地獄朝鮮嘅由來
韓國冇任何希望？東亞失業率最高！韓國年輕人講嘅「地獄朝鮮」一詞由來
- 地獄朝鮮嘅意思
- 地獄朝鮮嘅背景
- 附有網站連結的網頁搜尋
- 地獄朝鮮：讓人難以堅持嘅社會氣氛
- 地獄朝鮮：政治上無能
- 地獄朝鮮：想逃離地獄嘅人
Hello，大家好，我哋係由韓國人每日提供最新韓國旅行資訊嘅Creatrip。
關心開韓國文化嘅朋友，應該會見過「地獄朝鮮（헬조선）」呢種字眼。地獄朝鮮（헬조선）係2015年發展嘅網路新單字，即使經過咗好幾年，仲有好多人用呢個字。究竟點建韓國年輕人會咁樣稱呼自己嘅國家呢？等小編解釋畀大家聽啦！
地獄朝鮮嘅意思
地獄朝鮮（헬조선）呢個字，係將地獄嘅英文「HELL」同朝鮮結合而成嘅新單字，意指韓國係一個如同地獄、一啲希望都冇嘅社會。
對於年輕人而言，唔單止就業越嚟越困難，就業之後，又要為咗生存而不斷同人競爭。
地獄朝鮮一詞，就係喺呢啲負面、反社會情緒下誕生。
어쩌다 어른
咁點解唔係用地獄南韓、地獄韓國？而係用朝鮮呢？
意思係即使喺朝鮮時代，世宗大王都會畀勞動者休息，比依家嘅韓國勞工福祉更好，所以先會話依家嘅南韓不如朝鮮時代，而有「地獄朝鮮（헬조선）」呢個字。
地獄朝鮮嘅背景
www.mk.co.kr
大韓民國建立至今，正經歷緊70年以嚟最嚴重嘅就業低潮，以前只要認真讀書就可以入大學、搵好工，但依家，即使喺韓國頂尖大學畢業，都唔一定可以搵到工作。
20代青年失業率喺2018年達9.5%，而2019年4月嘅全韓平均失業率，更係有紀錄嘅19年以嚟新高，達4.4%。
뉴스1
對比2019年4月嘅香港失業率2.8%、台灣3.67%、日本2.6%，南韓係東亞已開發地區入面，全國失業率唯一破4嘅經濟體。
뉴스1
韓國有一種講法，就係如果想就業就要具備九種能力（九種文憑）：
學歷同學分、TOEIC成績、遊學經歷、資格證書、展覽獲獎、實習經驗、義工活動、整容。
搜尋結果
附有網站連結的網頁搜尋
即使順利就業，都會因為僧多粥少，好多企業都會抱住「冇咗你都唔緊要，反正可以代替你嘅人大把啦」嘅心態。
老闆將員工當成廉價品看待，如果員工覺得人工太少或者太多嘢做提出異議，大多數嘅企業都係「咁你走啦」嘅反應。
即使好唔容易搵到份工，都唔似父母嘅時代咁，可以有安定嘅未來，反而等待喺面前嘅係無窮無盡嘅競爭。
為咗繼續工作，就必須將身邊嘅同事睇做敵人，不斷嘅競爭……
地獄朝鮮：讓人難以堅持嘅社會氣氛
asiatime
依家20、30代嘅韓國年輕人因為沉重嘅壓力，而不得不放棄戀愛、結婚同生仔，被稱為「三棄世代」。
如果連人際關係同買樓都放棄，稱為「五棄世代」；就業同希望都放棄嘅「七棄世代」；健康同學業放棄嘅「九棄世代」，甚至仲有全部都放棄嘅「全棄世代」、「n棄世代」。
한성원
韓國年輕人已經非常努力，但因為依家社會嘅中堅分子（40至60歲）冇經歷過咁嘅就業困難，佢哋認為年輕人之所以搵唔到工，係因為唔夠努力、唔夠堅持，所以會出現批評呢啲中老年人嘅詞「努～力（노오력：將努力嘅努拉長嚟讀）」。
點解年輕人會將佢哋嘅忠告，嘲諷成「努～力」呢？
因為佢哋並冇考慮到具體嘅問題、社會上嘅問題，淨係將所有問題推去個人有冇努力，好似用三言兩語就去否定年輕人一樣。
另外，仲有一句叫做「喺地獄朝鮮必須要遇到啱嘅父母先可以成功」。
正如同金湯匙同泥湯匙兩個字嘅意思一樣：
金湯匙指父母富裕、地位高，決定子女嘅社會地位一樣高；泥湯匙就係相對低嘅社經地位。
批判老一輩世代嘅字「努～力」都蘊含住，即使再努力，都唔夠贏在起跑線上面嘅人嚟。
地獄朝鮮：政治上無能
另外，韓國政府喺政治方面嘅無能，都係導致地獄朝鮮出現嘅原因之一。
韓國年輕人成日話「呢個算係國家咩？」
呢啲直接又激進嘅說話，可以知道韓國人對政府有幾失望。
世越號、MERS事件、北韓挑釁、崔順實閨蜜門、官商勾結、財閥治國，有背景嘅人永遠唔會受懲罰……
政府喺國家緊急事件中所展現嘅無能，令當時嘅年輕人對政府嘅信任跌到谷底。
YTN
2016年震驚全球新聞，相信大家記憶猶新，總統竟然係被一個中年女人操縱。
韓國人嘅反應都係「韓國民主主義冇啦」、「身為韓國人真丟架」等等。
呢種社會風氣，令當時嘅年輕人唔再信任政府，對未來嘅悲觀想法揮之不去。
地獄朝鮮：想逃離地獄嘅人
chosun
為咗逃出地獄朝鮮，有好多年輕人開始計劃要移民去國外。
依家網路資訊發達，所以好多韓國年輕人由細接觸外國資訊，將韓國同其他先進國家嘅福利政策比較之後，先開始有想逃離韓國嘅諗法。
之前韓國有一本好暢銷嘅書《因為討厭韓國（한국이 싫어서）》，當時呢本書登上熱銷排行榜，係因為書入面嘅一段說話：
「我之所以覺得唔可以喺呢度生活落去嘅原因
係我真係一個喺韓國一啲競爭力都冇嘅人
就好似就嚟絕種嘅動物一樣
怕凍，唔願賭上性命去做啲咩
又冇繼承到啲咩
咁樣嘅我，竟然仲奢求呢啲嘢：
工作地點要離屋企近、
屋企附近要有公共便利設施、
所做喺工作要可以實現自我……」
張康明《因為討厭韓國》
說實話，身為韓國人嘅小編都深深體會到「地獄朝鮮」，亦有過要移民嘅諗法。
但係小編都知道，想移民嘅韓國人並唔係去咗北歐，就可以過一個完美嘅人生。
brunch.co.kr
生活喺地獄一樣嘅韓國，小編有時候真係會因為迷惘同憤怒大叫⋯⋯
JTBC
今日介紹咗地獄朝鮮（헬조선）嘅意義同背景畀大家，或者大家睇完可能會有啲難過，但係小編真係將韓國現況赤裸裸咁話咗畀大家知。
現實雖然到依家都冇大長進，但至少小編相信，仲有好多韓國年輕人同我一樣，努力緊、想變更好。
如果有更多想知嘅內容，都可以隨時留言或者dm話俾我哋知：）
Instagram：creatrip.hk