擁有「魔術手」嘅韓星
擁有「魔術手」嘅韓星，仼何嘢喺佢哋嘅手上都一定會整唔見或者一定會整爛？
Hello，大家好，我哋係由韓國人每日提供最新韓國旅行資訊嘅Creatrip。
大家有冇聽過「魔術手」呢個單詞呢？魔術手呢個詞應該係因為SHINee嘅泰民而開始流行，因為佢唔只整唔見過手機、銀包，就連成員、經紀人都會特別幫佢注意手上嘅嘢會唔會突然消失，所以韓國就會用「魔術手」去形容一啲人隻手一掂啲嘢就會唔見或者整爛，今日小編就會介紹5個同泰民一樣係擁有魔術手嘅韓星啦！
擁有「魔術手」嘅明星
1. EXO - KAI
EXO KAI作為SM三大「Magic Hand」魔術手之一，當然同佢嘅好朋友泰民一樣都係有驚人嘅破壞力。佢試過喺演唱會上面整甩咗佢哋枝愛麗棒，枝mic個頭又可以整爛，就連燒烤都可以差啲引發事故。
2. Twice - 志效![]()
MPD youtube
喺Twice入面有破壞擔當之稱嘅志效！佢之前喺《Knock Kncok》攞第一個一位嘅時候太開心，前一秒明明淨係舉住個獎盃，下一秒用力一fing，獎盃個底部就被志效拋咗出去。
3. BTS - RM
講到魔術手就一定唔少得韓國歌謠界三大破壞王之一嘅RM。佢破壞過舞台地板、新買第一次戴嘅太陽眼鏡、手牌、玩具車等等，就連成員SUGA都話一定要離佢遠一啲，如果唔係真係命都短幾年。
就連最近BTS出演《劉QUIZ ON THE BLOCK》，佢哋有一個環節係要跳舞，所有成員要戴住耳機跳同一隻舞，不過其中一位成員會播其他歌，嗰位成員為咗唔被主持人揭穿，要好有眼色咁跟住其他成員跳，點知成員一直跳嘅時候，RM雖然都好興奮，但其實佢一啲音樂都聽唔到，最後先發現原來佢冇插好線，場面相當搞笑
4. Apink - 娜恩
Fans會叫佢做「孫右手」，因為娜恩只要一用右手，就會發生一啲意想不到嘅狀況！
5. Seventeen - DK
DK都係因為成日唔見野所以俾人叫做魔術手，佢仲試過喺Super Junior 厲旭㗎車度留低咗個銀包。
唔知大家仲知唔知其他擁有「魔術手」嘅韓星呢？歡迎留言話俾小編知！
如果有更多想知嘅內容，都可以隨時留言或者dm話俾我哋知：）
Instagram：creatrip.hk