盤點《我的上流世界》女主角超高貴服裝
睇緊劇定睇緊fashion show？一齊嚟睇金瑞亨同李寶英喺《我的上流世界》著嘅服裝啦！
Hello，大家好，我哋係由韓國人每日提供最新韓國旅行資訊嘅Creatrip。
啱啱播完嘅韓劇《我的上流世界》，嫁入豪門嘅兩位女主角各有各故事，展示咗上流社會嘅生活，劇中女主角嘅服裝更加似係睇緊fashion show，連BLACKPINK Lisa 都係呢套劇嘅忠實fans。今日小編就為大家盤點劇入面兩位角色嘅服裝搭配啦！
盤點《我的上流世界》女主角超高貴服裝
1. 金瑞亨
金瑞亨飾演韓家嘅大新抱鄭瑞賢，掌握重權，照顧屋企所有大小事務。同樣豪門出身，天生貴氣，知性有品味，背後隱藏住婚姻唔幸福啲痛苦。佢以黑色短髮、高貴嘅裝束，展示堅強、強悍嘅女性形象， 金瑞亨喺劇中嘅時尚風格大體有以下幾點：
1. 厚肩墊
DINT
就咁睇金瑞亨劇中著嘅主要係黑色、灰色、炭綠色，偏向中性，令佢睇起嚟簡單、優雅得嚟又有種有power嘅感覺，好符合角色嘅形象。
(左）Alexander McQueen ，（右）BAU by Bride And You
金瑞亨好多套裝嘅膊頭位都有pad，帶嚟幾分經典、復古感，同時又顯得高貴。 呢種大肩墊嘅襯衫可以修飾身型單薄嘅人，如同本身骨架都大嘅人就唔係咁啱啦！！
2. 中性西裝
（左）DINT，（右）Low Classic
黑色短髮，搭配一身型格西裝，金瑞亨被稱為「元帥」，唔少女仔都俾呢種型爆嘅style攻陷。
現實生活中，金瑞亨都成日著西裝，好多人都話呢位姐姐有種無分性別嘅美，超有氣場，令大家心動。 無論係返工，定係出席活動，都可以學金瑞亨咁著套裝，成個人即時Pro咗。
3. 獨特領口嘅恤衫/連身裙
劇中嘅金瑞亨又唔係日日都係沉色嘅衫，偶爾都有轉換到style，著一啲比較鮮色嘅服裝。
EENK
細心睇，佢著嘅連身裙同恤衫嘅領口都好特別，有一種又復古又奢華嘅感覺。 呢種襯衫返工，或者出街約會都著得！
4. 真絲連身裙
講到奢華，一定唔少得用真絲製成嘅單品，手感柔軟，著起上嚟又高貴又女性化。
（左）MAX MARA ，（右）Ports 1961
不過有個缺點就係著真絲比較顯身型，所以可以揀稍微闊身一點嘅款式，又可以參考唔會咁光嘅質地。 無光質地比絲綢厚身，所以可以收埋啲鬼鼠肉！
李寶英
李寶英喺劇中飾演二新抱徐熙秀，同金瑞亨一樣，佢嘅衣櫃入面全部都係名牌，不過風格就同金瑞亨完全唔一樣！
1. 顏色鮮豔
（左）Valentino，（右）Loewe
對比起大新抱金瑞亨嘅深色中性服裝，李寶英嘅衫顏色鮮豔得多。
ALEX PERTY
家庭聚會上，個個都著黑色，只有身為二新抱嘅佢著鮮橙色，超突出！
2. 圖案花巧
（右）Valentino
另一個特點係，李寶英好多恤衫同裙雖然唔同質地，但一樣好浮誇！
（右）SOONIL
（左）Gucci，（中）ETRO，（右）Gucci
圖案花巧，但以長款仿古風格設計，令李寶英顯得更優雅。好似呢種連腰帶嘅長裙喺韓國很有人氣！都好啱著返工！
3. 可愛風套裝
需要顯得強朗嘅時候，李寶英都著西裝外套，但入面嘅配搭就同金瑞亨好唔一樣，淨色嘅外套，入面仍然堅持相當花巧嘅連身裙，或者頸巾。
恤衫：CHLOÉ
又或者係黑色西裝褸，再搭大荷花領嘅恤衫，俾人一種青春可愛嘅感覺。
（左）Dior，（右）FENDI
又或者係V領嘅套裝裙，搭配喇叭袖，喇叭下身嘅設計嚟增加女人味，正式得嚟又唔會太拘謹！
今次韓劇《我的上流社會》嘅服裝啱唔啱大家？覺得太浮誇，太高級？其實好多韓劇都有唔少靚靚嘅OL裝，大家可以撳入下面link參考！
如果有更多想知嘅內容，都可以隨時留言或者dm話俾我哋知：）
Instagram：creatrip.hk