2021年流行短髮造型
嚟緊夏天想以全新面目視人？一齊嚟睇下韓國今年流行嘅12個短髮造型啦！
Hello，大家好，我哋係由韓國人每日提供最新韓國旅行資訊嘅Creatrip。
天氣熱咗好多，轉吓眼就快到夏天，唔知大家有冇去剪短髮嘅打算呢？
有好多韓妹都鐘情於短髮，佢哋甚至發明咗個term「短髮病（단발병）」，專門用嚟形容啲羨慕同憧憬藝人好靚嘅短髮造型，所以成日希望去剪短頭髮嘅人添。唔知大家又有冇相同嘅病徵（？）呢？今日小編將會介紹韓國2021年流行嘅短髮造型，嚟緊諗住剪短髮嘅朋友記得唔好錯過今日介紹啦！
2021年流行嘅短髮造型
下巴長度短髮造型 Miro Perm（미로펌）
Miro perm（미로펌）意思係去到下巴嘅長度+有陰嘅造型，呢種造型睇落自然之餘仲有種精緻嘅感覺。
小波浪短髮造型 Ruffle Perm（러플펌）
Ruffle perm（러플펌）意思係髮尾S捲嘅造型，會俾人有種可愛同活潑嘅感覺。
中分層次短髮造型 Diann Perm（다이앤펌）
對於一啲鐘意啲清爽俐落嘅短髮嘅朋友，咁呢個Diann perm（다이앤펌）就好適合你啦！呢種髮型仲可以更加突顯面部輪廓添。
及肩優雅短髮造型 Ballon Perm（벌룬펌）
Ballon perm（벌룬펌）係一個整體感覺都圓圓哋嘅一個短髮造型，會令人睇落溫柔啲，而且喺額頭兩邊嘅八字瀏海同內彎嘅髮尾亦都俾人一種優雅嘅感覺添。
層次內彎短髮造型 EGG Perm（에그펌）
EGG perm（에그펌）係一個去到頸長度嘅短髮造型，強調溫柔同柔弱感，但又同時帶有啲復古感。
外彎微攣短髮造型 Wind Perm（윈드펌）
Wind perm（윈드펌）係一種偏長嘅自然微攣短髮造型，係好多人都鐘意嘅style，適合啲打扮得casual嘅人。
層次內彎齊髮尾造型 Bonnie Cut （보니컷）
呢個髮型可以令你睇落聰明，而且更有個性。雖然睇落簡單，但又感覺成熟有型嘅髮型。
S捲C捲混合短髮造型 Mods Perm（모즈펌）
Mods perm（모즈펌）可以話係個俾人一種年輕同精緻感覺嘅經典髮型，混合S同C捲嘅剪法仲俾人一種溫柔嘅感覺添。
隨性層次短髮造型 Be'Be' Cut （베베컷）
Be'Be' Cut 베베컷係個短髮帶有陰嘅造型，前短後長嘅髮尾可以令你嘅面型睇落更圓滑，而且有層次嘅造型亦都令人睇落更可愛同年輕添。
自然波浪短髮造型 Tammy Perm（타미펌）
Tammy Perm（타미펌）係個經典髮型，可以幫你增加兩倍優雅感覺嘅髮型。呢個造型可以修飾顴骨等等嘅線條，令整體面部輪廓更加平滑。
內彎極短髮造型 Alice Perm（엘리스펌）
Alice Perm（엘리스펌）係個去到下巴長度，內彎嘅一個可愛造型，對普通直髮已經厭倦嘅朋友可以挑戰吓呢個髮型！
自然小攣毛造型 Cotton Perm（코튼펌）
鐘意舒服清爽短髮嘅朋友可以試吓Cotton perm（코튼펌），佢微攣嘅造型可以為你加添幾分可愛嘅感覺。
以上就係韓國最新2021年流行嘅短髮造型啦！希望可以對嚟緊想剪短頭髮嘅朋友有幫助啦！大家最想剪邊個短髮造型都可以留意同我哋分享！
如果有更多想知嘅內容，都可以隨時留言或者dm話俾我哋知：）
Instagram：creatrip.hk