丹陽「玫瑰隧道」介紹
嚟丹陽唔可以錯過啲玫瑰隧道，有花有山有水，一定影到靚相！
Hello，大家好，我哋係由韓國人每日提供最新韓國旅行資訊嘅Creatrip。
丹陽係韓國嘅自然美景旅遊勝地之一，喺首爾搭 KTX只需要1個鐘20分鐘，好適合一日遊。嗰度有一個玫瑰隧道，係一個超迷人嘅地方，超推大家去！
丹陽「玫瑰隧道」介紹
地址： 충북 단양군 단양읍 도전리
小Tips：喺丹陽站搭巴士（당동-대교)，喺상진4리.주공아파트입구落車，行1分鐘就到，或者可以坐的士去，價錢大約係4,800 won（約HKD33）。
Chungbuk
體驗完滑翔傘同去完CAFE SANN咖啡館之後，小編嚟到玫瑰隧道，呢度係丹陽好出名嘅河濱長廊。
呢個係玫瑰隧道嘅入口，除咗呢個入口，其實仲有好多入口都可以入到去。呢條河濱長廊喺1997年起，長1.2km，其中包括長約0.4km嘅玫瑰隧道。 雖然話係隧道，但其實係喺地面。每年六月頭呢度都會有慶典，但今年可能因為COVID-19而取消。
Chosun
Danyang
5月底至6月初，玫瑰就會盛開，長長嘅隧道，兩邊都係開到好燦爛嘅玫瑰，相當浪漫，大家係咪都想即刻買機票飛嚟呢度呢？
好可惜，小編去嘅時候係5月初，所以仲未開花，但係呢度嘅山川景色都好迷人，就算冇玫瑰都好靚。
行行吓發現有一朵早開嘅玫瑰，可能佢知小編特登嚟睇玫瑰，佢就早啲開花來安慰吓小編嘅小小心靈
沿住條路咁行，旁邊有個湖，晏晝嘅時候，陽光倒影喺湖面上，個景真係令人心醉，求其喺一個角落度影都可以影到超靚嘅相。
係咪覺得好寫意呢？哈哈
有圖有真相，啲相唔使加filter，都可以直接up上ig，嚟呢度影相，張張都可以係大師級作品～
雖然睇唔到玫瑰有啲遺憾，但係行行吓，見到呢一片黃色嘅油菜花，真係嘩咗出嚟！ 如果大家咁唔好彩睇唔到玫瑰，油菜花一樣咁賞心悅目！
黃色嘅油菜花同山河連埋一齊，俾陽光照射下，就好似一幅山水畫咁！ 小編都忍唔住喺呢度影左好多張相，實在太靚啦！
睇起嚟仲以為自己去咗濟洲島添！原來呢度係上年2020年11月種嘅油菜花田，今年5月第一次開花，睇見咁靚嘅景，填補返因為COVID-19冇得去旅行嘅空虛！
大家嚟丹陽玩嘅話，千祈唔好錯過呢條玫瑰隧道啊！揀啱時間，唔單只睇到玫瑰，仲睇到金黃色嘅油菜花添！
如果有更多想知嘅內容，都可以隨時留言或者dm話俾我哋知：）
Instagram：creatrip.hk