河南「歷史博物館」介紹
想了解更多以嚟韓國歷史？一齊嚟同小編去參觀河南「歷史博物館」啦！
Hello，大家好，我哋係由韓國人每日提供最新韓國旅行資訊嘅Creatrip。
河南係位於京畿道，四周都有群山包圍，係好有氣氛又好寧靜嘅一個城市，非常適合週末嚟呢度休息番一日。除咗有好多好靚嘅自然風景同cafe之餘，河南都有一啲好值得一去嘅博物館。鐘意歷史但又去厭咗首爾嘅朋友，不妨嚟河南嘅博物館參觀吓啊！
河南歷史博物館（하남역사박물관）
地址 : 京畿河南市德豊洞路30 德豊洞 694 （경기 하남시 덕풍동로 30 덕풍동 694）
營業時間 : 每日 9:00 - 18:00 ，逢星期一同1月1號休館（如果公眾假期撞正係星期一就會喺第二日休館）
入場費 : 免費
聯絡電話 : 031-790-7990
詳細消息同休館日可以喺網站查閱。
河南歷史博物館
河南歷史博物館係位於河南中心，位置好近河南市廳。見到上圖呢個招牌同白色外牆嘅建築物就代表搵啱地方啦。
雖然河南歷史博物館星期二至四都開朝早9點至夜晚6點，但5點之後就唔俾入場，所以要記得早啲入場啦！不過如果公眾假期當日係星期一，博物館就會喺第二日休館補番假，想去參觀嘅朋友就要留意啦。
行入去之後就會叫到大堂右邊有個接待處，小編參觀當日係由一個好親切嘅工作人員招呼我哋（不過只可以用韓文溝通）
因為呢度好多都只得韓文介紹，如果想了解更多可以喺門口拎定英文小冊子，另外小朋友可以拎定一本遊戲小冊子（右邊），入到去搵吓博物館嘅寶物。
呢度分別有3層，小編最先上到3樓，主要係講史前時期 (선사실)、古代時期(고대실)，同埋高麗時期 (고려실) 。
首先嚟到第一個區史前時期 (선사실)，呢度保留咗好多以前用過嘅石頭同陶瓷，大部份仲keep得好好，可以咁近距離睇到真係好壯觀。
之後行咗一陣就會嚟度古代時期(고대실)，入到去會見到有個超大瑩幕不斷播相同片去講述以前嘅故事，雖然係會用韓文講解，不過睇圖都大概可以了解少少。
睇完片之後，就會有自動門打開再去繼續了解更多古代時期(고대실)用嘅陶瓷。
呢度除咗有展品睇之外，仲有一啲小遊戲俾大家互動。
最後一個區就嚟度高麗時期 (고려실)，相信大家睇韓劇應該都睇過唔少。
欣賞完三樓嘅作品之後，就會嚟度二樓，主要分咗兩部份，第一部份係朝鮮時期，主要可以睇到以前嘅屋面貌。
之後就係最後一個區，大家覺唔覺得有啲熟悉呢？呢度有啲似係《請回答吧1988》嘅feel。
雖然呢度全部都係用韓文講解，大家會擔心聽唔明，不過小編覺得因為咁反而睇嘅時候更有趣，如果大家本身對歷史有興趣，就一定要嚟睇吓啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk