弘大證件相｜我們洞內照相館
拎證件相唔需要再遮住啦！「我們洞內照相館(弘大)」一齊嚟影返輯啦！
Hello，大家好，我哋係由韓國人每日提供最新韓國旅行資訊嘅Creatrip。
相信大家都知韓國出名影證件相靚，不過咁多間唔知去邊間嘅時候，小編會想同大家推薦弘大「我們洞內照相館」 ，雖然價錢貴少少，但影完絕對唔會後悔！有興趣嘅朋友就繼續睇落去啦！
弘大證件相「我們洞內照相館」資訊
- 地址：서울 마포구 양화로18안길 10 3F
- 營業時間：星期一至六10:00 - 19:30、星期日13:00 - 19:30
- 攝影時間：影完相後大約2小時可以去返鋪頭拎相
- 接受預約時間：可以嚟韓國1至2星期前預約，如果係臨時預約今日/聽日，我哋無辦法保證一定會預約成功。
弘大證件相「我們洞內照相館」推薦理由
- 提供妝髮服務，可以俾客人喺呢到化完妝再影一輯證件相！
- 鋪頭有常駐專業造型師，可以幫你設計一個適合你嘅髮型！
- 提供男士同女士恤衫，就算冇準備都可以喺現場免費借嚟影！
- 影完相之後可以同攝影師進行1對1修圖，絕對可以P到你想要嘅效果！
弘大證件相「我們洞內照相館」價錢
證件相 + 妝髮服務 （包化妝&髮型、1:1修圖） | ₩90,000 (90000) |
證件相 （唔包化妝&髮型） | [冇1:1修圖] ₩35,000 (35000) |
[有1:1修圖] ₩50,000 (50000) | |
個人形象照 + 妝髮服務 可以揀影半身或全身 哂4X6 inch1張 | ₩170,000 (170000) |
All-in-one拍攝服務 正面形象照（提供37種背景顏色電子檔案、沖晒1張5x7吋實體照+自選2張四季背景色相片） + 側面形象照（提供電子檔案、沖晒5x7吋相片） （包化妝&髮型、1:1修圖） | ₩250,000 (250000) |
額外沖哂10張相 （現場支付） | +₩20,000 (+20000) |
※所有相會用email send俾你。
※證件相數量以照片尺寸而定（可以喺現場揀想要嘅尺寸。）
-3X4（一般證件相Size）：10張
-3.5X4.5（護照Size）：8張
-4X5 : 6張
-5X7 : 4張
弘大證件相「我們洞內照相館」服務備註
- 免費提供：上衣、西裝外套、髮型工具。
- 拍照成果：會send證件相去你Email。
- 化妝檯： 現場準備嘅化妝品只提供俾揀化妝服務嘅客人使用，如果冇預約妝髮服務，要自己帶化妝品去。
弘大證件相「我們洞內照相館」注意事項
- 請至少提前2日預約。
- 如果想更改或取消預約，請喺體驗3日前改。
- 預約時支付費用只係基本價格，如果需要追加其他服務，需要額外支付費用。
- 如果想追加冲哂相，可以去到現場同職員講同支付費用。
- 請準時到達現場，如果遲到超過10分鐘預約會自動取消，而且唔會退款。
- 如果想更改人數，請取消再重新預約即可。
- 如果想更改預約日期或時間，請send email去到help@creatrip.com。
弘大證件相「我們洞內照相館」預約流程
- 撳我預約。
- 輸入預約相關資料、詳細資訊。
- 預約必須事先付款。
- 我哋會喺1-3個工作天內確認你嘅訂單。
- 付款前要更改，重新預約即可。
- 付款後想確認訂單可以撳我。
- 退改期限係預約日3日前。
- 請提前到達，向職員出示預約證明。
弘大證件相「我們洞內照相館」介紹
弘大嘅「我們洞內照相館」全面採取預約制，臨時去到嘅話有機會影唔到，所以大家可以先透過我哋預約。
另外呢到亦有提供專業妝髮服務，想影正式求職照、形象相都冇問題。
呢到有好多恤衫、西裝外套都係免費提供，男女都有，不過因為多數人都係只影上身，下半身嘅部分就冇咁齊全。
小編同朋友嚟弘大「我們洞內照相館」影證件相，想要著正式啲，所以就換咗套恤衫。
影相之前可以先睇片練習吓，等自己臉部肌肉可以放鬆啲。
化妝品都好齊全，而且擺放乾淨，唔使擔心衛生問題。重點係一邊仲配有色卡，專業彩妝師會按照適合你嘅顏色，幫你化妝。
梳妝台呢度有噴髮膠、直髮夾、風筒等等工具，就算冇預約髮型服務，都可以喺度自行打理。
呢到俾人感覺好舒服，飲水機、廁所都可以用。
小編嘅朋友準備好就直接上場，雖然有啲緊張，但攝影師會一直教大家，就算唔識韓文、英文，都可以完成拍攝。
如果攝影師覺得你嘅姿勢擺得唔自然，亦會直接過去幫你擺返好，係唔係好貼心呢？
影完之後就直接揀相，職員會先好快咁俾你睇哂影出嚟嘅相，最後揀幾張，然後再喺裡面揀張最好睇嘅。
揀一對一修圖方案，職員會直接即刻幫你修圖，但如果係其他方案，職員會同你講大概幾時可以返去拎。
小編最後影到一輯非常滿意嘅求職相，雖然唔可以當證件相用，但相信咁燦爛嘅笑容（？）一定會擄獲好多考官歡心。
呢度仲會將修完圖嘅檔案用Email send俾客人，所以一開始報到嘅時候，記住要講埋Email地址，千祈唔好俾錯阿！
小編嘅朋友都影咗輯唔錯嘅證件相，之後計畫去弘大嘅朋友，想影證件相，都可以考慮吓呢一間！
人像攝影參考圖
弘大證件相「我們洞內照相館」 前往方法
弘大入口站8號出口，轉彎到前面巷，喺第一個路口斜前左轉（左轉45度分岔路），搵到一間橙色嘅「＃노래방」，上3樓就到啦。
以上係弘大證件照「我們洞內照相館」嘅介紹，有任何問題請先詳閱呢篇文章。
如果睇完之後有任何問題，或者我哋語意、表示唔清嘅話，麻煩請send email告知，以方便我哋改進。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com