明洞美食 | 荒謬的生肉

Hello，大家好，我哋係由韓國人每日提供最新韓國旅行資訊嘅Creatrip。

當大家好肚餓，掛住shopping又就嚟用哂啲錢，但又想食五花肉放題嚟補充體力？唔使擔心，韓國燒肉放題「荒謬的生肉」幫到大家！相信呢間鋪頭應該好多人都知～ 而且今日要同大家宣布一個好消息，就係荒謬的生肉明洞店將會為Creatrip會員提供95折優惠！唔想錯過就要繼續睇落去啦！

荒謬的生肉優惠券｜撳我

明洞「荒謬的生肉」資訊

• 地址：서울 중구 명동4길 23 2F
• 營業時間：11:00 - 23:00

明洞「荒謬的生肉」推薦理由

• 「人生咁短，淨係食好食嘅肉都唔夠時間啦！」秉持住呢種精神，「荒謬的生肉」呢間連鎖燒肉放題店旨在提供優質豬肉，滿足各位顧客口味。
• 想食肉，但又覺得其他餐廳太貴，「荒謬的生肉」可以幫到你！
• 唔需要叫侍應幫你refill，自己去自助吧夾就得！
• 除咗燒肉，仲有各種韓國傳統料理可以叫嚟配住食！

明洞「荒謬的生肉」價錢

明洞「荒謬的生肉」注意事項

• 俾錢嘅時候向職員出示Creatrip優惠券，即可享有全單95折優惠。
• 唔需要事先預約。
• 有剩嘢食嘅話需要額外支付₩3,000環境保護費。
• 放題：無限提供五花肉同大醬湯，自助吧小菜亦都係無限量供應。
• 用餐時限係2小時。
• 如果用coupon嘅時候有任何疑問，可以send email到help@creatrip.com查詢。

明洞「荒謬的生肉」介紹

韓式燒肉係好好食，不過好多時候都有返咁上下價錢，對於旅行經費唔多嘅朋友嚟講唔太友好。今日小編帶大家嚟到「荒謬的生肉」！相信有嚟過韓國嘅朋友們都聽過呢間燒肉放題，甚至都有食過，而小編今日嚟到嘅係明洞分店，鋪頭位於大廈2樓，都有好多位，而且算闊落。

每張檯上面都已經準備好一碗大醬湯、麻油、夾同較剪。大家可以將隨身物品同褸放落櫈入面，咁就唔洗怕會索曬啲油煙味啦！

放題用餐時間係2個鐘，飲品需要另外叫。廁所喺3樓，大家如果有需要記住要上一層！

呢度最特別嘅地方係連肉都可以自己攞！平時想refill可能都要叫職員幫手，有時候仲會俾啲唔靚嘅肉你，嚟到明洞「荒謬的生肉」就唔會有呢個問題啦~ 自助吧有肉、蒜頭、包飯醬、泡菜（辛奇）、芽菜、其他蔬菜同匙羹，亦都有鹽、麻油、Wasabi等等嘅調味料。

提提大家，因為有剩嘢食嘅話需要額外支付₩3,000環境保護費，所以大家記住要食幾多攞幾多，唔好眼闊肚窄啊！

自助吧隔離會會有鐵盆，方便大家擺曬所有食材上去再攞返位。

每張檯側邊都有個櫃桶，入面有紙巾、濕紙巾同開瓶器。（匙羹可以喺自助吧攞！）

燒肉之前，老闆行埋嚟同我哋講話燒肉點Wasabi好好食，到底係唔係真㗎呢？

自助吧隔離亦都有部水機，大家可以攞側邊嘅水桶裝一支返位，咁就唔洗成日行出行入啦！

等啲肉燒熟嘅時間總係好漫長~

大家可以喺等嘅時候將蒜頭、泡菜同芽菜擺落有麻油嘅錫紙兜度燒。

燒嘅時候記住定時要翻吓面，如果唔係就會燶㗎啦！

五花肉放題 + 大醬湯 ₩16,800/人

擺喺烤盤中間嘅大醬湯都已經開始滾啦！叫一個放題就可以食到咁多嘢~

白飯 ₩1,000

菇類拼盤 ₩4,800

韓式蒸蛋 ₩4,800

辣拌冷麵 ₩6,800

另外加點嘅嘢食亦都陸陸續續送到！

鍾意食菇嘅小編即刻擺咗幾片上去，因為菇好快熟，所以燒嘅時候記住要翻得快啲啊！

所有嘢都煮熟曬啦~ 而家等小編教大家幾個燒肉最好食嘅配搭啦！

1. 五花肉 + 菇 + 泡菜

豬肉嘅香濃肉汁，加上菇嘅口感，真係冇得彈！仲有泡菜可以中和返冇咁膩~

2. 點鹽食

學韓國人話齋，想食到肉嘅原汁原味，每次第一嚿都應該淨係點鹽食！

3. 加少少Wasabi食

平時大家都應該淨係食壽司同刺身嘅時候先會落Wasabi，但原來Wasabi同燒肉都好夾，食落會冇咁漏！

4. 五花肉 + 泡菜

呢個係小編最鍾意嘅食法！超Juicy嘅五花肉配上清新脆口嘅泡菜，真係好正~ 如果大家未係好接受到泡菜嘅味，小編建議大家可以燒熟嚟食！泡菜燒熟之後會冇咗個陣特有嘅發酵味，而且會更加香口~

5. 配埋冷麵一齊食

呢個係韓國人食燒肉嘅時候必食嘅配搭！無論係水冷麵定辣拌冷麵，全部都同五花肉好夾。

上面所有配搭加埋飯一齊食會更加有飽足感！大家仲可以叫多個韓式蒸蛋食，真係超滿足~

明洞「荒謬的生肉」前往方法

喺明洞站（명동역）6號出口行出嚟，向左邊行。 

向前行大約200米。

喺第三個街口轉左。

向前行60米左右。

見到「荒謬的生肉」招牌之後，行入大廈，上到2樓就到啦！

點先可以享有明洞「荒謬的生肉」95折優惠呢？

現場消費Click下面網址下載Creatrip專屬優惠券，出示俾店員睇即可享有獨家優惠。

荒謬的生肉優惠券｜撳我

以上係明洞「荒謬的生肉」嘅介紹，有任何問題請先詳讀呢篇文章。

如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

  Facebook：Creatrip 帶你認識韓國每一面

 韓國代購

Mail：help@creatrip.com