，可以點呢？韓國就有個「整燒酒杯」嘅製冰盒，可以整出冰鎮嘅燒酒杯。
20대 뭐 하지?
就算係室溫燒酒，倒入呢個杯都可以好快變凍，而且個杯又唔怕打爛，再雪過就得～夏天仲可以用呢個杯玩「飲酒大賽」，睇下個杯融之前，邊個可以飲到最多杯酒。
20대 뭐 하지?
2. 浮誇兔(過動兔)啤酒測量杯
20대 뭐 하지?
燒酒加啤酒嘅飲法，相信好多人都試過，但比例要幾多？每個人都唔一樣。大部分嘅人鍾意燒酒同啤酒比例2:8，但又有啲人鍾意燒酒分量多啲，要點量燒酒與啤酒比例呢？大家直接用呢款杯就一清二楚，杯上面就有刻度，話你知要倒到邊。
20대 뭐 하지?
最下面條線就係燒酒刻度，再倒啤酒到最上面嘅刻度，為之基本燒啤。燒酒加越多，就會有唔一樣嘅效果，例如燒酒加到「기절각」，就會「暈一暈」。
3. 棉花糖燒酒
20대 뭐 하지?
嫌燒酒太苦，又唔想飲水果燒酒？韓國人創意無限，將棉花糖，放嚟燒酒杯上一齊飲。
20대 뭐 하지?
唔單止燒酒，啤酒都可以，將放嚟杯緣嘅棉花糖順住酒精飲落肚，中和唔少苦澀嘅味道，有意想不到嘅效果。
20대 뭐 하지?
如果將棉花糖自然咁放喺燒酒上，等佢融，成杯燒酒仲會變成好靚嘅糖漿色，下次都嚟試下啦！
4. 19禁燒酒(벌떡주)
20대 뭐 하지?
벌떡주係濟州島特產，杯蓋正面係濟州島石頭爺爺，但背面就是「19禁」嘅圖案。벌떡本身意思係「突然起身」，連個名都引人遐想⋯⋯
20대 뭐 하지?
呢款令人「紅都面晒」嘅特別韓國酒，喺濟州島好易買到。呢款藥酒究竟係咪可以好似酒名一樣，可以令人「突然起身」呢？就見仁見智。
20대 뭐 하지?
5. 兒童酒水壺
20대 뭐 하지?
小朋友孭水壺出門用嘅帶，換做成人版，變成預燒酒或者馬格利。大家將酒瓶掛喺身上出門，隨時隨地都可以飲酒，光明正大咁同人講「我就係酒鬼」啦！
20대 뭐 하지?
6. 燒酒朱古力
20대 뭐 하지?
常見嘅酒朱古力，都係酒心朱古力、威士忌朱古力之類，將燒酒包喺朱古力入面，係咪好新奇呢？
20대 뭐 하지?
「細細樽嘅燒酒」，朱古力入面包住貨真價實嘅韓國燒酒，送禮自用兩皆宜。
20대 뭐 하지?
7. 燒酒冰塊
처음처럼
嫌燒啤太麻煩？或者飲落唔夠凍？韓國人會直接將燒酒雪成冰，要飲個陣直接一塊、一塊放入啤酒，方便快捷。
8. 朱古力燒酒
서울여자
朱古力牛奶加入燒酒，有種飲緊雞尾酒嘅感覺。小編之前同朋友試過呢款創意燒酒，其實味道唔錯，大家都可以試下。
9. MELONA酒
서울여자
呢款創意燒酒喝法，相信大家都唔陌生。哈密瓜MELONA放入燒酒，再倒啲雪碧，就變成清爽帶有甜味嘅哈密瓜燒酒。
以上係韓國酒類嘅創意新飲法，同平時喺餐廳飲到嘅普通燒酒的樣子非常好唔同。大家下次都嚟試下呢啲搞怪嘅新飲法啦！咁多位，我哋下次見。
如果有更多想知嘅內容，都可以隨時留言或者dm話俾我哋知：）
Instagram：creatrip.hk