江陵至釜山鐵路將開通

Hello，大家好，我哋係由韓國人每日提供最新韓國旅行資訊嘅Creatrip。

大家應該知道，韓國最快嘅火車就係KTX，KTX除咗由西北方嘅首爾通往東南方嘅大邱、釜山，同埋比較近嘅江陵之外，但其他去大城市嘅火車交通就冇咁方便，要搭好耐先去到，韓國交通部就宣布開始「東海線」計畫，預計將韓國東部（江陵到釜山）一帶嘅地方鐵路連埋，到時由同樣靠海嘅江陵去釜山，就唔洗再兜番入內陸啦！

江陵至釜山鐵路開通

預計喺2022年開通嘅江陵到釜山鐵路，預計連接原有嘅江陵－東海站，同埋釜山－浦項站鐵路（見下圖藍線），新建長達179公里嘅沿海鐵路（紅線）。

現在要由江陵去釜山旅行，最快嘅方法只可以坐KTX由江陵去首爾，再坐KTX由首爾去釜山，或者搭8個幾鐘嘅市外巴士，一路由江陵去釜山。

為咗令韓國東部嘅交通更加便利，建設交通局局長宣布，將連接原本自成一角嘅釜山京釜線同江陵東海線，完善西部嘅交通網路，經費高達4,875億韓元（約30.5億港幣）。

咁大家可能會諗，如果都係坐普通火車，咁由江陵坐到釜山咪好耐？

韓國交通部喺呢次規劃入面，加咗東海岸高速鐵路（KTX）電車化嘅目標，就可以更快到達目的地。

原有嘅江陵站－東海站將於今年底完成KTX路網，2022年開通去釜山的嘅鐵路後，江陵－東大邱、江陵－釜山嘅KTX路線都會開通。

雖然仲要等到2022年⋯⋯不過之後嚟韓國旅行個陣，去釜山有唔一樣嘅選擇，想像下坐住沿海嘅KTX睇住風景，釜山到江陵嘅海岸美景都可以一眼睇晒，係咪好正呢？

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購