劉在錫離開FNC轉投Kakao娛樂
（7月14號更新）國民MC劉在錫離開合作6年嘅FNC，決定簽Kakao旗下Antenna！
Hello，大家好，我哋係由韓國人每日提供最新韓國旅行資訊嘅Creatrip。
（7月14號更新）
7月14號，Antenna發表聲明，確定同國民MC劉在錫簽定專屬合約。劉在錫表示「能夠同認識多年嘅好朋友一齊合作，感到非常激動同高興」，「希望大家期待一起展開有趣嘅事」。
柳喜烈擔任代表嘅Antenna旗下有鄭在炯、Toy、曹允錫(Lucid Fall)、Peppertones、鄭承煥、權珍雅、Sam Kim、鄭宰沅等作曲、製作人、主唱等實力派音樂家，呢次係Antenna首次出現音樂以外領域嘅藝人。 隨着劉在錫嘅加入，各藝人更加積極參與企劃，為擴展各個領域打下基礎，喺音樂和綜藝兩方面展現協同效應。 同時，為咗能令擁有多種才能嘅藝人盡情發揮自己嘅力量，Antenna會積極給予支援。
劉在錫離開FNC轉投Kakao娛樂
國民MC劉在錫同FNC合約即將結束，有望轉投Kakao娛樂，佢嘅巨額身價瞬間成為熱門話題。
劉在錫同合作咗6年嘅FNC娛樂公司專屬合約將會喺今個月15號到期。FNC 娛樂方面表示：「經過討論之後，尊重劉在錫希望挑戰新事業嘅意願，將會結束兩者之間嘅經紀業務，並互相支持對方日後嘅發展」，「合作呢6年裏面，劉在錫同本公司一齊並肩作戰，本公司對此表示感謝」。
長時間以1人經紀公司獨立工作嘅劉在錫，因為好友宋恩伊嘅關係，喺2015年7月同FNC娛樂公司簽訂咗專屬合約。 3年後嘅2018年7月，兩人再次續約，共事咗6年。
據悉，即將離開FNC嘅劉在錫唔係再次以個人身份獨立工作，而係同其他經紀公司簽訂專屬合約。特別受關注嘅係同Kakao 娛樂旗下嘅公司接觸過，有傳就係同劉在石關係密切嘅藝人柳喜烈、鄭在炯等所屬嘅Antenna音樂。事實被公開之後，瞬間成為熱話。不過Antenna Music方面對此態度相當謹慎，只表示：「雖然同劉在錫討論過，但而家仲未有任何定論」。
即將轉投其他經紀公司嘅劉在錫估計身價100億韓元（約HKD7千萬）。 演藝界相關人士表示，劉在錫喺韓國綜藝界係表表者，10多年嚟一直保持住最佳藝人嘅地位，所以佢嘅身價完全值100億。 尤其係2015年劉在錫同FNC娛樂公司簽訂專屬合約嘅消息一傳出，資金就由股市湧向FNC娛樂公司。 當時FNC娛樂喺傳出劉在石加入嘅消息後，只係半日就賺咗780億韓元（約HKD5億4千萬）。
Kakao娛樂通過娛樂行業嘅積極投資，逐漸成為業界龍頭，預計「綜藝第一人」劉在錫嘅加入，會產生更大嘅影響。
如果有更多想知嘅內容，都可以隨時留言或者dm話俾我哋知：）
Instagram：creatrip.hk