Hello，大家好，我哋係由韓國人每日提供最新韓國旅行資訊嘅Creatrip。

LUCAS（黃旭熙）係NCT其中一位成員，亦係第一位喺SM娛樂出道嘅香港人，不過佢喺早前就被前女友爆料話：「佢同我一齊，只係呃我感情同錢！」

NCT LUCAS被前女友爆料

喺尋日（23號），有一名女網友A喺Twitter度公開自己同Lucas嘅對話，佢講到：「過去我同Lucas都拍咗拖好一段時間，一開始係佢對我先有好感，再問我拎電話，之後我哋就一齊咗。」 不過佢突然因為行程忙同攰而話要分手，但問題由呢一刻先係正式開始。

去到第二日網友A因為仲有啲掛住Lucas，所以就話想同繼續做朋友，點知由嗰一刻只要Lucas一休息就會約佢去酒店，或者直接會搵上門。拍拖嘅費用主要都係由網友A出，甚至Lucas仲會叫佢買煙，如果冇買到仲會話：「點解你唔買返嚟？仲話自己因為係藝人唔可以亂出去，如果碌卡就會比經理人發現。」

一開始網友A都會買啲貴重物品俾Lucas，Lucas亦都講到：「因為多謝你嘅好意所以我先會戴，不過如果之後你唔係送房或者車俾我，咁就唔好再送啦。」

另外網友A仲有講到，Lucau會將自己想去嘅酒店叫網友A預約，去到嘅時候都會用Room service叫嘢食，瞓完之後就走，由check out嗰一刻開始就會斷聯絡。

網友A講到曾經喺一個月前向Lucas講話會告佢，點知Lucas即刻玩潛水，轉電話號碼同退出Kakao。

呢一件事被爆之後，目前SM未有任何回覆。

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購