韓國退稅總整理

Hello，大家好，我哋係由韓國人每日提供最新韓國旅行資訊嘅Creatrip。

嚟韓國Shopping緊係要大買特買，順便拎埋退稅優惠，但退稅方式有咁多種，究竟邊種先最抵、最方便、最啱自己呢？小編整理咗韓國退稅嘅方式俾大家參考。

1. 韓國免稅制度

*韓國退稅制度大致分為「免稅」同「退稅」。
*退稅有兩種方式：一種係買完嵐後出境前退稅，另一種係買完之後喺鋪頭直接退稅。

事前免稅制度

• 免徵消費稅、增值稅、個人消費稅、煙草消費稅及酒稅。
• 免稅店特點係可以用比較平嘅價錢，買到嚟自國外嘅商品。
• 呢啲鋪頭通常係喺樂天、新羅、新世界等大型百貨公司有，位於機場同鬧區，遊客出國時可以用比較平嘅價錢買入商品！
• 離境免稅購買限額：外國遊客最多可以買600美金。 （喺免稅店買嘅酒類、香水係另外計。）
  

事後退稅制度（#1 其他地方退稅）

• 只免徵增值稅及個人消費稅。 （唔包括關稅、煙草消費稅及酒稅。）
• 產品包咗稅，只要買超過指定金額，就可以退，一般情況下，去到退稅櫃檯出示收據（退稅單），就可以辦理退稅手續。

事後退稅制度（#2 現場退稅）

• 遊客喺可以退稅嘅舖頭入面消費指定金額，就可以即時喺現場退稅。

2. 免稅店（事前免稅）

Tip. 商品售價即無稅價格

免稅店（Duty Free）嘅稅其實就係物品進口嘅關稅。主要免稅店都分佈喺市區免稅百貨同機場，非常方便。

免稅購買限額

1) 喺免稅店，外國遊客最多可以買600美金。

2) 酒類同香水可以另計。

3) 400美金以下嘅1L酒類、200支煙、60ml香水唔包括喺600美金免稅限額內。

4) 如果喺海外或（市內、機場出發/到達）免稅店買超過600美金，超過嘅金額就要俾稅。

超過免稅限額產品申報

• 如果你帶超過免稅限額產品，自願申報將減免標準關稅 30%。
• 如果你唔申報之後被捉到，將根據「海關法」受到處罰。 （例如，多交高出40%一般稅，如果喺2年內捉到兩次或更多，額外再罰多60%等。）

3. 現場退稅

Tip. 俾錢嘅時候直接扣稅/俾完錢之後再俾返退稅嘅錢你（*需要準備護照*）

現場退稅規定

• 消費金額：一次性支付 ₩30,000至₩500,000（2020.04.01~）
• 韓國旅行期間，總消費金額低於₩2,000,000。

現場退稅方法

1. 喺Shopping之前先確認舖頭係唔係退稅商戶（部份超市、商場、百貨公司等）。
2. 該筆消費金額超過₩30,000、低於₩500,000，可以喺現場退稅，向職員出示護照，用免除消費稅嘅價格埋單，或者喺現場埋單後去服務台退稅。

現場退稅注意事項

• 如果入境後，買超過₩500,000～₩2,000,000，只可以去機場退稅。

有咩人符合現場退稅？

• 外國人（留喺韓國唔超過6個月）
• 海外同胞（喺外國生活2年以上/喺韓國住唔夠3個月）
  
• 喺韓國唔需要稅嘅人

4. 機場（市中心）退稅流程

Tip. 俾完錢之後，喺鋪頭/退稅機退稅

1) 退稅要準備嘅嘢

如果你想喺出境前退稅，必須向職員出示護照同拎退稅單。

出境前請保留鋪頭開嘅退稅單、收據、買完嘅產品（未開封或未用）同護照。

*建議要喺機場退稅嘅朋友早啲去到，咁樣就唔會同人逼。

2) 辦理登機手續同寄行李

喺辦理登機手續嘅時候，要退稅嘅產品一定要跟身，唔可以託運，如果要託運，一定要同航空公司人員講，之後佢哋會幫你喺行李箱上面貼一個標籤，你要將行李拖到報關區，等海關檢查完之後，先可以託運。

3) 用機場機器自助退稅

如果係退₩75,000以下，可以直接用機場機器自助退稅。

1. 喺機場機器自助退稅揀語言，之後scan護照同退稅單。

2. 如果產品唔需要經海關檢查，就可以直接拎錢。

如果用自助退稅機，收到要被海關檢查：

大多數情況下，大家都可以輕鬆用機器處理，但喺某啲條件下，可能會隨機要海關檢查。如果你被選中接受檢查，請喺機器對面嘅報關櫃檯出示護照、相關產品、收據同退稅單，然後拎海關出口確認印章。

4) 機場海關檢查後退稅（如果超過₩75,000以上）

退稅金額₩75,000或以上，以及持有韓國護照 (PM) ，同時喺國外居住2年或以上嘅遊客，需攜帶物品接受強制性海關檢查。

1. 請喺海關櫃檯出示護照、相關產品、收據同退稅單，然後拎確認印章。

2. 去到退稅櫃檯，拎返啱啱扱完海關確認章嘅退稅單，當場就可以拎返錢。

* 如果退稅位冇開，可以拎住扱完海關確認章嘅退稅單去退稅郵箱（리펀드 메일상자），只要之後開返，會將啲錢過返落你信用卡戶口。

5) 點先可以喺市內退稅？

退稅機器主要喺旅遊區，需要信用卡擔保，如果你係用現金俾，可以當場收返現金，但退稅金額（約1.5倍）暫時要用信用卡俾住先，不過大家唔需要太擔心，之後會自動退返俾你。

喺免稅鋪頭買完嘢之後，你會收到一張退稅單（환급전표）。

• 帶護照、退稅單、信用卡（信用卡），去到市區內人工/無人機器退。
• Global Tax Free情況下，買滿₩30,000萬以上₩5,000,000萬韓常以下，退稅單可以喺市內退。
• Global Blue退款限額為₩390,000。
• 只有市內部地方有。
• 退稅證明必須喺機場出示（出境時需向海關出示所購物品、退稅單、護照等進行確認）。
• 需要一張信用卡作為退稅擔保。
• 必須喺收到退稅後3星期內離開韓國。
• 因為退稅都有分幾款，假設如果喺市區收到嘅退稅單係global tax free ，只可以用返global tax free 嘅機到退稅，但機場就唔會有特別分，一次過退哂唔同款稅單都得。

另外提提大家，最好將稅單一直keep到上機之前。

5. 仁川機場退稅位置

仁川機場T1 3F

退稅位置：免稅區28號門附近，一般區B、E、J、L附近，3樓大堂中央。

1) Check In附近會有Kiosk機器（近B、E、J、L），你可以喺嗰度scan護照同等需唔需要報關。

2) 如果退稅產品超過₩75,000以上，Kiosk機會顯示需要海關檢查，請去到對面或隔離海關申報櫃檯，海關確認完之後就可以託運行李。

3) 檢查完之後，可以喺28號登機口退稅區退稅。

* ₩75,000以上手提行李，經檢查後喺28號登機口進行海關檢查同退稅。

仁川機場T2 3F

位置：Check In D、E附近、免稅區253、250同249號登機口附近

1) Check In附近會有Kiosk機器（近D、E），你可以喺嗰度scan護照同等需唔需要報關。

2) 如果退稅產品超過₩75,000以上，Kiosk機會顯示需要海關檢查，請去到對面海關申報櫃檯，海關確認完之後就可以託運行李。

3) 檢查完之後，可以喺249號登機口對面/253機口附近退稅區退稅。

*₩75,000以上手提行李，經檢查後喺免稅區域進行海關檢查同退稅。

6. 其他疑問

1) 仁川之外其他退稅位置（金浦、金海、濟州）

• 金浦機場： 2F Gate 1、2、3 / 2F 樂天免稅店前
• 金海機場： 2F B26櫃檯
• 濟州機場： 3F Gate 5

2) 市內退款櫃檯位置

因為太多小編無辦逐一介紹，建議喺可以退稅嘅鋪頭問職員，如果去百貨公司免稅店，大部份都會有機器可以退。

3) 可以拎到幾多稅？

退稅金額多數係睇清費咗幾多，韓國附加稅大部分係10%，但如果扣除退稅機構服務費嘅話，大概可以拎返4-7%稅。服務費可能會因退稅機構、產品或數量而有唔同，建議喺退稅櫃檯或問職員。

4) 點先可以退錢？

退稅嘅錢除咗可以換韓幣之外，仲可以換其他國家，大家可以揀返要港幣，不過收到嘅錢會再少啲啲，有啲機除咗現金，仲可以入返落卡，大家可以參考吓。

• Global Blue : 支付寶、銀聯、銀行轉帳、 Paypal、mastercard、 VISA、American express、 JCB
• Global tax free : 現金、韓國境外發行嘅卡（銀聯、VISA、MASTER、JCB)、支付寶、WeChat、QQ等

7. 總結

免稅店（Duty Free）

• 必須出示護照。
• 因為產品本身係免稅，所以唔使再另外退。
• 買嘅時候記住要check吓總額有冇超過要申報嘅金額。

• 喺鋪頭拎退稅單同收據
• 市內退稅機上申請退稅（需要信用卡擔保）
• 必須喺機場出示退稅證明
  

3) 機場退稅（護照、未用嘅產品、退稅單同收據）

• 請先去Check In櫃檯附近嘅Kiosk檢查需唔需要報關。
• 如果唔使接受海關檢查，可以直接去免稅區退稅，如果要接受海關檢查，請去對面報關櫃檯檢查後過安檢。
• 喺辦理登機手續嘅時候，要退稅嘅產品一定要跟身，唔可以託運，如果要託運，一定要同航空公司人員講，之後佢哋會幫你喺行李箱上面貼一個標籤，你要將行李拖到報關區，等海關檢查完之後，先可以託運。
  
  

韓國代購