Hello，大家好，我哋係由韓國人話你知每日最新韓國資訊嘅Creatrip。
＃韓國文化＃經典韓劇
韓國娛樂文化風靡全世界，尤其係近十年，KPOP對全球嘅影響好大，韓國偶像進軍世界舞台，獲得超高人氣。
不過，大家知唔知道呢？
其實喺KPOP興起之前，「Kdrama」，即係韓劇已經喺香港引起熱潮。
小編今日為大家盤點一啲經典韓劇，相信咁多位都一定會非常有共鳴。
✨馬上Follow我哋IG
instagram.com/creatrip.hk
經典韓劇：1. 藍色生死戀（가을동화）
就算冇睇過《藍色生死戀》，都一定會聽過。
呢套戲係造就宋慧喬、宋承憲、元斌喺亞洲走紅嘅一個關鍵。
《藍色生死戀》悲傷、曲折嘅情節，被人戲稱係灑狗血韓劇嘅開端。
不過，入面嘅情節的確令唔少觀眾喊到停唔到。
角色之間嘅關係同愛戀，至今都令人難以忘懷。
《藍色生死戀》作為穩固韓（劇）流喺亞洲發展嘅一個里程碑，就係非常完美。
事隔多年，當初出演《藍色生死戀》嘅演員們都各有各發展，成為韓國一線演員。
呢套戲02年喺亞視播出嘅時候，都喺香港引起過熱潮。
經典韓劇：2. 冬季戀歌（藍色生死戀II）（겨울연가）
《冬季戀歌》喺藍色生死戀系列第二部曲。
呢套劇吸引咗好多遊客嚟韓國玩；同時，亦係裴勇俊進軍日本市場嘅關鍵作品。
《冬季戀歌》取景地之一嘅南怡島，到今時今日，都係韓國旅行必去嘅景點之一，幾乎每個嚟韓國嘅遊客，都一定會去過南怡島。
韓劇由原本只有年輕人鍾意嘅刻板印象，因為裴勇俊嘅角色設定，令佢成為一代「師奶殺手」，吸收唔同市場嘅觀眾。
裴勇俊更成為第一位喺香港杜莎夫人蠟像館設蠟像嘅韓星添！
經典韓劇：3. 天國的階梯（천국의 계단）
一句「誠俊哥」就一定可以勾起大家對《天國的階梯》嘅回憶。
《天國的階梯》2003年喺韓國播出，2004年被TVB賣起喺香港播出，引起全城熱議。
權相佑同崔智友等主演風頭更係一時無兩。
經典韓劇：4. 大長今（대장금）
韓國古裝劇嘅第一把交椅，莫過於喺香港掀起熱潮嘅《大長今》，好多因為呢套劇更認識到韓國傳統文化。
劇入面尚宮娘娘嘅造型，至今都係好多人對韓國嘅既定印象。
好多遊客嚟韓國都會去著韓服，體驗傳統韓國文化。
相信好多朋友都可憐過長今嘅身世，仲好緊張佢同閔大人嘅關係。
經典韓劇：5. 其他韓劇
當然經典韓劇唔係得咁少啦！呢啲韓劇作為起點，令香港電視台輸入更多唔同嘅韓劇。
到今日，韓劇喺香港更可以做到同步播出（或者當晚就有字幕）。
韓劇一再推陳出新，清新校園劇、喜劇、家庭劇，到驚悚劇、穿越劇等等，帶界觀眾新鮮感。
經典韓劇：浪漫滿屋
經典韓劇：開朗少女
經典韓劇：大話妹
經典韓劇：宮
經典韓劇：咖啡王子
喺呢啲經典韓劇播出嘅時候，大家都應該估唔到之後十幾年，韓國娛樂文化會影響全世界。
近年，越嚟越多韓劇爆紅，甚至韓劇嘅討論度仲高過本港電視劇。
《Sky Castle》、《鬼怪》等都成為好多人茶餘飯後嘅話題。
小編以前喺香港lunch time都會同同事一邊煲劇、一邊食飯。唔知大家又會唔會呢？
咁多位，我哋下次見。
✨馬上Follow我哋IG
instagram.com/creatrip.hk
| 其他延伸閱讀 | |
 韓國酒代言文化 |  韓劇收視排名 |
Powered by Froala Editor
