丹陽「大蒜牛肉餅」介紹
丹陽必食「大蒜牛肉餅」，真係食過番尋味！
Hello，大家好，我哋係由韓國人每日提供最新韓國旅行資訊嘅Creatrip。
丹陽係一個出名食大蒜嘅地方，嚟度呢到幾乎每一間餐廳都可以食到大蒜嘅料理，今日小編想同大家介紹呢間喺韓國超出名嘅「大蒜牛肉餅」店，如果平身都鍾意食牛同大蒜嘅朋友，咁就更加一定唔可以錯過啦！
丹陽「大蒜牛肉餅」介紹
地址：충북 단양군 단양읍 삼봉로 172
營業時間：平日 11:30 - 21:00 （15:30 - 17:30 Break Time ）、星期六 11:30 - 21:00 、星期日 11:30 - 20:00 (Break Time 15:30 - 17:30 不過週末有可能會變動）
小Tips：由丹陽站搭巴士（단양역-구인사），喺상진4리 주공아파트입구落車，行1分鐘就會到。
如果係要食牛肉餅，至少要叫2人份起。
呢度最大賣點唔單止係因為美食出名，就連個景都令人忍唔住不斷讚嘆，因為等Break Time完，呢度17:30先會再開門，喺呢個時候好推薦大家可以揀坐窗邊位，因為可以邊食美食，邊欣賞景色。
一入去會覺得同汗蒸幕有啲似？大家要擺鞋喺Locker，之後keep好條鎖匙就可以。
如果多人，大家記得要拎定飛，機器上面有得揀語言，大家嚟度亦唔怕睇唔明。
入口放咗梅子茶，大家如果等嘅期間好肚餓，都可以飲定少少打定底。
呢度主要分咗兩個區，一個係坐地式，另一邊就係坐櫈，大家可以揀舒服嘅一邊嚟坐。（不過坐地下嗰邊望個景會靚啲）
當日小編同朋友就叫咗大蒜牛肉餅＋水冷麵餐（必須叫2人份起，Menu為一人價錢），因為係即叫即整，所以等嘅時間都會比較耐，呢度有個特別位係可以揀自己燒定係廚師燒，因為小編都怕燒得唔好，所以就揀咗由廚師幫我哋燒。
份量真係超多，除咗有肉之外，我哋套餐因為有兩個麵，所以就揀咗一個水冷麵同一個辣拌麵。
丹陽出名食蒜，所以食肉嘅時候一定要夾埋一齊食！
大蒜牛肉餅（마늘떡갈비）
呢度嘅肉好大粒，而且好嫩，食嘅時候會覺得好Juicy。
如果大家同小編一樣都係偏向鍾意食再重口味啲嘅話，可以再用生菜包肉同大蒜，成口都係大蒜真係好幸福
水冷麵 (물냉면)
韓國人好鍾意食肉嘅時候，仲會食水冷麵，因為佢哋覺得可以解膩，如果食辣肉仲可以有效解辣添！
辣拌麵 (비빔냉면)
呢個辣拌麵唔算好辣，不過就有種魔力令人食完一啖又一啖。
如果都係覺得唔夠，可以再加支米酒（馬格利） ，望住咁靚嘅景色，真係一大享受。
雖然價錢相對係貴咗少少，不過去到咁遠可以去到食真係好值得！
如果有更多想知嘅內容，都可以隨時留言或者dm話俾我哋知：）
Instagram：creatrip.hk