河南「渼沙里醋雞湯麵」介紹
河南「渼沙里醋雞湯麵」介紹，就連東方神起號昌珉同EXO嘅伯賢都係佢哋嘅常客？
김화나
4 years ago
Hello，大家好，我哋係由韓國人每日提供最新韓國旅行資訊嘅Creatrip。
「渼沙里醋雞湯麵」係一間連鎖店，佢好食程度係有超多韓國名人都鍾意食，今次小編嚟度佢哋嘅總店試食，就睇下點解佢會咁出名！
河南「渼沙里醋雞湯麵」介紹
地址： 경기 하남시 미사대로 680
營業時間：毎日10:00 - 21:00
小Tips：由河南豊山站2號出口，行大約15分鐘左右
雖然由地鐵站行過去唔算好近，不過為咗食到好西，行耐少少小編都覺得係值得㗎！只係睇外觀會覺得佢好似一個城堡咁，而且睇落都幾大。
呢度有兩層，一入到去已經見到坐滿唔少客人。
當日小編都好好彩，唔需要等好耐就有位。
唔知係咪因為出面外觀睇落似城堡，就連入面嘅裝修，牆紙都比較西式。
雖然Menu唔算話有好多，不過就每款都超出名（提提大家，呢度嘅季節Menu，只有9月尾至3月尾有提供，如果想試嘅朋友就要計啱時間啦！）
雞湯麵（닭칼국수）9,000won
呢個雞湯麵果然係名不虛傳！佢嘅湯底係好濃郁嘅雞湯，而且仲有半隻雞，相當之吸引 一啖湯一啖麵，再加少少雞肉一齊食，呢個組合完全係冇得輸！
呢度嘅雞肉超滑，好似有種入口即融嘅感覺，而家諗返起都好想再食
醋雞拌麵 (초계비빔국수）9,000won
呢個醋雞拌麵 (초계비빔국수)甜甜地得嚟又辣辣地（唔會好辣），小編見到隔離檯小朋友都有叫嚟食，食得相當惹味！
小編覺得整體嚟講份量都多，價錢合理，而且真係好好食，就連東方神起號昌珉同EXO嘅伯賢都係佢哋嘅常客！如果大家都有興趣就要嚟試下啦！
如果大家覺得河南相對比較遠，之後嚟可以喺首爾試食先，因為首爾都有好多分店。
如果有更多想知嘅內容，都可以隨時留言或者dm話俾我哋知：）
Instagram：creatrip.hk