韓國流行嘅減肥產品
邊個話減肥食品就一定唔好食！一齊嚟睇吓韓國呢啲出名又好食嘅減肥食品啦！
Hello，大家好，我哋係由韓國人每日提供最新韓國旅行資訊嘅Creatrip。
最近韓國都慢慢熱番好多，姐係代表減肥嘅季節又到啦！相信唔少人都喺疫情之後食大咗好多啦？😥 不過都唔使咁擔心，因為只要同韓國好食又健康嘅減肥食品一齊減嘅話，唔忍口都可以成功減肥！今日就同大家介紹吓一啲喺韓國人之間好流行嘅減肥食品啦😁，有興趣嘅話搵我哋代購嘅話仲可以平過出面買到添！😍咁以下就即刻同大家介紹啦！🏃♀️🏃♂️
韓國流行嘅減肥產品
1. TEAZEN 康普茶（莓果／柚子）
價錢 : 7,000 won（10包裝）
BTS柾國講過鐘意嘅飲品就係呢個TEAZEN康普茶啦。
柾國2月尾喺V LIVE上面一講完自己飲緊呢款產品之後，3日就令到佢斷哂貨！
康普茶係抽取綠茶或紅茶之後發酵嘅飲品，包含12種乳酸菌同益生菌，所以係健康嘅飲品嚟，味道酸酸甜甜，飲落仲有啲汽添。
康普茶嘅功效有兩種：一係因為過度減肥而免疫力下降嘅時候，有效增強免疫力！二係因為有12種乳酸菌同益生菌，所以有效消化同排出體內毒素，對減肥有好大幫助。
飲用方法都好簡單！只要將康普茶嘅粉末倒入250ml左右嘅水入面攪勻就ok啦！拎一包粉同保溫杯就可以帶出街，真係好方便。水嘅溫度可以睇每個人嘅喜好而決定，只不過當水越凍，汽水嘅碳酸感覺就越突出，大家可以留意番！
小編試咗柚子味同莓果味！佢嘅柚子味一啲都唔人工味，同平時喺cafe飲到嘅柚子汽水差唔多味，小編好驚訝佢陣味竟然可以咁自然！至於莓果味，入面包括咗藍莓、蔓越莓同覆盆子等等8種唔同嘅莓果，所以真係feel到嗰陣酸甜嘅果香味！
兩款口味都冇砂糖嘅人造甜味，但都有好濃嘅生果甜味，真係冇諗過佢嘅糖份竟然得0g！
加上佢一杯只係15卡路里，真係啱哂啲減緊肥又想飲甜嘢嘅人，有興趣嘅話好值得一試！
2. DANO SHOP 炒年糕 (辣醬味/炸醬味)
價錢 : 3,000 won
對於韓國嘅減肥人士嚟講，最邪惡嘅食物就一定係炒年糕啦，相信大家都食過。又甜又鹹嘅辣炒年糕係好好食，但最大缺點就係卡路里非常高啦😭。
只不過當DANO SHOP出咗炒年糕之後，就算係好鐘意食年糕嘅減肥人士都可以冇負擔咁食啦！DANO SHOP嘅炒年糕唔單只係得0g糖份同0.9g嘅脂肪，甚至仲包含好多膳食纖維同蛋白質㗎! 咁健康嘅炒年糕又點可以唔試？
打開炒年糕之後，就會見到用玄米整嘅年糕、調味粉同為環境著想嘅紙製匙羹添。
首先將年糕同調味粉都倒入杯裡面，之後將水倒到標示線。
再放入微波爐叮三分鐘就完成啦！
第一個試嘅係辣醬味，係一般大家所知道嗰種辣炒年糕味。老實講因為係減肥食品，所以其實小編都冇好期待會有幾好食，但一食落真係好有驚喜！
因為年糕真係同平時食開嘅一樣咁彈牙同軟熟，加上個醬汁都甜甜辣辣咁，真係同平時嘅炒年糕好似! 完全食到辣椒粉、洋蔥、大蔥同高麗菜等等食材天然嘅味道，係好適合減肥食嘅炒年糕！
第二個試嘅係炸醬炒年糕，佢甜甜地唔辣，食唔到辣嘅話好推薦大家食呢個。
小編覺得炸醬味好食過辣味！或者係因為鐘意食甜甜地嘅炒年糕，所以真係覺得呢個炸醬味好好食。
減緊肥又好想食啲彈牙嘅年糕同刺激味蕾嘅食物嘅話，真係非常推薦DANO SHOP嘅呢款辣醬炒年糕同炸醬炒年糕！
3. 無麵粉低卡蒟蒻麵（綠茶拌麵／海鮮炒麵）
價錢: 2,900 won（綠茶拌麵）、3,200 won (海洋炒麵)
呢個包裝咁可愛嘅減肥食品就係無麵粉低卡蒟蒻麵啦! 本身麵含有高碳水化合物、高卡路里同高鈉，係減肥嘅時候最大嘅敵人，所以非常推薦好鐘意食麵嘅朋友喺減肥嘅時候食呢種蒟蒻麵！蒟蒻麵可以一次解決哂以上問題。
100g嘅麵粉或者白飯含有360卡路里，但同一份量嘅蒟蒻就只係有100卡路里，就算碳水化合物都係得2.3g！加上呢個醬汁都特別降低咗鈉同糖嘅含量，所以就算飲埋啲醬同湯，都只係28-81卡路里！食用方法都好簡單。
打開包裝之後，會見到蒟蒻麵、醬汁同調味粉。
首先倒哂蒟蒻麵入面嘅水，再用清水沖一兩次啲麵。
之後倒哂啲醬汁同調味粉入去攪勻，真係好簡單係咪？
綠茶拌蒟蒻麵
呢款係加入咗濟州有機綠色粉嘅蒟蒻麵，再加上低糖低鈉嘅醬汁而整哂嘅拌麵。
佢標榜講到低糖同低鈉，仲以為食落會好淡，但小編覺得同普通韓式拌麵真係唔大分別！加上一碗都係28卡路里，就算食十碗都唔超過300卡路里，真係好令人驚訝！減肥嘅時候當零食或者當代餐咁食都好適合。
海鮮炒蒟蒻麵
呢款同綠茶嗰款唔同嘅係，佢啲麵條係扁平嘅，所以同啲醬汁更加夾！口感都好好添。
醬汁係由蝦，魷魚同蜆整成，所以一入口就食到好濃嘅海鮮味！小編平時就好鐘意海鮮，所以真係覺得好好食。
因為唔係用難以消化嘅麵粉整成嘅麵條，而係用蒟蒻整成，所以食完都唔會覺得太濟，而且卡路里都好低，食得好放心。鐘意食麵類又減緊肥嘅朋友，好值得一試！
4. S'MORE ohgodmallow 1盒 (20個裝)
價錢：14,400 won (20個裝)
唔知多唔多因為甜品而成日減肥失敗嘅人呢？小編就係其中一個啦😂對於我哋呢啲人，呢款S'MORE ohgodmallow就會最適合我哋啦！
呢款係由2016年喺弘大開始賣， 累積銷量高達7百萬個嘅減肥食品。 最近小編身邊減肥嘅朋友都好多食呢個零食，成日都喺ig見到，個個都好推薦呢款零食！
佢係一款餅乾上面帶有一舊棉花糖嘅零食，ohgodmallow嘅棉花糖用咗最少量嘅糖去整，連脂肪同膽固醇含量都係0g！每舊都只係33卡路里，而且獨立包裝，啱哂減肥嘅時候只係想食一兩舊嚟止口痕啦。
用微波爐叮7至15秒再食嘅話，棉花糖會變得更軟綿綿同更好食，大家食之前記得叮吓佢啊! 減肥都竟然可以食呢啲咁正嘅零食，大家不妨試吓啊。
5. 全麥朱古力派
價錢：12,500 won（5個裝）
呢款係減緊肥食都唔會有負擔嘅全麥朱古力派啦！本身朱古力派係兩塊包中間夾住棉花糖，出面再淋上朱古力醬嘅零食，所以卡路里真係好高。
只不過呢款朱古力派比起一般嘅朱古派唔同嘅係轉咗做全麥包，令碳水化合物含量同卡路里都降低。另外比起棉花糖，佢轉用咗cream；外圍更用咗黑朱古力去降低糖份添！呢款朱古力派一個都只係得15g嘅碳水化合物同2g嘅糖咋！
同樣係減肥零食，所以小編都冇太期待，但真係好好食! 塊包好鬆軟之餘，cream夾心都好滑，再加上或者係出名包住嘅係黑朱古力，所以整體都唔會太甜。小編覺得呢款比起一般嘅朱古力派冇咁甜之餘，食落口仲滑咗。
減肥當中想食甜嘅麵包類零食嘅話，就絕對唔可以錯過呢款朱古力派啦！有咗佢就唔洗減得咁痛苦咁啦😊
6. NUTRIDDAY 代餐奶昔套裝
價錢： 20800원
唔知係減肥嘅人，相信想增加肌肉類嘅朋友都一定聽過呢啲代餐奶昔啦。減肥嘅話通常就會當一餐咁飲，而想增加肌肉嘅話通常就會喺運動後飲啦。
不過呢啲奶昔最大嘅缺點就係通常唔多好飲啦。唔少人都頂唔順蛋白質奶昔粉末嗰種特別嘅特別嘅味道，而且味道都唔多，所以好難長時間keep住飲。只不過呢款NUTRIDDAY嘅奶昔就冇以上嘅缺點啦！
一開盒就會見到好多小包裝嘅奶昔粉，無論係帶番學定番工都好方便。
NUTRIDDAY一共有11種味道，當中最出名嘅就係雪糕味啦！上圖由左上開始係燕麥味、cookies and cream味、朱古力味、士多啤梨乳酪味、Latte味、初乳蛋白質味、雲呢拿味、薄荷朱古力味、核桃杏仁味、車厘子味同紅豆味。味道多到食種一個星期都唔會撞味，完全唔會食到悶！
製造方法都好簡單，只要倒一包落牛奶倒就ok啦。
由左到右係燕麥味、朱古力味、車厘子味同cookies and cream味。
燕麥味
大家都應該知道燕麥對身體好？燕麥唔單只有好高嘅膳食纖維，仲有飽肚感添，係好多人減肥鐘意嘅食物。呢個燕麥味奶昔好香，仲食到啲燕麥片，真係好好飲！平時鐘意乾果或者榖物味道嘅話，一定會好鐘意呢款奶昔！
朱古力味
小編有食過其他牌子嘅朱古力味奶昔，但嗰時因為蛋白質粉嗰種奇怪又獨特嘅味道同嗰陣好假嘅朱古力味，令小編飲唔落去最後仲倒咗添。而NUTRIDDAY嘅朱古力味就好真啦，同市面上賣嘅朱古力奶再加奶昔嘅感覺差唔多！隻朱古力味真係好濃郁，相信好多人都會鐘意！
車厘子味
呢隻車厘子味就好似韓國嘅「체리마루」雪糕味啦，奶昔入面仲有蔓越莓果肉，酸酸甜甜真係好好食!
Cookies and Cream味
小編平時就好鐘意cookies and cream味，平時唔知食咩味都會揀cookies and cream嚟食。而NUTRIDDAY呢隻味都果然好好食！同小編飲過其他牌子嘅cookies and cream味比較，呢款冇咁膩，所以感覺可以一直keep住飲！
呢款奶昔有豐富嘅營養，好味又方便，非常推薦大家試吓！
7. Delight Project Bagel Chip（Pizza味）
價錢：2,500won
唔知道大家都有冇睇尹汝貞嘅綜藝節目「尹STAY」呢？入面曾經出現過嘅零食就係呢款bagel chip啦！佢同時係Olive Young好受歡迎嘅零食嚟！
呢款bagel chip係將bagel低溫熟成之後切片再焗出嚟嘅零食，所以真係好脆！同麵包乾有啲似，不過因為冇落牛油同油，所以食落會輕盈好多！
小編試食咗pizza味，市面上嘅零食好多都好鹹，所以小編唔會成日食。只不過呢款bagel chip有pizza香之餘，又有適當嘅甜味同鹹，所以好好食。就算唔係減肥都好適合買嚟食！
減肥嘅時候食一包半包都唔會有罪惡感！除咗小編試過嘅pizza味，都仲有蒜香牛油味，蜜糖牛油味同朱古力肉桂味，鐘意呢啲味道嘅朋友都可以試下。
以上就係幾款喺韓國好出名嘅減肥食品啦！唔好再覺得減肥食品就係唔好味，一齊試吓呢啲好食，價錢又合理嘅韓國減肥零食啦！
有興趣買嚟試吓嘅朋友可以用我哋Creatrip嘅韓國代購服務！用最合理嘅價錢就可以買到韓國嘅嘢仲送到你門口添！🥳 一齊同我哋食住好嘢咁keep fit啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk