自認係「臭手」嘅韓星
自認係「臭手」嘅韓星，用消毒濕紙巾去消毒個煲？準時搶演唱會飛都要同4萬幾人一齊爭？
Hello，大家好，我哋係由韓國人話你知每日最新韓國旅行資訊嘅Creatrip。
韓國有一個韓文單字叫做「똥손」，意思即係臭手咁解，大家可能會覺得韓星唔係應該好風光，應該好多事都會好順利，但點解會有臭手嚟形容自己呢？今日小編就想同大家介紹幾位自認係黑仔代表嘅韓星，大家係唔係小編未講，都會諗到至少一位呢？哈哈哈！
自認係「臭手」嘅韓星
1. 李光洙
第一個真係不得不提有「綜藝之神」之稱嘅光洙，佢喺《Runningman》入面係眾所周知嘅黑仔王，佢之前喺30隻雞蛋入面都可以揀中一隻係生，之後重新玩20隻揀一隻都可以喺生！
2. 姜素拉&張度練
姜素拉氣質女神出名係臭手之一，佢明明好靚不過就衰喺自拍度，好多時佢嘅自拍都會放到好大頭，令人會好奇點解要咁影。之前佢仲講過會放芳香劑入衣櫃想啲衫香啲，點知打算拎衫出嚟嘅時候就打爛咗，朴娜勑仲講笑咁講「臭手嘅人由一開始已經係錯，點會有人放芳香劑入衣櫃？」坐喺隔離嘅張度練仲笑住話：「我都係咁喎！」，令全場人哭笑不得！
3. 孫淡妃
孫淡妃係一位歌舞兼備嘅女歌手，佢曾經仲有「女版Rain」之稱，同時亦出名係臭手。佢喺上年出演《我獨自生活》坦言自己唔識煮飯，平時都係叫外賣多，不過冇諗過喺節目上佢展現咗好多令人驚訝嘅一面，就好似：唔識揸刀、唔識用鉸剪、人生第一次煎蛋，最令人覺得可怕嘅係用清毒濕紙巾去清潔個煲，唔知要用廚房紙，平時喺舞台上好有大姐姐風範嘅佢，喺現實生活中原來係一個傻大姐。
4. IU
你冇睇錯，IU竟然會話自己係「臭手」？佢想買一張演唱會飛，諗住可以準時8點入去搶，點知一開始已經有四萬幾人等緊，而且後面仲有萬幾人，佢仲講笑話：「到底我後面啲人有幾臭手先會喺我後面呢？」，最後佢連揀位都冇揀到就走咗啦，因為真正嘅演唱會主角就係佢，相信好多人同小編一樣都會想同IU講句：「你都知啲飛又幾難搶呢！不過為見你一面真係幾辛苦都值得㗎！ 」
5. 尹智聖
엑스포츠뉴스
有「臭手」之稱嘅尹智聖一直都話自己煮嘢食唔錯，仲話總有一日會令大家改變佢睇法，不過有時就係「一日臭手，終身臭手」，佢喺上個月諗住整泡菜煎餅畀主持人食，點知.....
MBC
大家又睇唔得出係泡菜煎餅呢？哈哈哈哈！
톱스타뉴스
之前佢情人節仲教大家整朱古力同糖葫蘆，雖然外表未必夠吸引，但相信應該味道都唔會太差嘅....節目仲幫佢改咗名做「地獄廚神」，大家又夠唔夠膽試呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk